കിടപ്പാടം ‘നഷ്ടപ്പെട്ട്’ ആകെ വിഷമത്തിലായിരിയ്ക്കുകയാണ് തിരുവല്ല എംഎൽഎ മാത്യു ടി. തോമസ്. സ്വന്തം വീട്ടിൽ കയറാൻ വിലക്കാണ് എം എൽ യ്ക്ക് . ആകെയുള്ള ആശ്വാസം വീട്ടു പടിക്കൽ പോയി നിന്നാൽ ഭാര്യയെ ഒന്നു കാണാമെന്നത് മാത്രമാണ് .എന്താണ് കാര്യമെന്നല്ലേ 

സംഗതി ഇത്രേയുള്ളൂ, മകൾ അച്ചുവും മരുമകൻ നിതിനും പേരക്കുട്ടി അന്നക്കുട്ടിയും ബെംഗളൂരുവിൽ നിന്ന് എത്തിയിട്ടുണ്ട്. എംഎൽഎയുടെ വീട്ടിൽ അവർ 14 ദിവസത്തെ ക്വാറന്റീനിലാണ്. അതു കഴിയും വരെ മാത്യു ടി. തോമസിനു വീട്ടിൽ കയറാൻ പറ്റില്ലല്ലോ
ആദ്യ 3 ദിവസം എം എൽ എ തിരുവല്ല ടിബിയിൽ കഴിഞ്ഞു. ചട്ടപ്രകാരം അതിൽ കൂടുതൽ നിൽക്കാൻ കഴിയാത്തതു കൊണ്ട് പിന്നീട് തിരുവനന്തപുരത്ത് എംഎൽഎ ക്വാർട്ടേഴ്സിൽ പോയി. അവിടെയും 3 ദിവസം. പുറത്തുനിന്നായിരുന്നു ഭക്ഷണം..പക്ഷെ അത് ആരോഗ്യത്തെ ബാധിച്ചു . . ഇതോടെ പുറത്തെ ഭക്ഷണം നിർത്തി. ഗേറ്റിനു പുറത്തു ഭാര്യ തയാറാക്കി വയ്ക്കുന്ന കഞ്ഞി എടുത്തു കൊണ്ടു ടിബിയിൽ പോയി കഴിക്കും.

തിരുവനന്തപുരത്ത് എംഎൽഎ ക്വാർട്ടേഴ്സിൽ സ്വന്തമായി കഞ്ഞി വച്ചു കുടിക്കുകയായിരുന്നു മാത്യു ടി തോമസ് . ഭാര്യ ഡോ. അച്ചാമ്മ അലക്സും രണ്ടാമത്തെ മകൾ അമ്മു തങ്കം മാത്യുവും വീട്ടിലുണ്ട്. ഇവരും പുറത്ത് ഇറങ്ങുന്നില്ല. വീട്ടിലേക്ക് ആവശ്യമുള്ള സാധനങ്ങൾ എം എൽ എ വാങ്ങി ഗേറ്റിൽ എത്തിക്കും. എംഎൽഎയുടെ പിതാവ് റവ. ടി.തോമസിനെ സഹോദരന്റെ വീട്ടിലേക്കു മാറ്റിയിരുന്നു. അടുത്ത ശനിയാഴ്ച അച്ചുവിന്റെ ക്വാറന്റീൻ കഴിയും. അതിനു ശേഷമേ വീട്ടിലേക്കു പ്രവേശനമുള്ളൂ ഇദ്ദേഹത്തിന്. രാജ്യത്ത് കോവിഡ്-19 രോഗവ്യാപനവുമായി ബന്ധപ്പെട്ട സാഹചര്യങ്ങൾ വിലയിരുത്തുന്നതിനായി പ്രധാനമന്ത്രി നരേന്ദ്ര മോദി മുതിർന്ന കേന്ദ്ര മന്ത്രിമാരുമായും ഉന്നത ഉദ്യോഗസ്ഥരുമായും കൂടിക്കാഴ്ച നടത്തി. കോവിഡ് പ്രതിരോധവുമായി ബന്ധപ്പെട്ട് രാജ്യത്തെ സാഹചര്യങ്ങൾ കൂടിക്കാഴ്ചയിൽ വിശദമായി ചർച്ച ചെയ്തതായി പ്രധാനമന്ത്രിയുടെ ഓഫീസ് വാർത്താക്കുറിപ്പിൽ അറിയിച്ചു.

ദേശീയ തലത്തിലെയും സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും പ്രതിരോധ പ്രവർത്തനങ്ങൾ കൂടിക്കാഴ്ചയിൽ വിലയിരുത്തി. കേന്ദ്ര ആഭ്യന്തര മന്ത്രി അമിത് ഷാ, ആരോഗ്യ മന്ത്രി ഹർഷവർധൻ, പ്രധാനമന്ത്രിയുടെ പ്രിൻസിപ്പൾ സെക്രട്ടറി, കാബിനറ്റ് സെക്രട്ടറി, ആരോഗ്യ സെക്രട്ടറി, ഐസിഎംആർ ഡയരക്ടർ ജനറൽ തുടങ്ങിയവരും കോവിഡ് പ്രതിരോധവുമായി ബന്ധപ്പെട്ട ഉന്നതാധികാര സമിതികളുടെ കൺവീനർമാരും യോഗത്തിൽ പങ്കെടുത്തതായി പ്രധാനമന്ത്രിയുടെ ഓഫീസ് അറിയിച്ചു.