ലുക്ഔട്ട് നോട്ടീസ്: സ്വപ്നയുടെ പാസ്പോര്‍ട്ട് വിവരങ്ങളും ഫോട്ടോയും രാജ്യത്തെ എല്ലാ വിമാനത്താവളങ്ങള്‍ക്കും കൈമാറി
സ്വര്‍ണക്കടത്ത് കേസ് പ്രതി സ്വപ്ന സുരേഷിനായി കസ്റ്റംസ് ലുക്ഔട്ട് നോട്ടീസ് പുറപ്പെടുവിച്ചു.കേസ് എന്‍.ഐ.എ. ഏറ്റെടുത്തതിനു പിന്നാലെ, സ്വപ്നയുടെ പാസ്പോര്‍ട്ട് വിവരങ്ങളും ഫോട്ടോയും രാജ്യത്തെ എല്ലാ വിമാനത്താവളങ്ങള്‍ക്കും കൈമാറി. പ്രതികള്‍ വിദേശത്തേക്കു കടക്കാന്‍ സാധ്യതയുണ്ടെന്നു സംശയിച്ചാണു ലുക്ഔട്ട് നോട്ടീസ് പുറപ്പെടുവിച്ചത്.
മാധ്യമങ്ങളിലൂടെ ശബ്ദരേഖ പുറത്തുവിട്ടശേഷം സ്വപ്ന തമിഴ്നാട്ടിലെ രഹസ്യകേന്ദ്രത്തിലേക്കു മാറിയെന്നും മറ്റൊരു കേസിന്റെ അന്വേഷണവുമായി ബന്ധപ്പെട്ട് അവിടെയെത്തിയ പോലീസ് ഒളിസങ്കേതം മനസിലാക്കിയതായും സൂചനയുണ്ട്.
എന്‍.ഐ.എ. കേസ് രജിസ്റ്റര്‍ ചെയ്തതോടെ കസ്റ്റംസ് കേസില്‍ മുന്‍കൂര്‍ജാമ്യത്തിനുള്ള സാധ്യതയും ഇല്ലാതായി. യു.എ.പി.എ. ചുമത്തിയതിനാല്‍ പ്രതികള്‍ക്കു ജാമ്യം കിട്ടാനുള്ള പഴുതുകളടഞ്ഞു. റിമാന്‍ഡിലായാല്‍ ചുരുങ്ങിയത് 180 ദിവസം ജയിലില്‍ കിടക്കേണ്ടിവരും. വിചാരണയും ജയിലില്‍നിന്നു നേരിടേണ്ടിവരും. അതിനു പുറമേ കസ്റ്റംസ് കേസും.
https://www.facebook.com/Malayalivartha
