സ്വപ്ന സുരേഷ് എൻഐഎ കസ്റ്റഡിയിൽ; തിരുവനന്തപുരം സ്വര്ണക്കടത്ത് കേസ് പ്രതികളായ സ്വപ്ന സുരേഷും സന്ദീപ് നായരും എന്ഐഎ കസ്റ്റഡയിലായതായി റിപ്പോര്ട്ട്; ബെംഗളൂരു പോലീസിന്റെയും മധുരയിലെ കസ്റ്റസ് ഡിവിഷന്റെയും സഹായത്തോടെയാണ് രണ്ടുപേരെയും അറസ്റ്റ് ചെയ്ത്
തിരുവനന്തപുരം സ്വര്ണക്കടത്ത് കേസ് പ്രതികളായ സ്വപ്ന സുരേഷും സന്ദീപ് നായരും എന്ഐഎ കസ്റ്റഡയിലായതായി റിപ്പോര്ട്ട്. ബെംഗളുരുവിലെ എൻഐഎ യൂണിറ്റാണ് സ്വപ്നയെ കസ്റ്റഡിയിലെടുത്തത്.
സ്വപ്നയെ ഞായറാഴ്ച കൊച്ചിയിലെ എൻഐഎ ഓഫിസിൽ എത്തിക്കുമെന്നാണ് വിവരം. ബംഗളൂരുവില് വെച്ചാണ് അറസ്റ്റ് നടന്നത്. ഇരുവരെയും ബെംഗളൂരുവില്നിന്ന് കേരളത്തിലേയ്ക്ക് കൊണ്ടുവന്നുകൊണ്ടിരിക്കുകയാണ്. രാവിലെയോടെ ഇവരെ കൊച്ചിയിലെത്തിക്കുമെന്നാണ് റിപ്പോര്ട്ട്.
ഇരുവരും ഒരുമിച്ചാണ് ഒളിവില് പോയത്. രണ്ടു ദിവസമായി രണ്ടായി പിരിഞ്ഞ് കേരളത്തിലെത്തി കീഴടങ്ങാനുള്ള ശ്രമത്തിലായിരുന്നു. സന്ദീപ് സേലം-പൊള്ളാച്ചി-അതിരപ്പള്ളി വഴി കേരളത്തിലെത്താനും സ്വപ്ന സുരേഷ് ഗൂഡല്ലൂര്-പെരിന്തല്മണ്ണ വഴി കേരളത്തിലെത്താനുമായിരുന്നു പദ്ധതിയെന്ന് അന്വേഷണ ഉദ്യോഗസ്ഥര് നല്കുന്ന സൂചന.
ബെംഗളൂരു പോലീസിന്റെയും മധുരയിലെ കസ്റ്റസ് ഡിവിഷന്റെയും സഹായത്തോടെയാണ് രണ്ടുപേരെയും അറസ്റ്റ് ചെയ്ത്. ഇന്നലെ വൈകിട്ടോടെ ഇരുവരുമുള്ള സ്ഥലം അന്വേഷണസംഘം കണ്ടെത്തിയിരുന്നു. തുടര്ന്ന് രണ്ടുപേരെയും വെവ്വെറെ അറസ്റ്റ് രേഖപ്പെടുത്തുകയുമായിരുന്നു.
അതേസമയം, കൊച്ചിയില് സന്ദീപ് നായരുടെ വീട്ടില് കസ്റ്റംസിന്റെ റെയ്ഡ് തുടരുകയാണ്. എന്ഐഎയും ഇപ്പോള് കൊച്ചിയില് എത്തിയിട്ടുണ്ട്.
https://www.facebook.com/Malayalivartha