ആ വലിയ സഖാവിന്റെ ഭാര്യയെ ഒടുവില് സിപിഎം രക്ഷപെടുത്തി; പ്രവാസി മലയാളിയായ സാജന് പാറയില് ആത്മഹത്യ ചെയ്യാനിടയായ പാര്ത്ഥ കണ്വന്ഷന് സെന്റര് കേസില് സിപിഎം നേതാവ് എംവി ഗോവിന്ദന്റെ ഭാര്യ പികെ ശ്യാമളയ്ക്ക് ക്ലീന് ചീട്ടു നല്കി
പ്രവാസി മലയാളിയായ സാജന് പാറയില് ആത്മഹത്യ ചെയ്യാനിടയായ പാര്ത്ഥ കണ്വന്ഷന് സെന്റര് കേസില് സിപിഎം നേതാവ് എംവി ഗോവിന്ദന്റെ ഭാര്യ പികെ ശ്യാമളയ്ക്ക് ക്ലീന് ചീട്ടു നല്കി പാര്ട്ടി കോടതി വിധി പ്രസ്താവിച്ചിരിക്കുന്നു. കേരളത്തിലും സിപിഎമ്മിലും കോളിളമുണ്ടാക്കിയ കണ്വന്ഷന് സെന്റര് നിര്മാണത്തില് സംരഭകന് സാജന് ആത്മഹത്യ ചെയ്തത് സാമ്പത്തിക കടബാധ്യതകൊണ്ടും കുടുംബപ്രശ്നങ്ങള് കൊണ്ടുമാണെന്ന് വിധിയെഴുതി വലിയ സഖാവിന്റെ ഭാര്യയെ സിപിഎം രക്ഷപ്പെടുത്തി.
ഹൈക്കോടതി സ്വമേധയാ കേസെടുത്ത് സര്ക്കാരിനോട് വിശദീകരണം ചോദിച്ച അപൂര്വ കേസ് ഇതോടെ ഫ്രീസറായിയിരിക്കുന്നു. പികെ ശ്യാമള ചെയര്പേഴ്സണായ ആന്തൂര് നഗരസഭ കണ്വന്ഷന് സെന്റര് നിര്മാണം തടസപ്പെടുത്തിയ സംഭവങ്ങള് അക്കമിട്ടു നിരത്ത് സാജന് എഴുതിവെച്ച ആത്മഹത്യാക്കുറിപ്പിനെ തമസ്കരിച്ചുകൊണ്ടാണ് പാര്ട്ടി കോടതി സിപിഎമ്മിലെ പ്രബല കുടുംബത്തിന് അനുകൂലമായി വിധിയെഴുതിയത്.
സിപിഎം വനിതാ വിഭാഗം നേതാവും അധ്യാപികയുമായ നഗരസഭാധ്യക്ഷ പികെ ശ്യാമള കുറ്റക്കാരിയല്ലെന്ന നിലപാടായിരുന്നു തുടക്കം മുതലല് മുഖ്യമന്ത്രി പിണറായി വിജയന്റെയും കോടിയേരി ബാലകൃഷ്ണന്റെയുമൊക്കെ. ഗോവിന്ദന്റെ രാഷ്ട്രീയ ശത്രവായ പി ജയരാജനും സാജന് പാറയിലും തമ്മിലുണ്ടായിരുന്ന അടുപ്പത്തിലെ വൈരാഗ്യം തീര്ക്കല്കൂടിയായിരുന്നു കണ്വന്ഷന് സെന്റര് വിഷയത്തില് ശ്യാമളയുടേത്. കണ്വന്ഷന് സെന്റര് തുരമ്പെടുത്താലും സ്തൂപമായി നിന്നാലും അനുമതി നല്കില്ലെന്ന പരസ്യനിലപാടില് മനനൊന്താണ് സാജന് ജീവനൊടുക്കിയത്. വിവാദം കത്തിയമര്പ്പോഴൊക്കെ കോടിയേരി ബാലകൃഷ്ണന് കഴിഞ്ഞാല് സിപിഎം സംസ്ഥാന സെക്രട്ടറി സ്ഥാനത്തേക്ക് പരിഗണിക്കപ്പെടുന്ന എംവി ഗോവിന്ദന്റെ ഭാര്യയെ സിപിഎമ്മിനു തള്ളിപ്പറയാനാകില്ല.
ആന്തൂര് നഗരസഭയില്നിന്നു ലഭിക്കേണ്ട ഒക്യുപെന്സി സര്ട്ടിഫിക്കറ്റിലെ ഒപ്പ് വൈകിയതിന്റെ ഒറ്റ നിമിഷത്തെ നിരാശയല്ല, മാസങ്ങളായി അവര് നടത്തിയ മാനസിക പീഡനമാണു സാജനെ ആത്മഹത്യയിലേക്കു തള്ളിവിട്ടതെന്ന് സാജന്റെ ഭാര്യ തുടരെ ആവര്ത്തിക്കുമ്പോഴും പാര്ട്ടി അതു മുഖവിലയ്ക്കെടുത്തില്ല.
സിപിഎം കേന്ദ്ര കമ്മിറ്റി അംഗത്തിന്റെ ഭാര്യയും ജില്ലാ കമ്മിറ്റി അംഗവുമായ പി.കെ.ശ്യാമളയെ മറികടന്നു മറ്റേതെങ്കിലും വഴിയില് അനുമതി നേടിയെടുത്താലും അവരുടെ എതിര്പ്പ് നിലനില്ക്കെ ആന്തൂര് പാര്ട്ടി ഗ്രാമത്തില് തുടര്ന്നു പ്രവര്ത്തിപ്പിക്കാന് കഴിയില്ലെന്ന ആശങ്കകൂടിയാണ് സാജനെ ആത്മഹത്യയിലേക്കു നയിച്ചത്.
20 വര്ഷത്തോളം നൈജീരിയയില് ഒരു ജന്മം മുഴുവന് അധ്വാനിച്ചുണ്ടാക്കിയ 18 കോടി രൂപ മുടക്കി നിര്മിച്ച കണ്വന്ഷന് സെന്റര് ആക്രമിക്കപ്പെടുമോ എന്നു വരെ സാജന് ഭയപ്പെട്ടിരുന്നു. ബാങ്കിലുണ്ടായിരുന്ന അവസാന സമ്പാദ്യം വരെ നുള്ളിപ്പെറുക്കി ഒരു സംരംഭം തുടങ്ങി അതില്നിന്ന് ഒരു രൂപ പോലും വരുമാനം കിട്ടില്ല എന്നു ഭയപ്പെടുന്ന സമയത്താണു നഗരസഭാധ്യക്ഷ ശ്യാമള സാജന്റെ മുഖത്തു നോക്കി പറഞ്ഞത് ഞാനീ കസേരയില് ഉള്ളിടത്തോളം കാലം അനുമതി ലഭിക്കില്ലായെന്ന്. സഖാക്കള് എല്ലാ തെറ്റുകള്ക്കും അതീതരാണെന്ന് സിപിഎം ഒരിക്കല്കൂടി തെളിയിച്ചിരിക്കുന്നു.
https://www.facebook.com/Malayalivartha
