സംസ്ഥാനത്ത് അസാധാരണ സാഹചര്യം; സംസ്ഥാനത്ത് സമ്ബര്ക്ക വ്യാപനം കൂടിയാല് വലിയ പ്രതിസന്ധിയിലേക്ക് കടക്കുമെന്ന് മുഖ്യമന്ത്രി
സംസ്ഥാനത്ത് അസാധാരണ സാഹചര്യമാണ് നിലവിലുള്ളതെന്ന് മുഖ്യമന്ത്രി പിണറായി വിജയൻ. സംസ്ഥാനത്ത് സമ്ബര്ക്ക വ്യാപനം കൂടിയാല് വലിയ പ്രതിസന്ധിയിലേക്ക് കടക്കുമെന്ന് മുഖ്യമന്ത്രി മുന്നറിയിപ്പ് നൽകി. ആരോഗ്യ വകുപ്പ് നല്കുന്ന നിര്ദേശങ്ങളില് ആരും വിട്ടു വീഴ്ച്ച ചെയ്യരുത്. വിട്ടുവീഴ്ച്ച ചെയ്താല് അതിന്റെ പ്രത്യാഘാതം വലുതായിരിക്കും.
നഗരങ്ങളില് സൂപ്പര് സ്പ്രെഡിന് സാധ്യതയുണ്ട്. അതിനാല് നല്ല ജാഗ്രത വേണം. സാധാരണ ജീവിതത്തിലേക്ക് മടങ്ങാനുള്ള ഘട്ടമല്ല ഇതെന്ന് മനസിലാക്കണം. സൂപ്പര് സ്പ്രെഡ് ബാധിച്ച പ്രദേശങ്ങള് പ്രത്യേക ക്ലസ്റ്ററായി തിരിക്കും. രോഗവ്യാപനം കൂടിയ ഇടങ്ങളില് പരിശോധന വര്ധിപ്പിക്കും. അതിര്ത്തി കടന്ന് ചികിത്സയ്ക്കായി വരുന്നവര്ക്കായി ആവശ്യമെങ്കില് ഒപി തുടങ്ങും.
റിവേഴ്സ് ക്വാറന്റൈനില് കഴിയുന്നവരെ അനാവശ്യമായി സന്ദര്ശിക്കരുത്. സാഹചര്യത്തിന്റെ ഗൗരവം എല്ലാവരും മനസിലാക്കണം. പൊലീസിന്റെയോ ആരോഗ്യപ്രവരര്ത്തകരുടെയോ മാത്രം ഉത്തരവാദിത്വമായി കാണരുത്. മാസ്ക് ധരിക്കുന്നതും സാമൂഹ്യ അകലം പാലിക്കുന്നതും ഇടയ്ക്ക് സോപ്പ് ഉപയോഗിച്ച് കൈകള് കഴുകുന്നതും ശീലമാക്കണം. നിയന്ത്രണങ്ങള് പാലിച്ചില്ലെങ്കില് കര്ശന നടപടികള് സ്വീകരിക്കും. നിയന്ത്രിത മേഖലയിലെ എല്ലാവരെയും ക്വാറന്റൈന് ചെയ്യേണ്ടി വരും. പൂന്തുറയില് ജനം പുറത്തിറങ്ങാന് പാടില്ല. അതിര്ത്തിയില് തമിഴ്നാട് പൊലീസുമായി സഹകരിച്ച് നിയന്ത്രണം ഏര്പ്പെടുത്തുമെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha