പത്തനംതിട്ടയില് സി.പി.എം ഏരിയാ കമ്മിറ്റി അംഗത്തിന് കൊവിഡ്: പാര്ട്ടി ജില്ലാ നേതാക്കള് ക്വാറന്റീനില് പ്രവേശിച്ചു
പത്തനംതിട്ടയില് സി.പി.എം ഏരിയ കമ്മറ്റി അംഗത്തിന് കൊവിഡ്. ഇതോടെ പാര്ട്ടി ജില്ലാ നേതാക്കള് ക്വാറന്റീനില് പ്രവേശിച്ചു. ശിശുക്ഷേമ സമിതി ചെയര്മാന് ഉള്പ്പെടെയുള്ളവരാണ് ക്വാറന്റീനില് പ്രവേശിച്ചത്. ഏരിയ കമ്മിറ്റി അംഗത്തിന്റെ ആരോഗ്യം മോശമായ നിലയിലായതിനാല് പൂര്ണമായ സമ്ബര്ക്ക പട്ടിക തയ്യാറാക്കാൻ കഴിഞ്ഞില്ല.
കഴിഞ്ഞ ദിവസം ചേര്ന്ന ഇടതുപക്ഷ വികസ സമിതി യോഗത്തില് രോഗം സ്ഥിരീകരിച്ച ഏരിയ കമ്മറ്റി അംഗത്തിനൊപ്പം ജില്ലാ സെക്രട്ടറിയേറ്റ് അംഗങ്ങളും പങ്കെടുത്തിരുന്നു. ഈ അംഗങ്ങള് തന്നെ ജില്ലാ സെക്രട്ടറിയേറ്റ് യോഗം ഇന്നലെ സി.പി.എം ഡിസി ഓഫീസില് ജില്ലാ സെക്രട്ടറിയേറ്റ് യോഗം ചേരുകയും ചെയ്തിരുന്നു.
പത്തനംതിട്ട മുനിസിപ്പാലിറ്റി മുഴുവന് കണ്ടെയ്ന്മെന്റ് സോണായതിനാല് പൊലീസ് പരിശോധന ഇവിടെ കര്ശനമായി നടപ്പാക്കപ്പെടുന്നുണ്ട്. ഇവിടെ നിയന്ത്രണങ്ങളും കൂടുതല് കര്ശനമാക്കിയിട്ടുണ്ട്. അനുബന്ധ നടപടികള് സ്വീകരിക്കാന് കലക്ടറുടെ നേതൃത്വത്തില് യോഗം ചേര്ന്നു.
https://www.facebook.com/Malayalivartha
