തിരുവനന്തപുരം വിമാനത്താവളത്തിലെ സ്വര്‍ണക്കടത്തുമായി ബന്ധപ്പെട്ട് മുഖ്യമന്ത്രി പിണറായി വിജയനും, അദ്ദേഹത്തിന്റെ ഓഫീസിനുമെതിരെ ആരോപണമുയര്‍ന്നുകൊണ്ടിരിക്കുന്ന സാഹചര്യത്തില്‍ ഡബ്ബിംഗ് ആര്‍ട്ടിസ്റ്റും നടിയുമായ ഭാഗ്യലക്ഷ്മിയുടെ ഫേസ്ബുക് പോസ്റ്റ് ചർച്ചയാകുകയാണ്.

'ഞാനും ഇങ്ങനെയൊക്കെ ഫോട്ടോ എടുത്തിട്ടുണ്ട്.. ഇനി നാളെ ഞാന്‍ വല്ല കേസിലും പെട്ടുപോയാല്‍ (പെടുത്താതിരുന്നാല്‍ മതി) അതിന്റെ ഉത്തരവാദി മുഖ്യമന്ത്രി ആവ്വോ? അദ്ദേഹം എന്നോട് ചിരിക്കുന്നുമുണ്ട്' -എന്നാണ് മുഖ്യമന്ത്രിക്കൊപ്പമുള്ള ചിത്രം പങ്കുവച്ചുകൊണ്ട് താരം കുറിച്ചിരിക്കുന്നത്.

മുഖ്യമന്ത്രിയുടെ സമീപം നില്‍ക്കുന്ന കള്ളക്കടത്തു കേസിലെ പ്രധാന പ്രതിയെന്ന് സംശയിക്കുന്ന സ്വപ്നയുടെ ചിത്രം പങ്കുവച്ചുകൊണ്ടാണ് വിമര്‍ശകര്‍ അദ്ദേഹത്തിനെതിരെ ആരോപണമുയർത്തിയത് ഈ സാഹചര്യത്തിലാണ് ഭാഗ്യലക്ഷ്മിയുടെ പോസ്റ്റ് ചർച്ചയാകുന്നത്.