സംസ്ഥാനത്തെ സര്‍ക്കാര്‍ ആശുപത്രികളില്‍ നിന്നാണ് കൊവിഡ് പ്രധാനമായും പകരുന്നതെന്ന ഗുരുതര ആരോപണവുമായി കെ മുരളീധരന്‍ എം.പി രംഗത്ത്. ആഗസ്റ്റ് മാസത്തോടെ രോഗികളുടെ എണ്ണം കൂടുമെന്ന് മുഖ്യമന്ത്രി പറഞ്ഞത് കൊവിഡ് പ്രതിരോധത്തില്‍ സര്‍ക്കാര്‍ പരാജയപ്പെട്ടതിന് തെളിവാണെന്നും മുരളീധരൻ ആഞ്ഞടിച്ചു

പ്രവാസികള്‍ക്ക് തിരിച്ചെത്താന്‍ പി.പി.ഇ കിറ്റ് വേണമെന്ന സര്‍ക്കാര്‍ നിര്‍ദ്ദേശത്തെ അദ്ദേഹം പരിഹസിച്ചു. ഇന്ദുലേഖ അല്ലെങ്കില്‍ തോഴി മതി എന്നത് പോലെയാണ് മുഖ്യമന്ത്രിയുടെ നിര്‍ദ്ദേശം. അന്യസംസ്ഥാന തൊഴിലാളികളോട് കാട്ടിയ മാന്യത പോലും പ്രവാസികളോട് സര്‍ക്കാര്‍ കാണിക്കുന്നില്ലെന്നും മുരളീധരന്‍ ആരോപിച്ചിരുന്നു. കൊവിഡ് പ്രതിരോധത്തില്‍ സര്‍ക്കാര്‍ പരാജയമെന്ന് നേരത്തെയും അദ്ദേഹം ആരോപണം ഉന്നയിച്ചിരുന്നു.