ഇനിയും പഠിക്കാത്ത കുറേപേര്... മത്സ്യതൊഴിലാളികളും ഇടനിലക്കാരും മീന് വാങ്ങാനെത്തുന്നവരു മെല്ലാമായി കൂട്ടംകൂടി അപകടകരമായ അന്തരീക്ഷം
മടക്കരയില് കൊവിഡിനെ വെല്ലുവിളിച്ച് മത്സ്യതൊഴിലാളികളും ജനങ്ങളും. രാവിലെ മീനുമായി കടലില് നിന്നുമെത്തുന്ന ഓടങ്ങള് എത്തുന്നതോടെയാണ് ഇവിടെ തിക്കും തിരക്കും അനുഭവപ്പെടുന്നത്. മാസ്ക് പോലുമില്ലാതെയാണ് പലരും തുറമുഖത്തെത്തുന്നത്. മത്സ്യതൊഴിലാളികളും ഇടനിലക്കാരും മീന് വാങ്ങാനെത്തുന്നവരു മെല്ലാമായി കൂട്ടംകൂടി അപകടകരമായ അന്തരീക്ഷമാണ് ഇവിടെ രൂപപ്പെട്ടിരിക്കുന്നതെന്ന് നാട്ടുകാര് തന്നെ പരാതിപ്പെടുകയാണ്. കൊവിഡ് ഭീതി കാരണം മത്സ്യ മാര്ക്കറ്റുകള് അടച്ചിട്ടതോടെയാണ് തുറമുഖത്ത് ജനക്കൂട്ടം രൂപപ്പെടാന് ഒരു കാരണമായത്. രണ്ടു ദിവസങ്ങളായി ചെറിയ തോതില് ചെമ്മീന് ചാകര പ്രത്യക്ഷപ്പെട്ടത് അന്യജില്ലകളില് നിന്നുള്ള തോണികള് ഇവിടെയെത്താന് ഇടയാക്കി. തുറമുഖത്തെ തിരക്ക് നിയന്ത്രിച്ച് അപകടമൊഴിവാക്കിത്തരണമെന്ന ആവശ്യവുമായി തദ്ദേശവാസികള് രംഗത്തിറങ്ങിയിട്ടുണ്ട്.
https://www.facebook.com/Malayalivartha