സംസ്ഥാനത്ത് കു​ട്ടി​ക​ളു​ടെ അ​ശ്ലീ​ല ചി​ത്ര​ങ്ങ​ളും വീ​ഡി​യോ​യും പ്രചരിപ്പിക്കുകയും പങ്കുവയ്ക്കുകയും ചെയ്ത സംഭവങ്ങളുമായി ബന്ധപ്പെട്ട് 47 പേര്‍ അറസ്റ്റില്‍. ഓ​പ്പ​റേ​ഷ​ന്‍ 'പി ​ഹ​ണ്ട്' എ​ന്ന പേ​രി​ല്‍ ന​ട​ത്തി​യ പ​രി​ശോ​ധ​ന​യി​ല്‍ 89 കേ​സു​ക​ള്‍ സംസ്ഥാന പൊലീസ് ര​ജി​സ്റ്റ​ര്‍ ചെയ്യുകയും ചെയ്തിട്ടുണ്ട്. ഐ.​ടി രം​ഗ​ത്തു​ള്ള​വ​രും ഉ​യ​ര്‍​ന്ന ജോ​ലി​യു​ള്ള​വ​രും ഉ​ള്‍​പ്പ​ടെ​യു​ള്ള​വരാണ് പി​ടി​യി​ലാ​യ​ത്. 143 ഉ​പ​ക​ര​ണ​ങ്ങ​ളും പി​ടി​ച്ചെ​ടു​ത്തു.

കേരളത്തിലാകമാനമായി നടത്തിയ റെ​യ്ഡി​ലാ​ണ് ലോക്ഡൗണ്‍ കാ​ല​ത്ത് കു​ട്ടി​ക​ള്‍​ക്കെ​തി​രെ​യു​ള്ള ഓ​ണ്‍​ലൈ​ന്‍ അ​തി​ക്ര​മ​ങ്ങ​ള്‍ കൂ​ടു​ന്ന​താ​യി കേ​ര​ളാ സൈ​ബ​ര്‍ ഡോ​മും കേ​ര​ളാ പോ​ലീ​സി​ന്‍റെ കൗ​ണ്ട​റിം​ഗ് ചൈ​ല്‍​ഡ് സെ​ക്ഷ്വ​ല്‍ എ​ക്സ​പ്ലോ​യി​റ്റേ​ഷ​ന്‍ വി​ഭാ​ഗ​വും കണ്ടെത്തിയിരുന്നു. ഇ​തേ​ത്തു​ട​ര്‍​ന്നു​ള്ള നി​രീ​ക്ഷ​ണ​ങ്ങ​ള്‍​ക്കൊ​ടു​വി​ലാ​ണ് സംസ്ഥാന പൊലീ​സ് മേ​ധാ​വി ലോ​ക്നാ​ഥ് ബെ​ഹ്റ പ​രി​ശോ​ധ​ന നടത്താനായി നി​ര്‍​ദേ​ശം ന​ല്‍​കി​യ​ത്.

ക്രൈം​ബ്രാ​ഞ്ച് ഐ.​ജി എ​സ്.​ശ്രീ​ജി​ത്തി​ന്‍റെ നേ​തൃ​ത്വ​ത്തി​ല്‍ 117 സം​ഘ​ങ്ങ​ള്‍ സം​സ്ഥാ​ന​ത്തൊട്ടാകെ പ​രി​ശോ​ധ​ന ന​ട​ത്തു​ക​യാ​യി​രു​ന്നു. മൊ​ബൈ​ല്‍ ഫോ​ണു​ക​ള്‍, ഹാ​ര്‍​ഡ് ഡി​സ്കു​ക​ള്‍. പരിശോധനയില്‍ ലഭിച്ച വീ​ഡി​യോ​ക​ളി​ല്‍ പ​ല​തും സം​സ്ഥാ​ന​ത്തു​ള്ള ആ​റു വ​യ​സു മു​ത​ല്‍ 15 വ​രെ​യു​ള്ള കു​ട്ടി​ക​ളു​ടേ​താ​ണെന്നും പൊലീസ് വ്യക്തമാക്കി.