തിരുവനന്തപുരത്ത് സമൂഹ വ്യാപനം നടന്നു കഴിഞ്ഞോയെന്ന ആശങ്കയിൽ ആരോഗ്യ വിദഗ്‌ദ്ധര്‍! തലസ്ഥാനത്തുണ്ടായ മൂന്നു മരണങ്ങളില്‍ ഇതുവരെ ഉറവിടം കണ്ടെത്താനായിട്ടില്ല... സമ്ബര്‍ക്കത്തിലൂടെ ബാധിച്ചവരാവട്ടെ ഡ്രൈവര്‍മാര്‍, കടയുടമകള്‍, ആരോഗ്യപ്രവര്‍ത്തകര്‍, പൊലീസ്, ഓണ്‍ലൈന്‍ ഭക്ഷണ വിതരണക്കാരന്‍ അടക്കമുള്ള മുന്‍നിര പ്രവര്‍ത്തകര്‍ക്ക്... തീരദേശ മേഖലയില്‍ ആശങ്ക...
തിരുവനന്തപുരത്ത് സമൂഹ വ്യാപനം നടന്നു കഴിഞ്ഞോയെന്ന ആശങ്കയിലാണ് ആരോഗ്യ വിദഗ്‌ദ്ധര്‍. ആശങ്ക കൂട്ടിയതും ട്രിപ്പിള്‍ ലോക്ക് ഡൗണിലേക്ക് നഗരത്തെ നയിച്ചു. സമ്ബര്‍ക്ക വ്യാപനവും ഉറവിടമില്ലാത്ത കേസുകളുമാണ് കൂടുന്നു.
പൂന്തുറയില്‍ രോഗം സ്ഥിരീകരിച്ചയാളില്‍ നിന്നും ഇന്നലെ മാത്രം പത്ത് പേര്‍ക്ക് രോഗം സ്ഥിരീകരിച്ചതും തലസ്ഥാനത്തെ ആശങ്ക വര്‍ധിപ്പിക്കുന്നു. തലസ്ഥാനത്തുണ്ടായ മൂന്നു മരണങ്ങളില്‍ ഇതുവരെ ഉറവിടം കണ്ടെത്താനായിട്ടില്ല.
സമ്ബര്‍ക്ക വ്യാപനമുണ്ടായ സ്ഥലങ്ങളെ കണ്ടെയിന്മെന്റ് സോണുകളാക്കി നിയന്ത്രണമേര്‍പ്പെടുത്തിയിരിക്കെ ഇന്നലെ ഒറ്റദിവസം മാത്രം 22 പേര്‍ക്ക് സമ്ബര്‍ക്കത്തിലൂടെ രോഗം ബാധിച്ചു. ഇതില്‍ 14 എണ്ണത്തിനും ഉറവിടമില്ല. 2 പേര്‍ ആരോഗ്യപ്രവര്‍ത്തകര്‍. ഉറവിടമില്ലാത്ത കേസുകള്‍ നാല്‍പ്പതായി.
കേരളത്തിന്റെ പലഭാഗങ്ങളില്‍ നിന്നും ആളുകളെത്തുകയും മടങ്ങുകയും ചെയ്യുന്ന തലസ്ഥാനത്ത് ഈ സാഹചര്യം സങ്കീര്‍ണത സൃഷ്ടിക്കുന്നു. സമ്ബര്‍ക്കത്തിലൂടെ ബാധിച്ചവരാവട്ടെ ഡ്രൈവര്‍മാര്‍, കടയുടമകള്‍, ആരോഗ്യപ്രവര്‍ത്തകര്‍, പൊലീസ്, ഓണ്‍ലൈന്‍ ഭക്ഷണ വിതരണക്കാരന്‍ അടക്കമുള്ള മുന്‍നിര പ്രവര്‍ത്തകര്‍ക്ക്.
തീരദേശ മേഖലയില്‍ ആശങ്ക കൂടുതല്‍ ശക്തമാണ്. പൂന്തുറയില്‍ മാത്രം പത്ത് പേര്‍ക്കാണ് നേരത്തെ രോഗം സ്ഥിരീകരിച്ചയാളില്‍ നിന്ന് രോഗം പകര്‍ന്നത്. തീരദേശ മേഖല കേന്ദ്രീകരിച്ച്‌ കൊണ്ട് ആശങ്കയുണ്ടാക്കുന്ന വിധം ക്ലസ്റ്ററുകള്‍ രൂപപ്പെട്ടിട്ടുണ്ടെന്നാണ് ആരോഗ്യവിദ്ഗദരുടെ മുന്നറിയിപ്പ്.
തമിഴ്നാട്ടില്‍ നിന്നുള്ള വരവും പോക്കും കൂടിയതും രണ്ടാംഘട്ട അണ്‍ലോക്ക് തുടങ്ങിയതോടെ ജനം നിയന്ത്രണമില്ലാതെ പുറത്തേക്കിറങ്ങിയതും കാരണമായി ആരോഗ്യവിദഗ്ദര്‍ ചൂണ്ടിക്കാട്ടുന്നു. നഗരത്തിന്റെ പ്രധാന ഭാഗങ്ങളിലുള്ളവരിലെല്ലാം ഉറവിടമറിയാത്ത രോഗം സ്ഥിരീകരിച്ചതോടെ പെട്ടെന്നുള്ള വ്യാപനം മുന്നില്‍ക്കണ്ടാണ് ട്രിപ്പിള്‍ ലോക്ക്ഡൗണ്‍.
https://www.facebook.com/Malayalivartha
