കോവിഡ് നിര്‍ദേശങ്ങള്‍ പാലിക്കുകയും നടപ്പാക്കുകയും ചെയ്യുന്ന ഭക്ഷ്യ വ്യാപാര സ്ഥാപനങ്ങള്‍ക്ക് സ്റ്റാര്‍ പദവിയുമായി വയനാട്
വയനാട് ജില്ലയില്‍ കോവിഡ് നിര്‍ദേശങ്ങള്‍ പാലിക്കുകയും അവ നടപ്പാക്കുകയും ചെയ്യുന്ന ഓരോ ഭക്ഷ്യ വ്യാപാര സ്ഥാപനങ്ങളും എത്രത്തോളം മാനദണ്ഡങ്ങള്‍ പാലിക്കുന്നു എന്നു വിലയിരുത്തി 1 മുതല്‍ 5 വരെ സ്റ്റാര്‍ റേറ്റിങ് നല്‍കാന്‍ ജില്ലാ ഭരണസംവിധാനം പദ്ധതി തയാറാക്കി.
ഇതിനായി കലക്ടര്‍ ഡോ. അദീല അബ്ദുല്ല ഫുഡ് സേഫ്റ്റി ഓഫിസര്‍മാരുടെ കീഴില്‍ പരിശോധന ടീമുകള്‍ രൂപീകരിച്ച് ഉത്തരവായി. മാനന്തവാടി, ബത്തേരി, കല്‍പറ്റ ഫുഡ് സേഫ്റ്റി ഓഫിസര്‍മാരുടെ നേതൃത്വത്തില്‍ 3 ടീമുകളാണ് രൂപീകരിച്ചത്.
തയാറാക്കിയ ആക്ഷന്‍ പ്ലാനിലെ ചെക്ക് ലിസ്റ്റ് പ്രകാരമുള്ള മാനദണ്ഡങ്ങളുടെ അടിസ്ഥാനത്തിലായിരിക്കും സ്റ്റാര്‍ റേറ്റിങ് നല്‍കുക. ജില്ലാ മെഡിക്കല്‍ ഓഫിസര്‍, മുനിസിപ്പല്‍ സെക്രട്ടറിമാര്‍/ഡപ്യൂട്ടി ഡയറക്ടര്‍ പഞ്ചായത്ത്, ജില്ലാ സപ്ലൈ ഓഫിസര്‍ എന്നിവര്‍ നിയോഗിക്കുന്ന ഓരോ ഉദ്യോഗസ്ഥരും ടീമുകളില്‍ ഉണ്ടായിരിക്കും.
ഭക്ഷ്യ വ്യാപാര സ്ഥാപനങ്ങള്‍ക്ക് സ്റ്റാര്‍ പദവി ലഭിക്കുന്നതിനായി 8943346192 എന്ന വാട്‌സാപ് നമ്പറിലോ കല്‍പറ്റ ഫുഡ് സേഫ്റ്റി ഓഫിസര്‍ (9072639570), ബത്തേരി ഫുഡ് സേഫ്റ്റി ഓഫിസര്‍ (8943346570), മാനന്തവാടി ഫുഡ് സേഫ്റ്റി ഓഫിസര്‍ (7593873342) എന്നീ നമ്പറുകളിലോ covid19protocolstar@gmail.com മെയിലിലോ 04935 246970 നമ്പര്‍ മുഖേനയോ റജിസ്റ്റര്‍ ചെയ്യാം.
https://www.facebook.com/Malayalivartha
