ട്രിപ്പിള്‍ ലോക്ഡൗണ്‍ പരിധിയില്‍ തിരുവനന്തപുരം കോര്‍പറേഷനിലെ 100 വാര്‍ഡുകള്‍
തിരുവനന്തപുരം കോര്‍പറേഷനിലെ നൂറു വാര്‍ഡുകളാണ് കോവിഡ് വ്യാപനം തടയാന്‍ ഏര്‍പ്പെടുത്തിയ ട്രിപ്പിള്‍ ലോക്ഡൗണില്‍ ഉള്‍പ്പെടുക. ചില സേവനങ്ങളെ നിയന്ത്രണങ്ങളില്‍ നിന്ന് ഒഴിവാക്കിയിട്ടുണ്ടെന്ന് സംസ്ഥാന പൊലീസ് മേധാവി ലോക്‌നാഥ് ബെഹ്‌റ അറിയിച്ചു.
ആശുപത്രികളും മെഡിക്കല്‍ ഷോപ്പുകളും, ചരക്കുവാഹനങ്ങളുടെ യാത്ര, അത്യാവശ്യ പലചരക്കുകടകളുടെ പ്രവര്‍ത്തനം, വളരെ അത്യാവശ്യമുള്ള മാധ്യമപ്രവര്‍ത്തകരുടെ സേവനം, എയര്‍പോര്‍ട്ട്, വിമാനസര്‍വീസുകള്‍, ട്രെയിന്‍ യാത്രക്കാര്‍ എന്നിവയുമായി ബന്ധപ്പെട്ട് ഈ സ്ഥാപനങ്ങളിലേക്കും തിരിച്ചുമുള്ള യാത്രകള്‍ക്ക് ആവശ്യമായ ടാക്സി, എടിഎം ഉള്‍പ്പെടെയുള്ള അത്യാവശ്യ ബാങ്കിങ് സേവനങ്ങള്‍, ഡേറ്റ സെന്റര്‍ ഓപ്പറേറ്റര്‍മാരും അതുമായി ബന്ധപ്പെട്ട പ്രവര്‍ത്തനങ്ങളും, മൊബൈല്‍ സര്‍വീസ് സേവനവുമായി ബന്ധപ്പെട്ട അത്യാവശ്യജീവനക്കാര്‍, പെട്രോള്‍ പമ്പ്, എല്‍പിജി, ഗ്യാസ് സ്ഥാപനങ്ങള്‍, ജല വിതരണം, വൈദ്യുതി, ശുചീകരണം എന്നിവയുമായി ബന്ധപ്പെട്ട പ്രവര്‍ത്തനങ്ങള്‍ തുടങ്ങിയവയ്ക്കാണ് ഇളവ്.
കോര്‍പ്പറേഷന്‍ പരിധിയിലെ ട്രിപ്പിള്‍ ലോക്ഡൗണില്‍ നിന്ന് അനുവാദമുളള സേവനങ്ങളും സ്ഥാപനങ്ങളും
പ്രതിരോധം, കേന്ദ്ര സായുധ സേന, ട്രഷറി, ദുരിതനിവാരണ പ്രവര്‍ത്തനങ്ങള്‍, വൈദ്യുതി ഉല്‍പാദനവിതരണ വിഭാഗങ്ങള്‍, തപാല്‍ ഓഫിസുകള്‍, നാഷനല്‍ ഇന്‍ഫര്‍മാറ്റിക്‌സ് സെന്റര്‍.
സംസ്ഥാന സര്‍ക്കാരിനു കീഴില്‍ പൊലീസ്, ഹോംഗാര്‍ഡ്, സിവില്‍ ഡിഫന്‍സ്, ഫയര്‍ ആന്‍ഡ് എമര്‍ജന്‍സി സര്‍വീസുകള്‍, ജയില്‍.
ജില്ലാ ഭരണ ഓഫിസ്, റവന്യൂ ഡിവിഷനല്‍ ഓഫിസ്, താലൂക്ക് ഓഫിസ്, വില്ലേജ് ഓഫിസ്.
കോര്‍പ്പറേഷനു കീഴിലെ ജലവിതരണം, ശുചീകരണ വിഭാഗങ്ങള്‍.
കോര്‍പറേഷന്‍ പരിധിയില്‍ മറ്റിടങ്ങളില്‍ നിന്ന് ദേശീയപാതയിലൂടെയുള്ള വാഹനങ്ങളില്‍ കടന്നുപോകാം. എന്നാല്‍ കോര്‍പറേഷന്‍ പരിധിയില്‍ വാഹനം നിര്‍ത്താന്‍ അനുവദിക്കില്ല.
ആശുപത്രി യാത്രകള്‍, അവശ്യവസ്തുക്കളുടെ ഗതാഗതം ഒഴികെ കോര്‍പറേഷന്‍ പരിധിയില്‍ യാത്ര അനുവദിക്കില്ല.
രാവിലെ എഴു മുതല്‍ വൈകിട്ട് അഞ്ചു വരെ അവശ്യ സാധന കടകളും പാല്‍ ബൂത്തുകളും തുറക്കും.
എയര്‍പോര്‍ട്ട്, വിമാനസര്‍വീസുകള്‍, ട്രെയിന്‍ യാത്രക്കാര്‍ എന്നിവയുമായി ബന്ധപ്പെട്ട് ഈ സ്ഥാപനങ്ങളിലേക്കും തിരിച്ചുമുള്ള യാത്രകള്‍ക്ക് ആവശ്യമായ ടാക്സി
എടിഎം ഉള്‍പ്പെടെയുള്ള അത്യാവശ്യ ബാങ്കിങ് സേവനങ്ങള്‍
ഡേറ്റ സെന്റര്‍ ഓപ്പറേറ്റര്‍മാരും അതുമായി ബന്ധപ്പെട്ട പ്രവര്‍ത്തനങ്ങളും
മൊബൈല്‍ സര്‍വീസ് സേവനവുമായി ബന്ധപ്പെട്ട അത്യാവശ്യജീവനക്കാര്‍
ആശുപത്രികളും മെഡിക്കല്‍ ഷോപ്പുകളും
ചരക്കുവാഹനങ്ങള്‍
ആംബുലന്‍സ്
അത്യാവശ്യ പലചരക്കുകടകളുടെ പ്രവര്‍ത്തനം
വളരെ അത്യാവശ്യമുളള മാധ്യമപ്രവര്‍ത്തകരുടെ സേവനം
പെട്രോള്‍ പമ്പ്, എല്‍പിജി, ഗ്യാസ് സ്ഥാപനങ്ങള്‍, ജല വിതരണം, വൈദ്യുതി, ശുചീകരണം എന്നിവയുമായി ബന്ധപ്പെട്ട പ്രവര്‍ത്തനങ്ങള്‍.
അവശ്യസര്‍വീസുകള്‍ക്ക് ബന്ധപ്പെടേണ്ട നമ്പറുകള്‍ ഇവയാണ്;
ട്രിപ്പിള്‍ ലോക്ഡൗണിനോടനുബന്ധിച്ച് തിരുവനന്തപുരം നഗരസഭാതിര്‍ത്തിക്കുള്ളില്‍ ജീവന്‍ രക്ഷാ മരുന്നുകള്‍ എത്തിക്കുന്നതിനും മറ്റ് അവശ്യ സേവനങ്ങള്‍ക്കും ഫയര്‍ഫോഴ്‌സുമായി ബന്ധപ്പെടാം. നമ്പര്‍ - 0471-2333 101, 101
അവശ്യസാധനങ്ങള്‍ക്കും ഭക്ഷ്യവസ്തുക്കള്‍ക്കും 112, 9497900112, 9497900121 , 04 71-2722500, 9497900286, 9497900296 എന്നീ നമ്പരുകളില്‍ ബന്ധപ്പെടാം. വളരെ അത്യാവശ്യ സന്ദര്‍ഭങ്ങളില്‍ ഡോര്‍ ഡെലിവറി അനുവദിക്കും.
മറ്റു നിയന്ത്രണങ്ങള്‍:
പൊതുഗതാഗതം അനുവദിക്കില്ല. ഒരു പ്രദേശത്ത് ഒരു കട മാത്രം തുറക്കാന്‍ അനുമതി. പ്രധാന റോഡുകള്‍ അടയ്ക്കും, നഗരത്തിലേക്ക് പ്രവേശന കവാടവും പുറത്തേക്കും ഒരു വഴി. മെഡിക്കല്‍ ഷോപ്പുകളില്‍ പോകാന്‍ സത്യവാങ്മൂലം നിര്‍ബന്ധം. സിറ്റി, വികാസ്ഭവന്‍, പേരൂര്‍ക്കട, പാപ്പനംകോട്, വിഴിഞ്ഞം, തിരുവനന്തപുരം സെന്‍ട്രല്‍ ഡിപ്പോകള്‍ അടച്ചിടും. നഗരത്തിലെ എല്ലാ പ്രധാനപ്പെട്ട സ്ഥലങ്ങളിലും റോഡുകളിലും പൊലീസിനെ ഡ്യൂട്ടിക്ക് നിയോഗിക്കും. ലോക്ഡൗണ്‍ കാരണം കുടുങ്ങിയവരും മെഡിക്കല്‍ എമര്‍ജന്‍സി സ്റ്റാഫും താമസിക്കുന്ന ഹോട്ടലുകള്‍ ഒഴികെ അടയ്ക്കണം. ആരാധനാലയങ്ങളില്‍ പൊതുജനത്തിന് പ്രവേശനമില്ല. സംസ്‌കാര ചടങ്ങുകളില്‍ 20 പേരില്‍ കൂടുതല്‍ പാടില്ല.
https://www.facebook.com/Malayalivartha
