സ്കൂളുകള് ഈ അധ്യയന വര്ഷം ചെലവ് മാത്രമേ ഫീസായി ഈടാക്കാവൂ എന്ന് ഹൈക്കോടതി
12 NOVEMBER 2020 02:08 PM IST
മലയാളി വാര്ത്ത
സ്കൂളുകള് ഈ അധ്യയന വര്ഷം ചെലവ് മാത്രമേ ഫീസായി ഈടാക്കാവൂ എന്ന് ഹൈക്കോടതി. ഓണ്ലൈന് ക്ലാസുകള് മാത്രം നടക്കുന്ന പശ്ചാത്തലത്തില് ഫീസ് ഇളവ് തേടി വിദ്യാര്ത്ഥികളും രക്ഷകര്ത്താക്കളും നല്കിയ ഹര്ജികളിലാണ് ഉത്തരവ്. ഹര്ജികളില് പരാമര്ശിക്കുന്ന അണ് എയ്ഡഡ് സിബിഎസ്ഇ, ഐസിഎസ്ഇ സ്കൂളുകള് കൃത്യമായ ചെലവ് 17നകം അറിയിക്കണമെന്ന് ജസ്റ്റിസ് ദേവന് രാമചന്ദ്രന് ഉത്തരവിട്ടു. സാമ്ബത്തിക പ്രശ്നങ്ങള് എല്ലാ വിഭാഗം ജനങ്ങളെയും ബാധിച്ചിട്ടുണ്ട്.
ഈ പശ്ചാത്തലത്തില് സ്കൂള് നടത്തിപ്പുവഴി നേരിട്ടോ അല്ലാതെയോ ലാഭമുണ്ടാക്കരുതെന്നും കോടതി ചൂണ്ടിക്കാട്ടി. സ്കൂളുകള് യഥാര്ത്ഥ ചെലവിനെക്കാള് കൂടുതല് തുക വിദ്യാര്ത്ഥികളില് നിന്ന് വാങ്ങില്ലെന്ന് ഉറപ്പാക്കുകയാണ് ലക്ഷ്യമെന്നും കോടതി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
