കൈത്തറി മേഖലയിലുണ്ടായ പ്രതിസന്ധി മറികടക്കാന്‍ പുതിയ നടപടിയുമായി സര്‍ക്കാര്‍; കൈത്തറി ഉല്‍പന്നങ്ങള്‍ക്ക് 20 ശതമാനം റിബേറ്റ് പ്രഖ്യാപിച്ചിരിക്കുകയാണ് സര്‍ക്കാര്‍
കൊറോണ വൈറസ് വ്യാപനത്തെ തുടര്‍ന്ന് ചെറുകിട വന്‍കിട സ്ഥാപനങ്ങള്‍ക്ക്് വലിയ പ്രതിസന്ധിയാണ് നേരിടുന്നത്. എന്നാല്‍ കൈത്തറി മേഖലയിലുണ്ടായ പ്രതിസന്ധി മറികടക്കാന്‍ സര്‍ക്കാര്‍ 20 ശതമാനം പ്രത്യേക റിബേറ്റ് പ്രഖ്യാപിച്ചിരിക്കുകയാണ് ഇപ്പോള്‍. കൈത്തറി സംഘങ്ങള്‍, ഹാന്‍ടെക്‌സ്, ഹാന്‍വീവ് എന്നിവരുടെ ഉല്‍പ്പന്നങ്ങള്‍ക്ക് റിബേറ്റ് ലഭിക്കും. ജൂലൈ ഒന്നുമുതല്‍ 20 വരെയാണ് ആനുകൂല്യം. ഉല്‍പ്പന്നങ്ങള്‍ ഓണ്‍ലൈനായും ലഭിക്കും. റിബേറ്റ് വില്‍പ്പനയുടെ ഉദ്ഘാടനം ജൂലൈ ഒന്നിന് വ്യവസായമന്ത്രി ഇ.പി ജയരാജന്‍ നിര്‍വഹിക്കും. ലോക്ഡൗണായതിനാല്‍ വിഷുവിനും റംസാനും റിബേറ്റ് മേളകള്‍ സംഘടിപ്പിക്കാനായില്ല. 14 ദിവസത്തെ റിബേറ്റ് വില്‍പ്പനയാണ് ഇതുവഴി നഷ്ടമായത്. ഇത് മറികടക്കാനാണ് പ്രത്യേക റിബേറ്റ്.
കൈത്തറി സംഘങ്ങള്‍ക്ക് നേരിട്ട് റിബേറ്റ് വില്‍പ്പന നടത്താം. ഹാന്‍ടെക്‌സിന് 90ഉം ഹാന്‍വീവിന് 46ഉം ഷോറൂമുകള്‍ സംസ്ഥാനത്തുണ്ട്. കൈത്തറി സംഘങ്ങള്‍ ഉള്‍പ്പെടെ 400 കേന്ദ്രംവഴി വിപണനം നടത്തും. സഹകരണ സംഘങ്ങള്‍ ഡോര്‍ ഡെലിവറിയും നടത്തും. ഓഫീസുകള്‍, നഗരങ്ങള്‍ കേന്ദ്രീകരിച്ച് വാഹനങ്ങളില്‍ വിപണനം നടത്തും. സുരക്ഷാ മുന്‍കരുതലുകള്‍ സ്വീകരിച്ചാകും വില്‍പ്പന.
https://www.facebook.com/Malayalivartha
