ലോക്ക് ഡൗൺ ആരംഭിച്ചത് മുതൽ അന്യസംസ്ഥാനങ്ങളില്‍ നിന്ന് വരുന്ന പഴകിയ മീൻ പിടിച്ചെന്ന വാര്‍ത്തകലാണ് കേൾക്കുന്നത് .ഇതിനിടെ സംസ്ഥാന സര്‍ക്കാര്‍ നിയന്ത്രണത്തിലുള്ള മത്സ്യഫെഡ് ഫിഷ് മാര്‍ട്ടില്‍ നിന്ന് പഴകിയ മീൻ ലഭിച്ചെന്ന് പരാതി. പാളയത്തെ ഫിഷ് മാര്‍ട്ടില്‍ നിന്ന് വാങ്ങിയ ഒരു കിലോ മത്തിയിൽ പലതും കൈ കൊണ്ടു തൊടാൻ പോലും കഴിയാത്ത വിധത്തില്‍ ചീഞ്ഞളിഞ്ഞതായിരുന്നുവെന്നാണ് ആരോപണം.

ഒന്നരക്കിലോ വാങ്ങിയതിൽ 18 മത്തി കൈയിലെടുത്തു പിടിക്കാൻ പോലുമാകാത്ത രീതിയിൽ അഴുകിയതായിരുന്നു. അന്നേരം വന്ന മീനാണ് എന്നു പറഞ്ഞതുകൊണ്ടാണു വാങ്ങിയത്. അവിടെ പണിക്കുനിൽക്കുന്നവർക്ക് ഇതെടുത്ത് തരാൻ ഒരു കുത്തും തോന്നിയില്ലല്ലോ എന്നതാണ്. മാധ്യമപ്രവര്‍ത്തകനായ സെബിൻ എ ജേക്കബ് ഫേസ്ബുക്ക് പോസ്റ്റിൽ ചൂണ്ടിക്കാട്ടി. ചൊവ്വാഴ്ച പകല്‍ പതിനൊന്ന് മണിയോടെയാണ് പാളയത്തെ ഫിഷ് മാര്‍ട്ടില്‍ നിന്ന് മീൻ വാങ്ങിയതെന്നും കിലോയ്ക്ക് 200 രൂപയാണ് നല്‍കിയതെന്നും സെബിൻ ഫേസ്ബുക്കില്‍ കുറിച്ചു.

വലുപ്പം കുറവായിരുന്നുവെങ്കിലും പകുതി നല്ല മീനായിരുന്നുവെന്നും ഇതിനൊപ്പം പഴകിയ മീൻ കൂടി ഇടകലര്‍ത്തിയാണ് തന്നതെന്നുമാണ് സെബിൻ ചൂണ്ടിക്കാട്ടുന്നത്. കഴിഞ്ഞ ആഴ്ച ഇതേ ഫിഷ് മാര്‍ട്ടില്‍ നിന്ന് ചൂരമീൻ വാങ്ങിയപ്പോഴും ദുരനുഭവം ഉണ്ടായെന്നാണ് സെബിൻ എ ജേക്കബ് പറയുന്നത്. വിഴിഞ്ഞത്തു നിന്നുള്ള പ്രഫ് ക്യാച്ചാണാെന്നായിരുന്നു സ്ഥാപനത്തില്‍ നിന്ന് പറഞ്ഞത്. അവിടെ മുറിച്ചു കൊടുക്കാത്തിനാല്‍ വലിയ ചൂര മുഴുവനായി വാങ്ങേണ്ടി വന്നു . പക്ഷെ വീട്ടിലെത്തി മരിച്ചപ്പോൾ പഴകിയ മീൻ ആയിരുന്നെന്നു മനസ്സിലായി
ട്ടി.
ചന്തയില്‍ നിന്ന് പഴകിയ മീൻ പിടികൂടിയ വാര്‍ത്തകള്‍ കണ്ട് നല്ല മീൻ കിട്ടുമെന്ന് കരുതിയിലാണ് സര്‍ക്കാര്‍ നടത്തുന്ന മത്സ്യഫെഡിന്‍റെ കടയില്‍ പോകുന്നത്. എന്നാല്‍ അവിടെ ഫുഡ് ഇൻസ്പെക്ടര്‍മാര്‍ റെയ്ഡ് നടത്തില്ല എന്ന ധൈര്യത്തിലാണോ ഈ പരിപാടി കാണിക്കുന്നത് എന്ന് ബന്ധപ്പെട്ട ഉദ്യോഗസ്ഥര്‍ മറുപടി പറയണമെന്നും ഇദ്ദേഹം ഫേസ്ബുക്ക് പോസ്റ്റിൽ ചോദിച്ചു.

മത്സ്യഫെഡിൽ നിന്നു ലഭിക്കുന്ന മീനിൻ്റെ ഗുണനിലവാരം സംബന്ധിച്ച് എതിര്‍ത്തും അനുകൂലിച്ചും നിരവധി പേര്‍ കമൻ്റ് ചെയ്തിട്ടുണ്ട്. വിഷയം ശ്രദ്ധയില്‍പ്പെട്ടതായി തിരുവനന്തപുരം നഗരസഭ ആരോഗ്യ സ്റ്റാൻഡിങ് കമ്മിറ്റി ചെയര്‍മാൻ ഐ പി ബിനു കമൻ്റ് ബോക്സിൽ അറിയിച്ചിട്ടുണ്ട്.