കേരളത്തില്‍ നിന്നും ഇതര സംസ്ഥാനങ്ങളിലേക്കു പോയവര്‍ക്ക് കോവിഡ് ബാധിക്കുന്നതിനെ കുറിച്ച് അന്വേഷണം നടത്താന്‍ ഒടുവില്‍ മുഖ്യമന്ത്രി പിണറായി വിജയന്‍ നിര്‍ദേശം നല്‍കി. കേരളത്തില്‍ നിന്നും മടങ്ങിയ നിരവധി പേരില്‍ രോഗം പിടിപ്പെട്ടത് കേരളത്തില്‍ സാമൂഹ്യ വ്യാപനത്തിന്റെയോ പരിശോധനകളുടെ എണ്ണം കുറച്ചതിലൂടയോ സംഭവിച്ചതാകമെന്നുള്ള ആരോപണം ഉയര്‍ന്നിരുന്നു. അതാതു സംസ്ഥാനങ്ങള്‍ വിവരങ്ങള്‍ നല്‍കാത്തതിനാല്‍ അതെക്കുറിച്ചു പരിശോധിക്കാനാകില്ലെന്നാണ് മുമ്പ് മുഖ്യമന്ത്രി നിലപാടെടുത്തത്. ഈ നിലപാടാണ് സര്‍ക്കാര്‍ തിരുത്തിയത്.

ഇത്തരത്തില്‍ മടങ്ങവരുടെ വിവരങ്ങള്‍ മറ്റു സംസ്ഥാന സര്‍ക്കാരുകളില്‍നിന്നും ശേഖരിക്കാന്‍ മുഖ്യമന്ത്രി ആവശ്യപ്പെട്ടിരുന്നു. ഇതനുസരിച്ചു 110 രോഗികളുടെ പട്ടികയാണ് സംസ്ഥാനങ്ങള്‍ സംസ്ഥാന സര്‍ക്കാരിന് കൈമാറിയത്. യാത്രപുറപ്പെട്ടതിന്റെയും പരിശോധന നടന്നതിന്റെയും തീയതികള്‍, ഇവര്‍ രോഗബാദിതരുമായി എന്തെങ്കിലും വിധത്തില്‍ ഇടപഴകിട്ടുണ്ടോ ഇവരുമായി സമ്പര്‍ക്കമുണ്ടായവരില്‍ രോഗലക്ഷണങ്ങളുണ്ടോ തുടങ്ങിയ കാര്യങ്ങളാണു പരിശോധിക്കുന്നത്. കേരളത്തില്‍ നിന്നു തമിഴ്‌നാട്ടിലേക്കു പോയ നൂറിലേറെ പേര്‍ക്ക് അതിര്‍ത്തിയില്‍ നടത്തിയ പരിശോധനത്തില്‍ രോഗം കണ്ടെത്തി. കൂടാതെ കര്‍ണാകത്തിലേക്ക് മടങ്ങിയവരിലും രോഗം സ്ഥിതികരിച്ചതായി വാര്‍ത്തകള്‍ വന്നിരുന്നു. ഈ രോഗികളുടെ വിവരങ്ങളും വരും ദിവസങ്ങലില്‍ കേരളം ശേഖരിക്കും.

പുറത്തു വന്ന കണക്ക് പ്രകാരം കസര്‍ഗോജ് 14, കൊല്ലം 11, കണ്ണൂര്‍ 10, കോഴിക്കോട് 10, ആലപ്പുഴ 10, പാലക്കാട് 9, പത്തനംതിട്ട 9, തൃശ്ശൂര്‍ 9, ഇടുക്കി 9, കോട്ടയം 8, മലപ്പുറം 5, എറണാകുളം 3, വയനാട് 2, തിരുവനന്തപുരം 1 എന്നിങ്ങനെ 110 പേരുടെ വിവരമാണ് സര്‍ക്കാര്‍ ആദ്യം അന്വേഷിക്കുക.