നയതന്ത്ര പാഴ്സലിൽ കോടികളുടെ സ്വർണം കടത്തിയ കേസിൽ കസ്റ്റംസ് തിരയുന്ന സ്വപ്ന സുരേഷിനെ കണ്ടതായി വെളിപ്പെടുത്തൽ. തിരുവനന്തപുരം പാലോട് നന്ദിയോട് സ്വദേശിയുടേതാണ് വെളിപ്പെടുത്തൽ. തിങ്കളാഴ്ച രാവിലെ സ്വപ്ന കാറില്‍ നന്ദിയോടു വഴി കടന്നുപോയി. വഴി ചോദിച്ച് സംസാരിച്ചെന്നു നാട്ടുകാരന്‍ പറഞ്ഞു. തമിഴ്നാട് ഭാഗത്തേക്ക് പോയ സ്വപ്നയുടെ കാറിന്റെ ദൃശ്യങ്ങള്‍ പുറത്തുവന്നു.

അഞ്ച് ദിവസമായി സ്വപ്നയ്ക്കായി തിരച്ചിൽ നടത്തുന്നുണ്ടെങ്കിലും കണ്ടെത്താനായിട്ടില്ല. ഇന്റലിജൻസ് ബ്യൂറോയുടെ സഹായത്തോടെയാണ് അന്വേഷണ സംഘം തിരയുന്നത്. ബുധനാഴ്ച കസ്റ്റംസിന്റെ 2 സംഘങ്ങൾ തിരുവനന്തപുരത്തും മറ്റു സ്ഥലങ്ങളിലും 3 ദിവസം തിരച്ചിൽ നടത്തിയെങ്കിലും കണ്ടെത്താനായിരുന്നില്ല.