ഏതൊരു കേസും അന്വേഷിക്കുന്നതിനായി ദൈവം അവശേഷിപ്പിക്കുന്ന ഒരു തെളിവ് ഉണ്ടാകും. അതാകും ആർക്കും വിശ്വസിക്കാൻ കഴിയാത്ത വിധത്തിലേക്ക് വഴിത്തിരിവാകുന്നത് പോലും. അത്തരത്തിൽ നിരവധി കേസുകളാണ് നമ്മുടെ സമൂഹത്തിൽ വഴിതെളിഞ്ഞത്. അത്തരത്തിൽ ഒരു അനുഭവമാണ് ഓപ്പറേഷൻ നൈറ്റ് റൈഡിലൂടെ പുറത്തേക്ക് വരുന്നത്. മോഷ്ടാവ് ചവച്ചു തുപ്പിയ ആ ബസ് ടിക്കറ്റ് പൊലീസിന് അവിശ്വസനീയ വിജയമായ ഒരന്വേഷണത്തിലേക്കുള്ള യാത്രയ്ക്കു കൂടിയുള്ളതായിരുന്നു എന്നതാണ്. ഓപ്പറേഷൻ നൈറ്റ് റൈഡർ സംഘത്തിലുള്ളവർ തന്നെയാണ് ത്രില്ലർ കഥയിലെയും നായകരായി നമുക്ക് മുന്നിൽ എത്തുന്നത്. ഒരു വർഷം മുൻപാണ് സംഭവം നടന്നിരിക്കുന്നത്. നൂറനാട്ടെ പല വീടുകളിലും മോഷണമോ ശ്രമങ്ങളോ നടന്നതോടെ പൊലീസ് സംഘം വീടുകളുടെ പരിസരങ്ങളാകെ അരിച്ചുപെറുക്കി. ചവച്ചു തുപ്പിയ ഒരു കടലാസ് കഷണത്തിൽ പൊലീസിന്റെ കണ്ണുകൾ ഉടക്കുകയായിരുന്നു..

അത് ഒരു ബസ് ടിക്കറ്റാണ്. ഒപ്പം കഷണങ്ങളായിരിക്കുന്നു. ലഭിച്ച ഉടൻ തന്നെ എല്ലാം ചേർത്തു വച്ച് ഉണക്കിയെടുത്തു. കൊല്ലം കെഎസ്ആർടിസി ഡിപ്പോയിലെ ടിക്കറ്റാണെന്നു കണ്ടെത്തിയതോടെ അവിടെ പോയി തിരക്കുകയായിരുന്നു. ഫെയർ സ്റ്റേജും മറ്റും നോക്കി ഏതു റൂട്ടിലുള്ള ബസെന്നും കണ്ടക്ടറെയും അങ്ങനെ കണ്ടെത്തി. കൊല്ലം തേവലക്കര സ്വദേശിയാണു കണ്ടക്ടർ. ‍ചിറ്റുമലയിൽനിന്നുള്ള ഫെയർ സ്റ്റേജ് നിരക്കാണ് ആ ടിക്കറ്റിലുള്ളത്. ഒപ്പം രാത്രി വൈകിയുള്ള ബസാണ്. പിന്നെ ന്നെ ആ റൂട്ടിലെ സിസിടിവി ദൃശ്യങ്ങൾ പരമാവധി ശേഖരിച്ചു പരിശോധിക്കുകയും ചെയ്തു. ഇതേതുടർന്ന് ചിറ്റുമലയിൽനിന്നു രണ്ടുപേർ കയറുന്നത് ഒരു ക്യാമറയിൽ പതിഞ്ഞിട്ടുണ്ട്. ദൃശ്യങ്ങളിലെ സൂചനകൾ വച്ചു പ്രാദേശികമായി അന്വേഷിച്ചപ്പോൾ പ്രദേശത്തു വാടകയ്ക്കു താമസിക്കുന്ന രണ്ടുപേരെപ്പറ്റി പൊലീസിനു വിവരം കിട്ടി. വീട്ടുടമയുടെ മകൻ കഞ്ചാവു കേസിൽ ജയിലിൽ കിടന്നിട്ടുമുണ്ട്. അന്വേഷണ വണ്ടി ആ റൂട്ടിൽ തന്നെ ഓടിക്കൊണ്ടിരുന്നു. സംഘത്തിലെ മറ്റുചിലർ അടുത്തു തന്നെ താമസിച്ചു നിരീക്ഷണം തുടങ്ങി.

അതേസമയം ഒരു ദിവസം പാരിപ്പള്ളിയിലെ ‘ഓപ്പറേഷൻ’ കഴിഞ്ഞെത്തിയ കള്ളൻമാരെ ചിറ്റുമലയിൽ കാത്തിരുന്ന പൊലീസ് സംഘം തൊണ്ടിയോടെ പിടിക്കുകയുണ്ടായി. രാത്രി വണ്ടികളിൽ കയറി സൈഡ് സീറ്റിലിരുന്നു യാത്ര ചെയ്തു റോഡരികിലെ അടഞ്ഞു കിടക്കുന്ന വീടുകൾ ശ്രദ്ധിച്ചായിരുന്നു മോഷ്ടാക്കൾ തങ്ങളുടെ ഓപ്പറേഷൻ നടത്തിയിരുന്നത്. അങ്ങനെ പറ്റിയ വീടു കണ്ടാൽ അടുത്ത സ്റ്റോപ്പിൽ ഇറങ്ങും. തിരിച്ചു നടന്നു ‘പണി’ നടത്തിയ ശേഷം അവിടെത്തന്നെ വിശ്രമിക്കുകയാണ് പതിവ്. പുലർച്ചെ എഴുന്നേറ്റു കുറച്ചു നടന്നു മറ്റേതെങ്കിലും സ്റ്റോപ്പിൽനിന്നു ബസിൽ കയറി താമസസ്ഥലത്തേക്ക് മടങ്ങുകയും ചെയ്യും. അങ്ങനെയാണു നൂറനാട്ടെ വീടുകളിലും ഇവർ എത്തിയത്. പക്ഷേ, ആ കടിച്ചു മുറിച്ച ടിക്കറ്റ് മുറികൂടി അവരെ ഒറ്റുകയായിരുന്നു ചെയ്തത്. അങ്ങനെ അന്വേഷണ സംഘം അവരെ അതിവിദഗ്ധമായി തന്നെ പിടികൂടുകയും ചെയ്തു.