ഒതുക്കുങ്ങലിലെ 'പച്ചനിറമുള്ള മുട്ട' ഗവേഷണകേന്ദ്രത്തിലേക്ക്. തൃശൂര്‍ മണ്ണുത്തിയില്‍നിന്നുള്ള മൂന്നുപേരടങ്ങുന്ന ഗവേഷകസംഘം ഒതുക്കുങ്ങലിലെ എ.കെ. ഷിഹാബുദ്ധീ ​െന്‍റ വീട്ടിലെത്തി വളര്‍ത്തുകോഴികളുടെ വിശദപരിശോധന നടത്തി. മുട്ടകളുടെ കരുവിന് പച്ച നിറമെന്ന വാര്‍ത്ത പുറത്തുവന്നതിനെ തുടര്‍ന്ന് മണ്ണുത്തിയിലെ കേരള വെറ്ററിനറി ആന്‍ഡ് അനിമല്‍ സയന്‍സ് സര്‍വകലാശാല വൈസ് ചാന്‍സലര്‍ ഡോ. എം.ആര്‍. ശശീന്ദ്രനാഥി ​െന്‍റ നിര്‍ദേശപ്രകാരമായിരുന്നു സംഘം എത്തി കോഴികളെ പരിശോധിച്ചത്.

സര്‍വകലാശാല പൗള്‍ട്രി ഫാം മേധാവി ഡോ. ബിനോജ് ചാക്കോ, അസി. പ്രഫസര്‍മാരായ ഡോ. ശങ്കര ലിംഗം, എസ്. ഹരികൃഷ്ണന്‍ എന്നിവരായിരുന്നു സംഘത്തിലുണ്ടായിരുന്നത്. രാവിലെ 10ഒാടെയെത്തിയ സംഘം ശിഹാബുദ്ധീനില്‍നിന്ന്​ വിശദമായ വിവരങ്ങളാണ് ശേഖരിച്ചത്. കോഴികളുടെ ഭക്ഷണം, പരിപാലനം, സവിശേഷത എന്നിവയായിരുന്നു പ്രധാനമായും അന്വേഷിച്ചത്. ശേഷം ഫാമില്‍ എത്തിയ ഉദ്യോഗസ്ഥര്‍ അരമണിക്കൂറോളം ഇവിടെ ചെലവഴിച്ചു. കോഴികളെ വളര്‍ത്തുന്ന രീതിയെപ്പറ്റി ചോദിച്ചറിഞ്ഞ സംഘം പച്ചനിറത്തിലുള്ള മുട്ടക്കരുവി ​െന്‍റ സവിശേഷതകള്‍ സൂക്ഷ്മമായി പരിശോധിച്ചു. പുഴുങ്ങിയതും പൊട്ടിച്ച മുട്ടയും പുറംതോടും കൂടുതല്‍ പഠനത്തിനായി സംഘം മണ്ണുത്തിയിലേക്ക് കൊണ്ടുപോയി. അമ്ബതോളം കോഴികളാണ് ഇവിടെയുള്ളത്. ആറോളം കോഴികളിടുന്ന മുട്ടയിലെ കരുവിനാണ് പച്ചനിറം.