കനത്ത മഴ: ഇരിട്ടി-വീരാജ്പേട്ട അന്തർ സംസ്ഥാന പാതയിൽ കുന്നിടിഞ്ഞു വീണു
ഇരിട്ടി-വീരാജ്പേട്ട അന്തർ സംസ്ഥാന പാതയിൽ ഇരിട്ടി ഗസ്റ്റ് ഹൗസിന് സമീപം കൂറ്റൻ കുന്നിടിഞ്ഞു വീണു. തലശേരി-വളവുപാറ റോഡ് വികസനത്തിന്റെ ഭാഗമായി ഇരിട്ടി കുന്നിടിച്ച് വീതി കൂട്ടിയ ഭാഗമാണ് ഇടിഞ്ഞത്. അപകടത്തെ തുടർന്ന് ഒരു മണിക്കൂറോളം ഗതാഗതം തടസപ്പെട്ടു.
വലിയപാറകൾ ഉൾപ്പെടെ റോഡിൽ പതിച്ചെങ്കിലും വാഹന-കാൽനട യാത്രക്കാരില്ലാത്തതിനാൽ ദുരന്തം വഴി മാറി. കുന്നിടിച്ചിൽ ഭീതി നിലനിൽക്കുന്നതിനാൽ യാത്രക്കാർ ഭീതിയിലാണ്. കുടകിൽ ഉരുൾപൊട്ടലിലും ഇവിടുത്തെ കനത്ത മഴയും കൂടിയായതോടെ മേഖലയിൽ ഉരുൾപൊട്ടൽ വെള്ളം കയറൽ ഭീതിയിലാണ്.
വള്ളിത്തോട്, മാടത്തിൽ, കച്ചേരിക്കടവ്, നുച്യാട്, മണികടവ്, ഇരിട്ടി തുടങ്ങിയ പ്രദേശങ്ങളിലെല്ലാം താഴ്ന്ന പ്രദേശങ്ങളിൽ വെള്ളം കയറി. അധികൃതർ കനത്ത ജാഗ്രത നിർദേശം നൽകി. താലൂക്ക് ഓഫീസിൽ കൺട്രോൾ റൂം തുറന്നു.
https://www.facebook.com/Malayalivartha