സ്വപ്നയുടെ ലോക്കറില്‍ നിന്ന് കണ്ടെടുത്ത പണം ലൈഫ് മിഷനില്‍ ശിവശങ്കറിന്റെ കോഴയാണ് എന്ന ഇ.ഡിയുടെ കണ്ടെത്തല്‍ അവരുടെ കേസിന് തന്നെ എതിരാണെന്ന അഭിപ്രായവുമായി കോടതി . കള്ളപ്പണം വെളുപ്പിക്കല്‍ നിരോധന നിയമത്തിന്റെ പരിധിയില്‍ ഇത് വരില്ലെന്നും കോടതി അറിയിച്ചു . മറ്റ് പദ്ധതികളില്‍ നിന്ന് കോഴ ലഭിച്ചു എന്ന കണ്ടെത്തല്‍ ഈ കേസുമായി ബന്ധിപ്പിക്കാനാകില്ലെന്നും കോടതി . ശിവശങ്കറിന്റെ ജാമ്യാപേക്ഷ പരിഗണിക്കവെയാണ് കോടതി പരാമര്‍ശം നടത്തിയത് .ശിവശങ്കറിന് സ്വര്‍ണ കടത്തിനെക്കുറിച്ച്‌ അറിവുണ്ടന്ന സ്വപ്നയുടെ മൊഴി അവഗണിക്കാനാവില്ലെന്ന് കോടതി വ്യക്തമാക്കി .  ഇത് കള്ളപ്പണം വെളുപ്പിക്കല്‍ കേസ് മാത്രമാണെന്നും വേറെ കോഴയുണ്ടെകില്‍ അതുമായി ബന്ധപ്പെടുത്താനാവില്ലെന്നും കോടതി . ലൈഫ് മിഷനിലെ കമ്മിഷനാണ് ലോക്കറില്‍ ഉണ്ടായിരുന്നു എന്നത് ഇഡിയുടെ കേസിനെ ദുര്‍ബലമാക്കുന്നുണ്ടന്നും കോടതി അഭിപ്രായപ്പെടുകയും ചെയ്തു.

അറിഞ്ഞു കൊണ്ട് കള്ളക്കടത്തിലെ പണം ഒളിപ്പിക്കാന്‍ കൂട്ടുനില്‍ക്കുന്നത് കുറ്റകരമല്ല. ശിവശങ്കര്‍ അങ്ങനെ ചെയ്തുവെന്നാണ് സ്വപ്നയുടെ മൊഴി.എന്നാൽ കള്ളക്കടത്തിലൂടെയുള്ള വരുമാനമെന്ന അറിവോടെയാണ് ശിവശങ്കര്‍ സഹായിച്ചതെന്നാണ് ഇഡിയുടെ റിപ്പോര്‍ട്ടിലൂടെ മനസിലാകുന്നതെന്നും കോടതി.  ലോക്കര്‍ ഇടപാടിന് ഒരു വര്‍ഷത്തിന് ശേഷമാണ് സ്വര്‍ണക്കടത്ത് നടന്നതെന്നും ഇവ തമ്മില്‍ എങ്ങനെ ബന്ധിപ്പിക്കാനാകുമെന്ന് ശിവശങ്കറിന്റെ സ്വപ്നയുടെ നിര്‍ദേശപ്രകാരം ശിവശങ്കര്‍ എവിടെയുള്ള കസ്റ്റംസ് ഉദ്യോഗസ്ഥനെയാണ് വിളിച്ചതെന്ന് ഇഡി റിപ്പോര്‍ട്ടില്‍ വ്യക്തമാക്കുന്നില്ല. ഇഡി മുഖ്യമന്ത്രിയുടെ ഓഫീസിനെക്കുറിച്ച്‌ പറയുന്നു. അവരുടെ ലക്ഷ്യം മുഖ്യമന്ത്രിയുടെ ഓഫീസാണ്.

കൃത്യമായ തെളിവുകള്‍ ഇല്ലാതെയാണ് ശിവശങ്കറിനെ അറസ്റ്റ് ചെയ്തിരിക്കുന്നത്. എന്‍ ഐ യുടെ അന്വേഷണവും ഇഡിയുടെ അന്വേഷണവും തമ്മില്‍ വൈരുദ്ധ്യമുണ്ട്. മൂന്ന് ഏജന്‍സികളുടേയും അന്വേഷണം മൂന്ന് വഴിക്കാണ്. കടുത്ത മാനസിക സമര്‍ദ്ദം മൂലമാകാം സ്വപ്ന ശിവശങ്കറിനെതിരെ മൊഴി നല്‍കിയിരിക്കുന്നത് അഭിഭാഷകന്‍ ചോദിച്ചു. കള്ളക്കടത്ത് ഗൂഡാലോചന തുടങ്ങുന്നത് 20l9 ജൂണിലാണ് എന്നാല്‍ ലോക്കര്‍ തുറന്നത് 2018 ഓഗസ്റ്റിലും. കള്ളക്കടത്തും ലോക്കര്‍ ഇടപാടും തമ്മില്‍ എങ്ങനെ ബന്ധിപ്പിക്കാന്‍ കഴിയുമെന്നും ശിവശങ്കര്‍ ചോദിച്ചു.