സ്വപ്നയുടെ ആ വാദത്തിന് തെളിവ്; അയച്ച ഇ-മെയിലിന്റെ പകര്‍പ്പ് പുറത്ത്; നിർണ്ണായകമാകുന്നത് ഇങ്ങനെ
സ്വർണ്ണ കള്ളക്കടത്ത് കേസിൽ വളരെ നിർണ്ണായകമായ ഒരു കത്ത് ഇപ്പോൾ പുറത്ത് വന്നിരിക്കുകയാണ്. സ്വര്‍ണം തിരിച്ചയക്കാന്‍ സ്വപ്‌ന സുരേഷ് അയച്ച ഇ-മെയിലിന്റെ പകര്‍പ്പ് കിട്ടിയിരിക്കുന്നു . യു.എ.ഇ. എംബസി അധികൃതര്‍ പറഞ്ഞിട്ടായിരുന്നു ഈ ഇ മെയില്‍ തയ്യാറാക്കിയതെന്നായിരുന്നു സ്വപ്നയുടെ വാദം. ജൂലൈ മൂന്നിന് ഉച്ചയ്ക്ക് 1.42-നാണ് നയതന്ത്ര പ്രതിനിധിയായ റാഷിദ് ഖാമിസിന് സ്വപ്‌ന മെയില്‍ അയച്ചത്. ഡിപ്ലോമാറ്റിക് ബാഗേജ് ഉടന്‍ തിരിച്ചയക്കണമെന്നാണ് മെയിലില്‍ ആവശ്യപ്പെടുകയായിരുന്നു .
സ്വര്‍ണം കസ്റ്റംസ് പിടികൂടുമെന്ന് ഉറപ്പായപ്പോള്‍ ബാഗേജ് തിരിച്ചയക്കാന്‍ യു.എ.ഇ. നയതന്ത്ര കാര്യാലയത്തിലെ റാഷിദ് ഖാമിസ് അല്‍ അലി ഇതിനായി ഒരു ശ്രമം നടത്തിയെന്ന് സ്വപ്‌ന സുരേഷ് നേരത്തെ ആരോപിച്ചിരുന്നു. ഈ ആരോപണത്തിന് തെളിവായുള്ള മെയിലിന്റെ പകര്‍പ്പാണ് ഇപ്പോൾ പുറത്തു വന്നിരിക്കുന്നത് .ബാഗേജ് തിരിച്ചയക്കാന്‍ ഒരു അപേക്ഷ തയ്യാറാക്കാന്‍ റാഷിദ് ഖാമിസ് തന്നോട് ആവശ്യപ്പെട്ടു. ഇതിന്റെ അടിസ്ഥാനത്തില്‍ ജൂലായ് മൂന്നിന് അപേക്ഷ തയ്യാറാക്കി ഖാമിസിന് ഇ മെയില്‍ ചെയ്തിരുന്നുവെന്നും സ്വപ്നയുടെ വാദങ്ങളില്‍ പറയുന്നു.
എത്രയും വേഗം ഈ ഡിപ്ലോമാറ്റിക് ബാഗേജ് തിരിച്ചയക്കണമെന്നാണ് ഈ മെയിലില്‍ അവര്‍ ആവശ്യപ്പെടുന്നത്. ഈ മെയില്‍ തയ്യാറാക്കിയ ശേഷം, യു.എ.ഇ. നയതന്ത്രകാര്യ മന്ത്രാലയത്തിലെ മുതിര്‍ന്ന ഉദ്യോഗസ്ഥന്‍ റാഷിദ് ഖാമിസിന് അയച്ചു കൊടുത്തിട്ടുണ്ട്. സ്വര്‍ണക്കടത്തില്‍ നയതന്ത്ര പ്രതിനിധിക്കു കൂടി പങ്കുണ്ടെന്ന വിധത്തിലാണ് ഹൈക്കോടതിയില്‍ സ്വപ്‌ന മുന്‍കൂര്‍ ജാമ്യഹര്‍ജി നല്‍കിയിരിക്കുന്നത്.
https://www.facebook.com/Malayalivartha
