ഒന്നൊന്നര കുടുക്കാണ് പിണറായി ഭക്തരായ സി.എം. രവീന്ദ്രനും ദിനേശന്‍ പുത്തലത്തിനും സംഭവിച്ചിരിക്കുന്നത്. വൈകാതെ ഇരുവരെയും പി.പി ഇ കിറ്റ് ധരിപ്പിച്ച് ആമ്പുലന്‍സില്‍ കയറ്റി കൊച്ചിയില്‍ കൊണ്ടുപോകാനുള്ള സാധ്യത ഏറി വരികയാണ്.

സ്വര്‍ണ്ണക്കടത്ത് കേസില്‍ ദേശീയ അന്വേഷണ ഏജന്‍സികള്‍ക്ക് മുമ്പില്‍ ഹാജരാവേണ്ട മുഖ്യമന്ത്രിയുടെ അഡീഷണല്‍ െ്രെപവറ്റ് സെക്രട്ടറി സി.എം രവീന്ദ്രന്റെ രോഗവിവരം കൃത്യമായി മനസിലാക്കാന്‍ ഇ ഡി തിരുവനന്തപുരത്തെ കേന്ദ്ര സര്‍ക്കാര്‍ ഉടമസ്ഥതതയിലുള്ള ആശുപത്രിയിലെ വിദഗ്ദ്ധ ഡോക്ടര്‍മാരുടെ പാനല്‍ രൂപീകരിക്കുന്നു. രവീന്ദ്രന് പുറമേ പൊളിറ്റിക്കല്‍ സെക്രട്ടറി ദിനേശന്‍ പുത്തലത്തിന്റെയും കോവിഡ് റിസള്‍ട്ട് ഇഡിക്ക് അറിയണം.

ചോദ്യം ചെയ്യാന്‍ വിളിപ്പിച്ചപ്പോള്‍ ഇരുവര്‍ക്കും കോവിഡ് വന്നതിന്റെ രഹസ്യമാണ് ദേശീയ അന്വേഷണ ഏജന്‍സിക്ക് അറിയേണ്ടത്. തിരുവനന്തപുരം മെഡിക്കല്‍ കോളേജിനോട് ഇവരുടെ ചികിത്സാ റെക്കോര്‍ഡുകള്‍ കൈമാറാന്‍ ആവശ്യപ്പെട്ടെങ്കിലും നല്‍കിയിട്ടില്ല. സര്‍ക്കാരിന് വേണ്ടപ്പെട്ട ആശുപത്രി മേധാവി ഇനിയും വിവരങ്ങള്‍ കൈമാറിയില്ലെങ്കില്‍ അകത്തു പോകാനാണ് സാധ്യത. രവീന്ദ്രന്‍ രോഗിയായതോടെ ഇ ഡിയുടെ പ്രവര്‍ത്തനം പൂര്‍ണ്ണമായും തടസ്സപ്പെട്ടിരിക്കുകയാണ്. ശിവശങ്കറിനെയും രവീന്ദ്രനെയും ഒപ്പമിരുത്തി ചോദ്യം ചെയ്യാനാണ് ഇ ഡിയുടെ പ്ലാന്‍. അതാണ് മുടങ്ങിയത്.

അതിനിടെ രവീന്ദ്രന്റെ ജീവന് ഭീഷണിയുണ്ടെന്ന ബി.ജെ.പി സംസ്ഥാന പ്രസിഡന്റ് കെ.സുരേന്ദ്രന്റെ പരാതി ഇ.ഡി. അതീവ ഗൗരവമായാണ് എടുക്കുന്നത്. സി. എം. രവീന്ദ്രനും ദിനേശനും മെഡിക്കല്‍ കോളേജില്‍ എത്തിയ ദിവസം മുതല്‍ ഇവരുടെ ഇടപാട് നിരീക്ഷിക്കാന്‍ കേന്ദ്ര ഇന്റലിജന്‍സ് ആശുപത്രിയില്‍ തന്നെയുണ്ട്. രവീന്ദ്രന്റെയും ദിനേശന്റെയും ഫോണ്‍ സംഭാഷണങ്ങളും കൂടികാഴ്ചകളും ഇ.ഡി. നിരീക്ഷിക്കുന്നുണ്ട്.

മുഖ്യമന്ത്രിയുടെയും സി.പി.എമ്മിന്റെയും എല്ലാ രഹസ്യങ്ങളും അറിയുന്നവരാണ് രവീന്ദ്രനും ദിനേശനും.രവീന്ദ്രന്‍ മുഖ്യമന്ത്രിയുടെ വിശ്വസ്തനാണ്.ശിവശങ്കര്‍ മുഖ്യമന്ത്രിയുടെ സെക്രട്ടറിയായിരുന്ന കാലത്ത് രവീന്ദ്രനായിരുന്നു മുഖ്യമന്ത്രിയുടെ രഹസ്യങ്ങള്‍ കൈകാര്യം ചെയ്തിരുന്നത്. മുഖ്യമന്ത്രിയുടെ പരിപാടി തീരുമാനിക്കാനുള്ള അധികാരവും രവീന്ദ്രനാണ് ഉണ്ടായിരുന്നത്.

രവീന്ദ്രന് സുരക്ഷ ഒരുക്കണമെന്ന് സുരേന്ദ്രന്‍ ആവശ്യപ്പെട്ടത് ഈ സാഹചര്യത്തിലാണ്. ആയിരക്കണക്കിന് കോടി രൂപയുടെ ഇടപാടുകളാണ് കഴിഞ്ഞ നാലരവര്‍ഷക്കാലമായി മുഖ്യമന്ത്രിയുടെ ഓഫീസ് കേന്ദ്രീകരിച്ച് നടന്നിരിക്കുന്നത്. ഈ അഴിമതികളെ പറ്റി എല്ലാം അറിയുന്ന രണ്ട് പേരാണ് സി.എം രവീന്ദ്രനും പൊളിറ്റിക്കല്‍ സെക്രട്ടറി ദിനേശന്‍ പുത്തലത്തും. സി.എം രവീന്ദ്രനെ ദേശീയ ഏജന്‍സികള്‍ ചോദ്യം ചെയ്താല്‍ പല രഹസ്യങ്ങളും പുറത്താകും. അത് സര്‍ക്കാരിനെയും മുഖ്യമന്ത്രിയേയും ബാധിക്കും. അതുകൊണ്ട് അദ്ദേഹത്തിന്റെ ജീവന് ഭീഷണിയുണ്ട്. രവീന്ദ്രന്‍ ചില ഉന്നത പൊലീസ് ഉദ്യോ?ഗസ്ഥരുടെ നിരീക്ഷണത്തിലാണെന്നാണ് മനസിലാക്കാനാവുന്നത്. അദ്ദേഹത്തിന്റെ കൊവിഡ് റിസല്‍ട്ടിന്റെ കാര്യത്തില്‍ തന്നെ ചില സംശയങ്ങളുണ്ട്. പൊതുജനങ്ങളും മാദ്ധ്യമങ്ങളും ഈ കാര്യത്തില്‍ ജാ?ഗ്രത കാണിക്കണം. സി.പി.എമ്മും മുഖ്യമന്ത്രിയും എന്തും ചെയ്യാന്‍ മടിയില്ലാത്തവരാണെന്നും സുരേന്ദ്രന്‍ പറഞ്ഞു.

രവീന്ദ്രന്റെ രോഗവിവരം സുരേന്ദ്രന് ചിലര്‍ ചോര്‍ത്തി നല്‍കിയെന്ന സംശയം മുഖ്യമന്ത്രിക്കുണ്ട്. അദ്ദേഹം ഇക്കാര്യം ആരോഗ്യമന്ത്രിയുമായി സംസാരിച്ചുവെന്നും സ്ഥിതീകരിക്കാത്ത റിപ്പോര്‍ട്ടുകളുണ്ട്. സര്‍ക്കാരിലെ രഹസ്യങ്ങളെല്ലാം ചോരുന്നു എന്ന സംശയം സര്‍ക്കാരിനുണ്ട്. ഉദ്യോഗസ്ഥരെ നിരീക്ഷിക്കാന്‍ സര്‍ക്കാര്‍ പ്രത്യേകം സംവിധാനം കൊണ്ടു വന്നപ്പോഴാണ് വിവരങ്ങള്‍ കൂടുതലായി ചേരുന്നത്. മന്ത്രി കെ.റ്റി. ജലീലിന്റെ ഗവേഷണ പ്രബന്ധം പോലും സര്‍വകലാശാലയില്‍ നിന്നും പൊക്കി മന്ത്രിയുടെ ശുതുക്കള്‍ക്ക് നല്‍കിയെന്നും മുഖ്യമന്ത്രി സംശയിക്കുന്നു. ഭരണം മാറുമെന്ന് ഉറപ്പായതോടെയാണ് വിശ്വസ്തരായിരുന്ന ഉദ്യോഗസ്ഥര്‍ പോലും മറുകണ്ടം ചാടിയതായി മുഖ്യമന്ത്രി സംശയിക്കുന്നു.

അതേസമയം രവീന്ദനെയും ദിനേശനെയും അതീവ സുരക്ഷ വലയത്തിലാണ് പാര്‍പ്പിച്ചിരിക്കുന്നത്. മെഡിക്കല്‍ കോളേജിലെ വിദഗ്ദ്ധ ഡോക്ടര്‍മാരുടെ സംഘം തന്നെ ഇവര്‍ക്ക് ചുറ്റും വട്ടമിട്ട് പറക്കുന്നുണ്ട്. സുരേന്ദ്രന്റെ പരാതി കണക്കിലെടുത്ത് ദിനേശനും രവീന്ദ്രനും സി. ആര്‍. പി. എഫിന്റെ സുരക്ഷ നല്‍കിയാലും അത്ഭുതമില്ല. ഇക്കാര്യം കെ സുരേന്ദ്രന്‍ അമിത് ഷായുമായി ചര്‍ച്ച ചെയ്‌തെന്നാണ് ലഭിക്കുന്ന വിവരം. ഇല്ലെങ്കില്‍ രവീന്ദ്രന്റെ കോവിഡ് അടുത്ത കാലത്തൊന്നും ഭേദമാകില്ലെന്ന് ഇ.ഡിക്കറിയാം.

രവിന്ദ്രനെയും ദിനേശനെയും ചോദ്യം ചെയ്താല്‍ മുഖ്യമന്ത്രി കുരുങ്ങുമെന്ന് സംശയിക്കുന്നവരില്‍ സി പി എം സെക്രട്ടേറിയറ്റ് അംഗങ്ങള്‍ വരെയുണ്ട്. ഇത് സംഭവിക്കണമെന്ന് ആഗ്രഹിക്കുന്നവരും സംഭവിക്കരുതെന്ന് ആഗ്രഹിക്കുന്നവരും സി പി എമ്മിലുണ്ട്,മന്ത്രിസഭയിലുമുണ്ട്.അതു കൊണ്ട് തന്നെ രവീന്ദ്രന്റെ യും ദിനേശന്റെയും കോവിഡ് പെട്ടെന്ന് മാറുമെന്ന് കരുതാന്‍ വയ്യ.