കേരളത്തിൽ സംഭവിച്ച പ്രളയങ്ങൾക്ക് മുമ്പായി വന്ന ചുഴലി ഇത്തവണയും ആകാശത്ത് പ്രത്യക്ഷമായി വരും ദിവസങ്ങളില്‍ ശക്തമായ അതിതീവ്ര മഴയ്ക്ക് സാധ്യതയെന്ന് വിദഗ്ദ്ധര്‍. പ്രളയത്തിനു മുന്നോടിയെന്നപോലെ എത്തിയ കരചുഴലി ഇത്തവണയും പ്രത്യക്ഷമായി. ഇത് ആശങ്കയുണര്‍ത്തുന്നു . .മറുഭാഗത്ത് തെക്കുപടിഞ്ഞാറു നിന്നു പിന്നാലെ ഒന്നായി എത്തികൊണ്ടിരിക്കുന്ന വന്‍ കാര്‍മേഘപടലങ്ങള്‍ അടുത്ത ദിവസങ്ങളില്‍ സംസ്ഥാനത്തു തീവ്രമഴ പെയ്യാനുള്ള സാധ്യത കാലാവസ്ഥ ഗവേഷകര്‍ തള്ളിക്കളയുന്നില്ല . അന്തരീക്ഷം അസ്ഥിരപ്പെടുന്നതിന്റെ ലക്ഷണങ്ങളുണ്ടെന്നാണു നീരീക്ഷണമുണ്ട്.

മേഘപടലം കടലില്‍ പെയ്തു ശക്തി കുറഞ്ഞു വഴി മാറിയില്ലെങ്കില്‍ മുന്നൊരുക്കം വേണ്ടി വരുമെന്നാണ് വിലയിരുത്തല്‍. ഗുജറാത്ത്, ഒറീസ തീരങ്ങളില്‍ ന്യൂനമര്‍ദ്ദവും രൂപപ്പെടുന്നുണ്ട്. ജൂണ്‍ ഒന്നു മുതല്‍ ഇന്നലെ വരെ സംസ്ഥാനത്തു സാധാരണ ലഭിക്കേണ്ട മഴയില്‍ 18 ശതമാനം കുറവാണ് കിട്ടിയത്. ഹൈറേഞ്ച് മേഖലകളില്‍ മഴ മുന്‍ രണ്ടു വര്‍ഷത്തെപോലെ ഇത്തവയും കുറഞ്ഞത് ആശങ്കയുയര്‍ത്തുന്നു.