ഇന്നലെ 416 പേര്ക്കു കൂടി കോവിഡ് സ്ഥിരീകരിച്ചതോടെ കേരളത്തില് കോവിഡ് ബാധിതരുടെ എണ്ണം ഏഴായിരത്തിലേക്ക്
സംസ്ഥാനത്തെ ആകെ കോവിഡ് ബാധിതരുടെ എണ്ണം 6950 ആയി. ഇന്നലെ 416 പേര്ക്കു കൂടിയാണ് കോവിഡ് സ്ഥിരീകരിച്ചത്. ഇന്നലെ 472 പേരെ ആശുപത്രിയില് പ്രവേശിപ്പിച്ചു. നിലവില് ചികിത്സയില് കഴിയുന്നവര്: 3099; രോഗം ഭേദമായവര്: 3822. ക്വാറന്റീനില് കഴിയുന്നത് 1,84,112. ചികിത്സയിലായിരുന്ന 112 പേരുടെ പരിശോധനാഫലം ഇന്നലെ നെഗറ്റീവ് ആയി.
ഇപ്രകാരമാണ് രോഗബാധിതരുടെ ജില്ല തിരിച്ചുള്ള കണക്ക്: തിരുവനന്തപുരം:129, ആലപ്പുഴ: 50, മലപ്പുറം: 41, പത്തനംതിട്ട: 32, പാലക്കാട്: 28, കൊല്ലം: 28, കണ്ണൂര്: 23, എറണാകുളം: 20, തൃശൂര്: 17, കാസര്കോട്: 17, കോഴിക്കോട്: 12, ഇടുക്കി: 12, കോട്ടയം: 7.
എറണാകുളം ജില്ലയില് ഇന്നലെ രോഗം സ്ഥിരീകരിച്ച 20 പേരില് 3 പേരുടെ ഉറവിടം വ്യക്തമല്ല. മലപ്പുറം ജില്ലയില് ഇന്നലെ സമ്പര്ക്ക രോഗബാധ ഉണ്ടായവരില് ബസ് കണ്ടക്ടര്, മത്സ്യത്തൊഴിലാളികള്, തയ്യല്ക്കടക്കാരന്, അടയ്ക്കാ കച്ചവടക്കാരന്, പപ്പടക്കച്ചവടക്കാരന്, ഇലക്ട്രിഷ്യന് എന്നിവര് ഉള്പ്പെട്ടിട്ടുണ്ട്. ഇവരുടെയെല്ലാം സമ്പര്ക്കപ്പട്ടിക വലുതായിരിക്കും.
പത്തനംതിട്ടയില് ദിവസങ്ങള്ക്കു മുന്പ് രോഗം സ്ഥിരീകരിച്ച രാഷ്ട്രീയ പ്രവര്ത്തകരുടെയും മത്സ്യവ്യാപാരിയുടെയും സമ്പര്ക്കപ്പട്ടികയിലുള്ളവരുടെ പരിശോധന ഇന്നലെ തുടങ്ങി. 150 പേര്ക്ക് നടത്തിയ പ്രാഥമിക പരിശോധനയില് 27 പേരുടെ ഫലം പോസിറ്റീവായതായാണ് സൂചന.
https://www.facebook.com/Malayalivartha