കുട്ടികളുടെ അശ്ശീല ദൃശ്യങ്ങള്‍ പ്രചരിപ്പിക്കുന്നവരെ കുടുക്കാനായി പോലീസ് നടത്തിയ പി ഹണ്ടില്‍ 47 പേര്‍ അറസ്റ്റിലായി. ഇന്നലെയാണ് കേരളത്തില്‍ 117 കേന്ദ്രങ്ങളില്‍ ഒരെ സമയം പോലീസ് തിരച്ചില്‍ നടത്തിയത്. അറസ്റ്റിലായവരില്‍ ഇടുക്കിയിലെ ഒരു ഡോക്ടറും ഉള്‍പ്പെടുന്നുണ്ട്. കാമാക്ഷി പ്രാഥമികാരോഗ്യ കേന്ദ്രത്തിലെ തിരുവല്ല സ്വദേശിയായ ഡോക്ടര്‍ വിജിത്ത് ജൂണാണ് അറസ്റ്റിലായത്. അതേസമയം അറസ്റ്റിലായ 47പേരില്‍ നിന്നും 143 ഇലക്ട്രോണിക്‌സ് ഉപകരണങ്ങളും പിടിച്ചെടുത്തു. ഇതില്‍ ആറു മുതല്‍ 15 വയസുവരെയുള്ള കുട്ടികളുടെ അശ്ലീല ദൃശ്യങ്ങള്‍ സൂചിപ്പിച്ചു.

കുട്ടികളുടെ അശ്ലീലദൃശ്യങ്ങള്‍ പ്രചരിപ്പിക്കുന്നവരെ പോലീസിന്റെ കൗണ്ടര്‍ ചൈല്‍ഡ് സെക്ഷ്വല്‍ അക്‌സ്‌പ്ലോയിറ്റേഷന്‍ യൂണിറ്റ് കുടുക്കിയത് അവരുടെ ഐപി വിലാസം പ്രത്യേക സംവിധാനം ഉപയോഗിച്ചു കണ്ടെത്തിയാണ്. സമൂഹമാധ്യമങ്ങളിലും ഇത്തരം ദൃശ്യങ്ങള്‍ പ്രചരിപ്പിച്ചവരെ നിരീക്ഷച്ചു. ഓരോ ഗ്രൂപ്പിലും ഇരുന്നൂറിലധികം അംഗങ്ങളുണ്ടായിരുന്നു.

അറസ്റ്റിലായ ചിലര്‍ക്ക് കുട്ടികളെ കടത്തുന്ന സംഘങ്ങളുമായി ബന്ധമുണ്ടോയെന്ന് സംശയിക്കുന്നതായി പോലീസ് പറഞ്ഞു. കുട്ടികളുടെ അശ്ലീല ദൃശ്യങ്ങള്‍ പ്രചരിപ്പിക്കുകയോ സൂക്ഷിക്കുകയോ കാണുകയോ ചെയ്താല്‍ അഞ്ചു വര്‍ഷം വരെ തടവും 10 ലക്ഷം രൂപ വരെ പിഴയുമാണ് ശിക്ഷ. കുട്ടികളുടെ അശ്ലീസ ദൃശ്യങ്ങള്‍ സൂക്ഷിക്കുന്നതും കാണുന്നതും മാത്രമല്ല, തിരയുന്നതും കുറ്റകരമാണ്. ഇത്തരം വീഡിയോ കാണുന്നവരുടെ വിവരങ്ങള്‍ കേരള പോലീസിന്റെ സൈബര്‍ ഡോം കണ്ടെത്തി അതതു പോലീസ് സ്‌റ്റേഷനിലേക്ക് അയയ്ക്കുന്നുണ്ട്. രാജ്യന്തര, ദേശീയ അന്വേഷണ എജന്‍സികളും അവ കണ്ടെത്തി പോലീസും കൈമാറുന്നുണ്ട്.

ഇന്നലെ പോലീസ് നടത്തിയ പരിശോധനയില്‍ കുടുങ്ങിവരില്‍ ഏറെയും കൗമാരക്കാരാണ്. കുട്ടികളുടെ അശ്ലീല ചിത്രമാണെന്ന അറിയാതെ കണ്ടതാണെന്നും പിടിയിലായവര്‍ പറയുന്നുണ്ടെങ്കിലും കേസില്‍ നിന്ന് ഒഴിവാക്കപ്പെടില്ല. സംസ്ഥാനത്തെ രണ്ടു ലക്ഷത്തിലേറെ വാട്‌സാപ്പ് ഗ്രൂപ്പുകളും മൂപ്പതിനായിരത്തിലേരെ ടെലിഗ്രാം ഗ്രൂപ്പുകളും പോലീസ് നിരീക്ഷത്തിലാണ്. ഫെയ്‌സ്ബുക്, വാട്‌സാപ്, ടിക് ടോക് തുടങ്ങി 11 സാമൂഹ്യ മാധ്യമങ്ങളും നിരീക്ഷണത്തിലുണ്ട്. പി ഹണ്ടുമായി മുന്നോട്ട് പോകനാണ് പോലീസിന്റെ തീരുമാനം.