കൊറോണ വ്യാപനത്തെത്തുടർന്നു മിക്ക സ്ഥാപനങ്ങളിലും പതിവ് പ്രവർത്തങ്ങളില്ല. ഈ സാഹചര്യം മുതലെടുത്ത് വൻ തട്ടിപ്പ് അരങ്ങേറുന്നു. മിലിട്ടറി ഉദ്യോഗസ്ഥൻ എന്ന പേരിൽ പരിചയപ്പെട്ടതാണ് തട്ടിപ്പുകൾ നടത്തുന്നത്

മു​ട്ട​ട​യി​ലെ ഒ​രു സ്ഥാ​പ​ന ഉ​ട​മ​യു​ടെ സ​ഹാ​യി​യാ​യ തി​രു​മ​ല ഇ​ലി​പ്പോ​ട് സ്വ​ദേ​ശിയെ ക​ബ​ളി​പ്പി​ച്ച് ഒ​ടി​പി ന​മ്പ​ർ സം​ഘ​ടി​പ്പി​ച്ച് അ​യാ​ളു​ടെ അ​ക്കൗ​ണ്ടി​ൽ നി​ന്നും പ​ണം ത​ട്ടി​യെ​ടു​ത്തു. പ​രാ​തി ല​ഭി​ച്ച ഉ​ട​നെ തി​രു​വ​ന​ന്ത​പു​രം സി​റ്റി സൈ​ബ​ർ സെ​ല്ലി​ന്‍റെ സ​മ​യോ​ചി​ത​മാ​യ ഇ​ട​പെ​ട​ൽ കൊ​ണ്ട് ന​ഷ്ട്ട​പ്പെ​ട്ട പ​ണം വീ​ണ്ടെ​ടു​ക്കാ​ൻ ക​ഴി​ഞ്ഞ​താ​യി തി​രു​വ​ന​ന്ത​പു​രം സി​റ്റി പോ​ലീ​സ് ക​മ്മീ​ഷ​ണ​ർ ബ​ല്‍​റാം​കു​മാ​ർ ഉ​പാ​ദ്ധ്യാ​യ അ​റി​യി​ച്ചു.

87980 രൂ​പ​യാ​ണ് ത​ട്ടി​യെ​ടു​ത്ത​ത്. അ​തി​ൽ 78980 രൂ​പ സൈ​ബ​ർ സെ​ല്ലി​ന്‍റെ ഇ​ട​പെ​ട​ലി​ലൂ​ടെ ഉ​ട​മ​യ്ക്ക് തി​രി​കെ ല​ഭി​ച്ചു.

പാ​ങ്ങോ​ട് മി​ലി​ട്ട​റി ക്യാ​മ്പി​ലെ ഉ​ദ്യോ​ഗ​സ്ഥ​ൻ എ​ന്ന വ്യാ​ജേ​ന ഒ​രാ​ൾ സ്ഥാ​പ​ന ഉ​ട​മ​യെ ഫോ​ണി​ൽ വി​ളി​ച്ച് 10 കി​ലോ നെ​യ്മീ​ൻ വേ​ണ​മെ​ന്ന് പ​റ​യു​ക​യും, പ​ണം ഓ​ൺ​ലൈ​ൻ ആ​യി ന​ൽ​കു​ന്ന​തി​ന് ക​ട​യു​ട​മ​യു​ടെ കാ​ർ​ഡ് ന​മ്പ​ർ ആ​വ​ശ്യ​പ്പെ​ടു​ക​യും ചെ​യ്തു.

അ​യാ​ൾ​ക്ക് കാ​ർ​ഡ് ഇ​ല്ലാ​ത്ത​തി​നാ​ൽ അ​യാ​ള്‍​ക്കു​വേ​ണ്ടി ഓ​ൺ​ലൈ​ൻ ഇ​ട​പാ​ടു​ക​ൾ കൈ​കാ​ര്യം ചെ​യ്യു​ന്ന ഇ​ലി​പ്പോ​ട് സ്വ​ദേ​ശി​യാ​യ യു​വാ​വി​ന്‍റെ ഫോ​ൺ​ന​മ്പ​ർ ന​ൽ​കു​ക​യും ചെ​യ്തു. തു​ട​ർ​ന്ന് ത​ട്ടി​പ്പ് സം​ഘം ഇ​യാ​ളെ ഫോ​ണി​ൽ ബ​ന്ധ​പ്പെ​ട്ടു.

ക​ട​യു​ട​മ​യ്ക്ക് മീ​നി​ന്‍റെ പ​ണം കൈ​മാ​റാ​നാ​ണെ​ന്ന് പ​റ​ഞ്ഞ് ഇ​യാ​ളു​ടെ കാ​ർ​ഡ് ന​മ്പ​രും മൊ​ബൈ​ൽ ഫോ​ണി​ൽ വ​ന്ന ഒ​ടി​പി ന​മ്പ​രു​ക​ളും ചോ​ദി​ച്ച് മ​ന​സി​ലാ​ക്കി​യാ​ണ് പ​ണം ത​ട്ടി​യെ​ടു​ത്ത​ത്.

പ​ണം ന​ഷ്ട​പ്പെ​ട്ട​താ​യി അ​റി​ഞ്ഞ ഉ​ട​നെ ത​ന്നെ സൈ​ബ​ർ സെ​ല്ലി​ൽ പ​രാ​തി​പ്പെ​ട്ട​തു​കൊ​ണ്ടാ​ണ് ഭൂ​രി​ഭാ​ഗം പ​ണ​വും തി​രി​കെ​പ്പി​ടി​ക്കാ​ൻ ക​ഴി​ഞ്ഞ​ത്. പ​രാ​തി​ക്കാ​ര​ന്‍റെ അ​ക്കൗ​ണ്ടി​ൽ നി​ന്നും ത​ട്ടി​പ്പ് സം​ഘം “മൊ​ബി​ക് വി​ക്’ വാ​ല​റ്റി​ലേ​ക്ക് മാ​റ്റി​യ 19000 രൂ​പ​യി​ൽ 10000 രൂ​പ​യും “ഫ്ലി​പ്കാ​ർ​ട്ട്’ അ​ക്കൗ​ണ്ടി​ലേ​ക്ക് മാ​റ്റി​യ 68980 രൂ​പ മു​ഴു​വ​നു​മാ​യും തി​രി​ച്ചു പി​ടി​ക്കാ​ൻ സാ​ധി​ച്ചു.

ഈ ​തു​ക ഉ​ട​മ​യു​ടെ അ​ക്കൗ​ണ്ടി​ലേ​ക്ക് റീ​ഫ​ണ്ട് ചെ​യ്യു​ന്ന​തി​നു​ള്ള ന​ട​പ​ടി സ്വീ​ക​രി​ച്ചു. ത​ട്ടി​പ്പ് സം​ഘ​ത്തെ ക​ണ്ടെ​ത്തു​ന്ന​തി​നാ​യി സൈ​ബ​ർ​സെ​ൽ മു​ഖേ​ന കൂ​ടു​ത​ൽ അ​ന്വേ​ഷ​ണം ന​ട​ത്തു​മെ​ന്ന് ക​മ്മി​ഷ​ണ​ർ അ​റി​യി​ച്ചു.

മി​ലി​ട്ട​റി ഉ​ദ്യോ​ഗ​സ്ഥ​നെ​ന്ന പേ​രി​ൽ വാ​ഹ​ന​ങ്ങ​ൾ വി​ല്‍​ക്ക​നു​ണ്ടെ​ന്നു​ള്ള ത​ര​ത്തി​ൽ പ്ര​ച​രി​ക്കു​ന്ന പ​ര​സ്യ​ങ്ങ​ളു​ടെ പി​ന്നി​ലും ത​ട്ടി​പ്പ് സം​ഘ​ങ്ങ​ളാ​ണെ​ന്ന് പോ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. ഇ​ത്ത​ര​ത്തി​ലു​ള്ള വ്യാ​ജ പ​ര​സ്യ​ങ്ങ​ളി​ൽ വീ​ഴാ​തെ പൊ​തു​ജ​ന​ങ്ങ​ൾ ശ്ര​ദ്ധ പു​ല​ർ​ത്ത​ണ​മെ​ന്നും സി​റ്റി പോ​ലീ​സ് ക​മ്മീ​ഷ​ണ​ർ ബ​ൽ​റാം കു​മാ​ർ ഉ​പാ​ധ്യാ​യ അ​റി​യി​ച്ചു.