തെങ്ങിൽ തലകീഴായി തൂങ്ങികിടന്ന തെങ്ങുകയറ്റ തൊഴിലാളിയെ പേരാമ്പ്ര അഗ്നിരക്ഷാസേന രക്ഷപ്പെടുത്തി. കൂത്താളി പഞ്ചായത്തിലെ പൈതോത്ത് റോഡിലെ യുവധാര വായനശാലയ്ക്ക് മുൻപിൽ ഇന്നു രാവിലെ ആയിരുന്നു സംഭവം. തെങ്ങുകയറ്റ യന്ത്രം ഉപയോഗിച്ച് കയറുമ്പോൾ തെങ്ങിന്റെ മധ്യത്തിൽ എത്തിയപ്പോൾ അബദ്ധവശാൽ കൈ പിടുത്തം വിട്ട് പിറകിലേക്ക് മറിഞ്ഞ് തെങ്ങിനോട് ചേർന്ന് യന്ത്രത്തിൽ തൂങ്ങി നിന്ന പറയൻ കുന്നത്ത് രഘുനാഥിനെയാണ് രക്ഷപ്പെടുത്തിയത്.

ഏണിയിൽ കയറിയ നാട്ടുകാരൻ അദ്ദേഹത്തെ താങ്ങിനിർത്തുന്നുണ്ടായിരുന്നു. ഏണി ഉപയോഗിച്ച് ഫയർ ഓഫീസർ മാരായ കെ.യം. ഷിജു, ഐ.ബി. രാഗിൻ എന്നിവർ തെങ്ങിന് മുകളിൽ കയറി യന്ത്രത്തിൽ നിന്നും അതി സാഹസികമായി ബെൽറ്റ് മുറിച്ച് മാറ്റി ആളെ വേർപെടുത്തി നെറ്റ് ഉപയോഗിച്ച് തെങ്ങിൽ നിന്നും താഴെയിറക്കി. ആംബുലൻസിൽ താലൂക്ക് ആശുപത്രിയിൽ എത്തിച്ചു.. കാലിനുള്ള ചെറിയ പരിക്കല്ലാതെ മറ്റ് പരിക്കുകൾ ഒന്നുമില്ലെന്ന് ഡോക്ടർമാർ അറിയിച്ചു.

സ്റ്റേഷൻ ഓഫീസർ ടി ജാഫർ സാദിഖിന്റെ നേതൃത്വത്തിലാണ് രക്ഷാപ്രവർത്തനം. നടത്തിയത്. ഏ.എസ്.ടി. ഓ. സജീവൻ സി. എസ് . എഫ് .ആർ .ഒ മാരായ പി. വിനോദൻ ഏ.ഭക്തവത്സലൻ ഫയർ ആൻഡ് റെസ്ക്യൂ ഓഫീസർമാരായ സിജു.എം.പി, കെഎം ഷിജു, കെ പി ബിജു, എൻ.കെ. സ്വപ്നേഷ്, ഐ .ബി.രാഗിൻ കുമാർ , എൻ.പി അനൂപ്, കെ.ബിനീഷ് കുമാർ ,സി.എം. ഷിജു ഹോം ഗാർഡ് മാരായ എ.സി. അജീഷ്, സി.പി .അനീഷ് കുമാർ എന്നിവർ ചേർന്നാണ് രക്ഷാപ്രവർത്തനം നടത്തിയത്.