നിരവധി അഴിമതി കേസില്‍ കുറ്റക്കാരനാണെന്നും കോടതിയും വിജിലന്‍സു കണ്ടെത്തിയ മൈനിംഗ് ആന്റ് ജിയോളജി ഡയറക്ടര്‍ ചാര്‍ജ് സി.കെ ബൈജുവിനെതിരെ ഹൈക്കോടതിയില്‍ പൊതുതാല്‍പര്യ ഹര്‍ജി സമര്‍പ്പിച്ചു. ഹൈക്കോടതി ചീഫ് ജസ്റ്റിസ് അധ്യക്ഷനായ ബെഞ്ചാണ് പൊതുതാല്‍പര്യ ഹര്‍ജി പരിഗണിക്കുക. മൂവാറ്റുപുഴ ആസ്ഥാനമായി പ്രവര്‍ത്തിക്കുന്ന കൃയയെന്ന സംഘടനയാണ് ഉദ്യോഗസ്ഥനെതിരെ നടപടി ആവശ്യപ്പെട്ട് ഹൈക്കോടതിയെ സമീപിച്ചത്. 1362/ 2020 നമ്പറായി ഹര്‍ജി ഫയില്‍ സ്വീകരിച്ച ഹൈക്കോടതി പരാതിക്കാരോടും ആരോപണ വിധേയനോടും ഒരോ ലക്ഷം രൂപ കോടതിയില്‍ക്കെട്ടി വയ്ക്കാനും ആവശ്യപ്പെട്ടു. പരാതിക്കാരനും ആരോപണ വിധേയനും ഭാവിയില്‍ കോടതിക്ക് പുറത്ത് കേസ് ഒത്തുതീര്‍പ്പാക്കാതിരിക്കുന്നതിനുവേണ്ടിയാണ് ഈ നിര്‍ദേശം കോടതി മൂന്നോട്ട് വച്ചത്. പരാതി തെറ്റാണെന്നും തെളിഞ്ഞാല്‍ ആരോപണ വിധേയനും പരാതിയില്‍ കഴമ്പുണ്ടെന്നുന്നുകണ്ടാല്‍ പരാതിക്കാരനും ഈ തുക ലഭിക്കും. ഇതിന് അനുകൂലമായാണ് പരാതിക്കാര്‍ പ്രതികരിച്ചത്. പണംകെട്ടിവയ്ക്കാന്‍ രണ്ടാഴ്ച്ചത്തെ സമയവും കോടതി അനുവദിച്ചു.

സി.കെ ബൈജുവിന്റെ അഴിമതികളെ കുറിച്ച് അന്വേഷിച്ച വിജിലന്‍സും കോടതിയും ഇയാളെ കുറ്റക്കാരനാണെന്ന് കണ്ടെത്തിയത് സംബന്ധിച്ചും വിശദാമായ വാര്‍ത്തയാണ് തെളിവുകളുടെ അടിസ്ഥാനത്തില്‍ മലയാളി വാര്‍ത്ത പ്രസിദ്ധീകരിച്ചിരുന്നു. ഇതിനെ തുടര്‍ന്ന് ഉദ്യോഗസ്ഥനെതിരെ നടപടിയെടുക്കണമെന്ന ആവശ്യങ്ങള്‍ വിവിധ തലത്തില്‍ നിന്നുണ്ടായിയെങ്കിലും ഇയാളെ സംരംക്ഷിക്കുന്ന വകുപ്പ് മന്ത്രി ഇ.പി ജയരാജനില്‍ നിന്നുമുണ്ടായിട്ടുള്ളത്. ഹൈക്കോടതി കുറ്റക്കാരനെന്ന് പറഞ്ഞാലെങ്കിലും സര്‍ക്കാരിന് മനം മാറ്റമുണ്ടാകുമോയെന്നത് കണ്ടറിയേണ്ടതാണ്. രാഷ്ട്രീയ നേതൃത്വത്തിന് പ്രിയങ്കരനായ ഇയാളെ സംരക്ഷിക്കുന്ന നടപടിയാണ് മുഖ്യമന്ത്രി പിണറായി വിജയന്‍ പോലും സ്വീകരിക്കുന്നത്.

ക്വാറി മാഫിയയുമായി ചേര്‍ന്ന് കോടികളുടെ അഴിമതിയാണ് ഈ ഉദ്യോഗസ്ഥന്‍ നടത്തിട്ടുള്ളത്. സീനിയര്‍ ജിയോളജിസ്റ്റ് തലം മുതല്‍ അഴിമതി നടത്തിയ ഉദ്യോഗസ്ഥനാണ് ഡോ. സി.കെ ബൈജു. രാഷട്രീയ നേതൃത്വം സംരക്ഷിക്കുന്ന ഈ അഴിമതിക്കാരനായ ഉദ്യോഗസ്ഥന് ഒത്താശചെയ്യുന്നത് ക്വാറി മാഫിയെയും. ഇതിന്റെ ബലത്തിലാണ് ഐ.എ.എസ് ഉദ്യോഗസ്ഥര്‍ നേതൃത്വം നല്‍കേണ്ട ഡയറക്ടര്‍ സ്ഥാനത്തേക്കാണ് സിവില്‍ സര്‍വീസുകാരനല്ലാത്ത ഈ ഉദ്യോഗസ്ഥന്‍ ഇപ്പോള്‍ എത്തി നില്‍ക്കുന്നത്. സി.കെ ബൈജുവിനെ ഡയറക്ടറുടെ പൂര്‍ണ ചുമതലയുള്ള ഡയറക്ടര്‍ ഇന്‍ ചാര്‍ജായി നിയമിച്ചത് മാര്‍ച്ച് 20 നാണ്.