സ്വര്‍ണക്കടത്ത് വിവാദം... കേന്ദ്രം സര്‍ക്കാര്‍ പ്രഖ്യാപിക്കുന്ന ഏത് അന്വേഷണത്തേയും സ്വാഗതം ചെയ്യുമെന്ന് മുഖ്യമന്ത്രി
വിവാദ സ്വര്‍ണക്കടത്ത് വിവാദത്തില്‍ കേന്ദ്ര സര്‍ക്കാര്‍ പ്രഖ്യാപിക്കുന്ന ഏത് അന്വഷണത്തേയും സ്വാഗതം ചെയ്യുന്നതായി മുഖ്യമന്ത്രി പിണറായി വിജയന്‍. വിമാനത്താവളം വഴിയുള്ള സ്വര്‍ണക്കടത്തില്‍ അന്വേഷണം പ്രഖ്യാപിക്കേണ്ടത് കേന്ദ്ര സര്‍ക്കാരാണ്. സംസ്ഥാന സര്‍ക്കാരിന് ഇക്കാര്യത്തില്‍ ഒന്നും ചെയ്യാനില്ലെന്നും അദ്ദേഹം പറഞ്ഞു.
സിബിഐ അന്വേഷണം ഉള്‍പ്പെടെ കേന്ദ്രം പ്രഖ്യാപിക്കുന്ന ഏത് അന്വേഷണത്തിനും സംസ്ഥാന സര്‍ക്കാരിനെ സംബന്ധിച്ച് പൂര്‍ണ സമ്മതമാണ്. തെറ്റുകാരെ പൂര്‍ണമായും കണ്ടെത്തണം. ഇത്തരം നിയമവിരുദ്ധ പ്രവര്‍ത്തനങ്ങളുടെ വേരറുക്കുക തന്നെ ചെയ്യണമെന്നും മുഖ്യമന്ത്രി വാര്‍ത്താ സമ്മേളനത്തില്‍ പറഞ്ഞു.
യുഎഇ കോണ്‍സുലേറ്റിലേക്കുള്ള ഡിപ്ലോമാറ്റിക് ബാഗേജില്‍ 15 കോടി രൂപയിലധികം വിലവരുന്ന 35 കിലോ സ്വര്‍ണം കടത്തിയ കേസില്‍ സ്വപ്ന സുരേഷാണു മുഖ്യ ആസൂത്രകയെന്നാണു കരുതുന്നത്. ഇവര്‍ സംസ്ഥാന സര്‍ക്കാരിന്റെ ഐടി വകുപ്പിലെ ഉദ്യോഗസ്ഥയായിരുന്നു. യുഎഇ കോണ്‍സുലേറ്റിലെ മുന്‍ ഉദ്യോഗസ്ഥ കൂടിയായ സ്വപ്ന ഇപ്പോള്‍ ഒളിവിലാണ്. ഇവര്‍ക്കായുള്ള അന്വേഷണം ആരംഭിച്ചു. സ്വപ്നയെ ഐടി വകുപ്പില്‍നിന്നു പിരിച്ചുവിട്ടു.
https://www.facebook.com/Malayalivartha
