കൊറോണ വൈറസിനെ പ്രതിരോധിക്കാൻ നിരവധി ക്രിയാത്മക പ്രവർത്തനങ്ങളാണ് കേരളം നടത്തുന്നത്. അതിൽ ഏറ്റവും എടുത്തു പറയേണ്ട ഒന്നാണ് അതിഥി തൊഴിലാളികൾക്ക് കേരളം നൽകിയ കരുതലും സംരക്ഷണവും,.എന്നിട്ടും പല കാഴ്ചകൾക്കും നാം സാക്ഷ്യംവഹിച്ചു .സൗകര്യങ്ങൾ പോരാ എന്നും സ്വന്തം നാട്ടിലേക്കു പോകണമെന്നും ആവശ്യപ്പെട്ടു അതിഥി തൊഴിലാളികളിൽ ചിലർ സൃഷ്‌ടിച്ച പ്രശ്നങ്ങൾക്കും നാം സാക്ഷ്യം വഹിച്ചു

ഒടുവിൽ ഇതാ സമരം പോലും നടത്തി നാട്ടിൽ പോയ അതിഥിത്തൊഴിലാളികളിൽ ഒരു വിഭാഗം തിരികെ നാട്ടിലേക്ക് വരാനുള്ള ശ്രമത്തിൽ ആണ് എന്ന റിപ്പോർട്ടുകൾ വരുന്നു . കേരളത്തിൽ ലഭിച്ച ഏറ്റവും നല്ല സൗകര്യത്തിൽ നിന്നും സ്വന്തം നാട്ടിലെത്തിയപ്പോൾ നാട്ടിലെ ക്വാറന്റീൻ കാലയളവിൽ ലഭിച്ച സൗകര്യങ്ങളുടെ പോരായ്മയാണ് ഇവരുടെ മനം മാറ്റത്തിനു കാരണം.
ബിഹാറിലേക്ക് പോയവരാണ് തിരികെ വരാൻ ശ്രമിക്കുന്നതിൽ അധികവും. കേരളത്തിലേക്ക് തിരികെ വരാനുള്ള പാസ്സിനായി വിവിധ ജില്ലകളിലേക്ക് നൂറിലധികം അപേക്ഷകളാണ് കഴിഞ്ഞ ദിവസങ്ങളിൽ ലഭിച്ചത്.
ഇവിടെ ആവശ്യപ്പെടുന്ന ഭക്ഷണം, കൃത്യമായ വൈദ്യ പരിശോധന, താമസിക്കാൻ സൗകര്യം എന്നിവ ലഭിച്ചിരുന്നപ്പോൾ നാട്ടിലെത്തിയപ്പോൾ കിടക്കാൻ കട്ടിൽ പോലുമില്ലാത്ത സ്ഥിതിയാണെന്ന് ബിഹാറിലേക്ക് മടങ്ങിയ തൊഴിലാളി ചമൻ പറഞ്ഞു. ക്വാറന്റീൻ സെന്ററിൽ ഒരു ഹാളിൽ നിലത്തു കള്ളി വരച്ചു അവിടെ കിടക്കാനാണ് നിർദേശിച്ചത്. ശരിക്കു ഭക്ഷണം ലഭിക്കാതെ ‘ചിത്ര കട്ടിലിൽ’ ഉറക്കം വരാതെ കിടക്കുന്ന അവസ്ഥയിലാണിപ്പോൾ. ക്വാറന്റീൻ കഴിഞ്ഞാൽ ജോലി ഇല്ലാത്തതിനാൽ വരുമാനവും ഇല്ല.

പക്ഷെ ഇപ്പോൾ കേരളം പറയുന്നത് ചതിക്കല്ലേ പിണറായീ എന്നാണ്. കാരണം പാല് കൊടുത്ത കൈക്കു തന്നെ കൊത്തിയ സമീപനമായിരുന്നു അതിഥി തൊഴിലാളികളിൽ ചിലർ കേരളത്തോട് കാണിച്ചത്.തിരുവനന്തപുരവും പായിപ്പാടും കൂത്താട്ടുകുളവുമൊക്കെ ഇതിനുദാഹരണമാണ്.

തിരുവനന്തപുരത്ത് ലോക്ക് ഡൗണ്‍ നിയമം ലംഘിച്ച് സംഘടിച്ചതും, പൊലീസിനെ ആക്രമിച്ചതും ഒരിക്കലും കേരളീയ സമൂഹത്തിന് അംഗീകരിക്കാന്‍ കഴിയുന്നതല്ല. . ഇവരുടെ കല്ലേറില്‍ സി.ഐ ഉള്‍പ്പെടെ മൂന്ന് പൊലീസുകാര്‍ക്കാണ് പരിക്കേറ്റിരിക്കുന്നത്. ഹോളോബ്രിക്‌സ് കട്ടകള്‍ ഉപയോഗിച്ചായിരുന്നു ആക്രമണം.

അന്യസംസ്ഥാന തൊഴിലാളികളെ അതിഥി തൊഴിലാളികളായി കാണുന്നവരാണ് മലയാളികള്‍.ഈ നാട്ടില്‍ കിട്ടുന്ന പരിഗണന, മറ്റൊരു സംസ്ഥാനത്തും അതിഥി തൊഴിലാളികള്‍ക്ക് കിട്ടുകയുമില്ല. അത് മുറവിളി കൂട്ടി നാട് വിട്ടു പോയവർക്ക് ഇപ്പോൾ മനസിലായിട്ടുമുണ്ടാകും.പരമ്പരാഗത പൊലീസിങ്ങ് മാറ്റി നിര്‍ത്തി, സേവനത്തിന്റെ പുതിയ പാതയിലൂടെ സഞ്ചരിക്കുന്ന കേരളത്തിലെ പൊലീസുകാരെയാണ് നിങ്ങൾ ആക്രമിച്ചത്. ഇവിടെ ലഭിച്ച സൗകര്യങ്ങളിൽ തൃപ്തിപോരാഞ്ഞ് നടത്തിയ അഭ്യാസപ്രകടങ്ങളൊന്നും തന്നെ എന്തുകൊണ്ടാണ് സ്വന്തം നാട്ടിൽ പോയപ്പോൾ കാണിക്കാത്തത്..ജീവൻ പോകുമെന്നുറപ്പാണല്ലേ..

‘ഒരു വയറൂട്ടാം’ എന്ന പദ്ധതിയിലൂടെ ഭക്ഷണവുമായി തെരുവിലിറങ്ങിയവരാണ് കേരളത്തിലെ ഈ കാക്കിപ്പട. മറ്റൊരു സംസ്ഥാനത്തും കരുതൽ നിങ്ങൾക്കു കാണാൻ കഴിയില്ല. അതിഥി തൊഴിലാളികള്‍ ഉള്‍പ്പെടെ, സംസ്ഥാനത്തിന്റെ വിവിധ ഭാഗങ്ങളിലെ നിരവധി പാവങ്ങള്‍, ഈ സ്‌നേഹ സ്പര്‍ശം ഏറ്റു വാങ്ങിയിട്ടുണ്ട്.വിശപ്പിന്റെ വിളി കൊണ്ടല്ല, വീട്ടിലെത്താനുള്ള ആഗ്രഹം കൊണ്ടാണ്, നാട് പിടിക്കാന്‍ അതിഥി തൊഴിലാളികള്‍ ഈ കട്ടികൂട്ടലുകളെല്ലാം നടത്തിയത്.
ഭക്ഷണം പോലും ലഭിക്കാതെ നരകിക്കുന്ന മറ്റു സംസ്ഥാനങ്ങളിലെ അവസ്ഥ, ഇവര്‍ക്കാര്‍ക്കും കേരളത്തിലില്ല. ബഹളമുണ്ടാക്കുന്നവര്‍ കേരള അതിര്‍ത്തി വിട്ടപ്പോൾ അതിന്റെ വില മനസിലാക്കി എന്ന് ഇപ്പോൾ വ്യക്തമാണ്. അതുകൊണ്ടാണല്ലോ പോയപോലെ മടങ്ങിവരാൻ ശ്രമിക്കുന്നതും. .ഏതാണ് യഥാര്‍ത്ഥ ദുരിതമെന്നത് ഇപ്പോൾ അനുഭവിച്ച് അറിഞ്ഞു എന്ന് വ്യക്തം.കേരളത്തില്‍ ബഹളമുണ്ടാക്കുന്നവര്‍, സ്വന്തം സംസ്ഥാനങ്ങളോടാണ് ഈ ചോദ്യങ്ങള്‍ ചോദിയ്ക്കാൻ ഭയന്നു തിരിച്ചു വരാനുള്ള ശ്രമത്തിലാണ്..അതെ കേരളം സ്വർഗ്ഗമാണെന്നു അവർ തിരിച്ചറിഞ്ഞിട്ടുണ്ട്..പക്ഷെ ഇനിയും അങ്ങനെ ഒരു തീരുമാനം കൈകൊള്ളുമ്പോൾ സർക്കാർ ഒന്നുകൂടി നല്ല രീതിയിൽ ആലോചിക്കേണ്ടതുണ്ട്..വീണ്ടും പായിപ്പാടും തിരുവന്തപുരവും കൂത്താട്ടുകുളവുമൊക്കെ ഇവിടെ ആവർത്തിക്കപ്പെടരുത്..