രാജസ്ഥാനിലേക്കുള്ള അതിഥി തൊഴിലാളികളെ പ്രകോപിതരാക്കി ട്രെയിന് റദ്ദാക്കല്
കോഴിക്കോട് റെയില്വേ സ്റ്റേഷനില് നിന്നും അതിഥി തൊഴിലാളികളേയും കൊണ്ട് രാജസ്ഥാനിലേക്കുള്ള ട്രെയിന് റദ്ദാക്കിയത് പെട്ടെന്നായിരുന്നു. എന്നാല് അധികൃതര് വിളിച്ചതനുസരിച്ച് രാവിലെ തന്നെ അതിഥിത്തൊഴിലാളികള് ഓട്ടോറിക്ഷയിലും മറ്റും സ്റ്റേഷനില് എത്തിയിരുന്നു.
പ്രത്യേക ട്രെയിന് റദ്ദാക്കിയതറിയാതെ കോഴിക്കോട് റെയില്വേ സ്റ്റേഷനിലേക്ക് പോകാന് കെഎസ്ആര്ടിസി ബസ് പ്രതീക്ഷിച്ച് ചേളാരി ജിവിഎച്ച്എസ്എസ് സ്കൂളില് എത്തിയത് 150 അതിഥിത്തൊഴിലാളികള്. മാസ്കും സാനിറ്റൈസറും താപ പരിശോധനയും റജിസ്ട്രേഷനും ഇല്ലാതെ പലരും അസ്വസ്ഥരായി. ചിലര് ബഹളം വച്ചു.
ട്രെയിന് റദ്ദാക്കിയ വിവരം അറിയിക്കും മുന്പു തൊഴിലാളികള് ചേളാരി ജിവിഎച്ച്എസ്എസില് എത്തിയിരുന്നു. തൊഴിലാളികള് സ്കൂളില് ഉണ്ടെന്ന് അറിഞ്ഞ് അധികാരികള് എത്തിയപ്പോള് വൈകിയിരുന്നു. പലരും മുറി ഒഴിഞ്ഞു ഉടമയ്ക്കു താക്കോല് നല്കിയാണ് സ്കൂളിലെത്തിയത്. വീണ്ടുമൊരു മടക്കം പലര്ക്കും പ്രയാസമായിരുന്നു. റവന്യു അധികൃതരും പൊലീസും എത്തിയാണ് ഇവരെ ശാന്തരാക്കി തിരിച്ചയച്ചത്.
ഒടുവില് പഞ്ചായത്ത് അധികൃതരെ വിളിച്ച് വരുത്തിയാണ് പ്രശ്നം ഒരു പരിധി വരെ പരിഹരിച്ചത്. രാജസ്ഥാന് തൊഴിലാളികള്ക്കു മടങ്ങുംവരെ ഭക്ഷ്യ കിറ്റുകള് ലഭ്യമാക്കുമെന്ന് റവന്യു അധികൃതരില് നിന്ന് ഉറപ്പു ലഭിച്ചതായി തേഞ്ഞിപ്പലം പഞ്ചായത്ത് അധികൃതര് പറഞ്ഞു.
https://www.facebook.com/Malayalivartha