സംഘപരിവാ‌റിന്റെ വധഭീഷണിയെ കുറിച്ച് പരാതി നൽകിയിട്ടും പൊലീസിൽ നിന്ന് നീതി ലഭിച്ചില്ലെന്ന് ആക്റ്റിവിസ്റ്റ് ബിന്ദു അമ്മിണി. എന്നാൽ ശ​ബ​രി​മ​ല​യി​ലേ​ക്ക് ഇ​നി​യി​ല്ലെ​ന്ന് ബി​ന്ദു അ​മ്മി​ണി പറഞ്ഞു. ത​ന്നെ തെ​റി​വി​ളി​ച്ചും പ്ര​കോ​പി​പ്പി​ച്ചും വീ​ണ്ടും ശ​ബ​രി​മ​ല​യി​ലേ​ക്ക് എ​ത്തി​ച്ച് അ​ത്​ തെ​ര​ഞ്ഞെ​ടു​പ്പി​ല്‍ ആ​യു​ധ​മാ​ക്കാ​നാ​ണ് ചി​ല​ര്‍ ശ്ര​മി​ക്കു​ന്ന​ത്. നേ​ര​ത്തെ സു​പ്രീം​കോ​ട​തി നി​യ​മ​ത്തിന്റെ പ​ശ്ചാ​ത്ത​ല​ത്തി​ലാ​ണ് ശ​ബ​രി​മ​ല​യി​ൽ സ​ന്ദ​ര്‍ശ​നം ന​ട​ത്തി​യ​ത്. ഹി​ന്ദു​ത്വ​ത്തിന്റെ പേ​രി​ല്‍ സം​ഘ്​​പ​രി​വാ​ര്‍ പ്ര​വ​ര്‍ത്ത​ക​ര്‍ തെ​രു​വി​ല്‍ അ​ക്ര​മം ന​ട​ത്തി​യ​പ്പോ​ഴാ​ണ് ശ​ബ​രി​മ​ല സ്ത്രീ​ദ​ര്‍ശ​നം അ​നി​വാ​ര്യ​മാ​യി തോ​ന്നി​യ​തും സ​ന്ദ​ര്‍ശി​ച്ച​തു​മെ​ന്ന് ബി​ന്ദു അ​മ്മി​ണി കോ​ഴി​ക്കോ​ട് വാ​ര്‍ത്ത​സ​മ്മേ​ള​ന​ത്തി​ല്‍ പ​റ​ഞ്ഞു. അ​ന്നു മു​ത​ല്‍ സം​ഘ്​​പ​രി​വാ​ര്‍ പ്ര​വ​ര്‍ത്ത​ക​ര്‍ ത​ന്നെ നി​ര​ന്ത​രം വേ​ട്ട​യാ​ടു​ക​യാ​ണ്. സ​മൂ​ഹ മാ​ധ്യ​മം വ​ഴി​യും ഫോ​ണി​ലൂ​ടെ​യും വ​ധ​ഭീ​ഷ​ണി​യും ത​ന്റെ​തെ​ന്ന പേ​രി​ല്‍ വ്യാ​ജ അ​ശ്ലീ​ല വി​ഡി​യോ​ക​ളും പ്ര​ച​രി​പ്പി​ക്കു​ക​യാ​ണ്. ഇ​വ​ര്‍ക്കെ​തി​രെ പ​രാ​തി ന​ല്‍കി​യി​ട്ടും പൊ​ലീ​സ് ന​ട​പ​ടി​യെ​ടു​ക്കു​ന്നി​ല്ലെ​ന്ന് ബി​ന്ദു പ​റ​ഞ്ഞു.

ന​വം​ബ​ര്‍ 18ന് ​രാ​ത്രി ദി​ലീ​പ് വേ​ണു​ഗോ​പാ​ല്‍ എ​ന്ന ആ​ര്‍.​എ​സ്.​എ​സ് പ്ര​വ​ര്‍ത്ത​ക​ന്‍ ത​ന്നെ ആ​സി​ഡ് ഒ​ഴി​ച്ചു ക​ത്തി​ക്കു​മെ​ന്ന് വ​ധ​ഭീ​ഷ​ണി മു​ഴ​ക്കി. ഇ​യാ​ള്‍ക്കെ​തി​രെ ഡി.​ജി.​പി​ക്ക്​ ഉ​ള്‍പ്പെ​ടെ പ​രാ​തി ന​ല്‍കി​യി​രു​ന്നു. എ​ന്നാ​ല്‍, കൊ​യി​ലാ​ണ്ടി സി.​ഐ ത​ന്നെ ഫോ​ണി​ല്‍ വി​ളി​ച്ച് പ​ത്ത​നം​തി​ട്ട സ്​​റ്റേ​ഷ​നി​ല്‍ പോ​യി പ​രാ​തി ന​ല്‍കാ​നാ​ണ് നി​ർ​ദേ​ശി​ച്ച​ത്. തന്റെ പേ​രി​ല്‍ പ്ര​ച​രി​പ്പി​ക്കു​ന്ന അ​ശ്ലീ​ല വി​ഡി​യോ​യു​മാ​യി ബ​ന്ധ​പ്പെ​ട്ട പ​രാ​തി​യി​ല്‍ ഒ​ന്ന​ര വ​ര്‍ഷ​മാ​യി​ട്ടും കൊ​യി​ലാ​ണ്ടി പൊ​ലീ​സ് ശ​രി​യാ​യ അ​ന്വേ​ഷ​ണം ന​ട​ത്തി​യി​ട്ടി​ല്ലെ​ന്നും ബി​ന്ദു ആ​രോ​പി​ച്ചു. ദി​ലീ​പ് വേ​ണു​ഗോ​പാ​ലും അ​നു​യാ​യി​ക​ളും ത​ന്നെ അ​സ​ഭ്യം പ​റ​യു​ന്ന​തിന്റെ​യും ഭീ​ഷ​ണി​പ്പെ​ടു​ത്തു​ന്ന​തിന്റെ​യും ശ​ബ്​​ദ​റെ​ക്കോ​ഡ് വ​രെ ന​ല്‍കി​യി​ട്ടും പൊ​ലീ​സ് പ്ര​തി​ക​ളെ സം​ര​ക്ഷി​ക്കു​ന്ന ന​ട​പ​ടി​യാ​ണ് സ്വീ​ക​രി​ക്കു​ന്ന​ത്. ദളിതരുടെ പരാതി സ്വീകരിക്കാത്ത അവസ്ഥയാണെന്നും സുപ്രിംകോടതിയുടെ പൊലീസ് സംരക്ഷണ ഉത്തരവ് ഉണ്ടായിട്ടും സംരക്ഷണം ഇല്ലെന്നും ബിന്ദു അമ്മിണി ആരോപിച്ചു. കൊയിലാണ്ടി പൊലീസ് സംരക്ഷണം തരാത്തതിനെതിരെ സുപ്രിംകോടതിയെ സമീപിക്കുമെന്നും ബിന്ദു അമ്മിണി പറഞ്ഞു. നാളെ താൻ ഉണ്ടാകുമോ എന്ന് ഉറപ്പില്ലെന്നും ബിന്ദു അമ്മിണി പറഞ്ഞു.ത​നി​ക്കെ​തി​രെ വ​ധ​ഭീ​ഷ​ണി മു​ഴ​ക്കി​യ​വ​രെ ഉ​ട​ന്‍ അ​റ​സ്​​റ്റ്​ ചെ​യ്തി​ല്ലെ​ങ്കി​ല്‍ കൊ​യി​ലാ​ണ്ടി പൊ​ലീ​സ് സ്‌​റ്റേ​ഷ​നു മു​ന്നി​ല്‍ അ​നി​ശ്ചി​ത​കാ​ല സ​ത്യ​ഗ്ര​ഹ​മാ​രം​ഭി​ക്കു​മെ​ന്നും ബി​ന്ദു അ​മ്മി​ണി പ​റ​ഞ്ഞു.

ഇരുപത്തിയെട്ട് വർഷങ്ങൾ നീണ്ട നിയമപോരാട്ടങ്ങൾക്കു ശേഷം 2018 സെപ്റ്റംബർ 29-ലെ സുപ്രീം കോടതിയുടെ യുവതീ പ്രവേശത്തിന് അനുകൂലമായ വിധി പ്രഖ്യാപനത്തിനു ശേഷം ശബരിമല ക്ഷേത്ര ദർശനം നടത്തി അന്താരാഷ്ട്ര ശ്രദ്ധ നേടിയ രണ്ടു യുവതികളാണ് ബിന്ദുവും കനകദുർഗയും. മലപ്പുറം ജില്ലയിലെ പെരിന്തൽമണ്ണ അങ്ങാടിപ്പുറം സ്വദേശിനിയാണ് കനകദുർഗ്ഗ. ശബരിമല ദർശനം നടത്താൻ കനകദുർഗയും കോഴിക്കോട് എടക്കുളം സ്വദേശിനിയായ കോളജ് അധ്യാപികയും നിയമ ബിരുദധാരിയുമായ ബിന്ദുവും 2018 ഡിസംബർ 24-നു തങ്ങളുടെ ആദ്യ ശ്രമം നടത്തിയെങ്കിലും ശക്തമായ പ്രതിഷേധത്തെ തുടർന്ന് സന്നിധാനത്തിന് ഏകദേശം ഒരു കിലോമീറ്റർ മാത്രം അകലെ വച്ച് ഇരുവർക്കും തങ്ങളുടെ ഉദ്യമത്തിൽനിന്നു പിന്തിരിയേണ്ടി വന്നിരുന്നു. ഇരുവർക്കും ആരോഗ്യ പ്രശ്നമുണ്ടെന്ന് കാണിച്ച് കേരളാ പൊലീസ് അവരെ ആശുപത്രിയിൽ പ്രവേശിപ്പിച്ചു. കോട്ടയം മെഡിക്കൽ കോളജ് ആശുപത്രിയിൽ പ്രവേശിക്കപ്പെട്ട ഇവർ നിരാഹാര സമരം തുടങ്ങിയെങ്കിലും ശബരിമല ദർശനത്തിന് സൗകര്യമൊരുക്കാമെന്ന് കേരള സർക്കാർ വാക്കാൽ അറിയിച്ചതിനെ തുടർന്നായിരുന്നു ഇരുവരും നിരാഹാരം അവസാനിപ്പിച്ചത്.

ദളിത്, വനിതാ അവകാശ പ്രവർത്തകയായ ബിന്ദു കണ്ണൂർ സർവ്വകലാശാലയ്ക്ക് കീഴിലുള്ള സ്കൂൾ ഓഫ് ലീഗൽ സ്റ്റഡീസിൽ അദ്ധ്യാപികയാണ്. മുമ്പ് സി.പി.ഐ.(എം.എൽ) പ്രവർത്തകയായിരുന്നുവെന്നും, അവിടെ കേന്ദ്രകമ്മറ്റിയിൽ വരെ പ്രവർത്തിച്ചിരുന്നെന്നും 2009 ആയപ്പോഴെക്കും സി.പി.ഐ.(എം.എൽ) പ്രവർത്തനം അവസാനിപ്പിച്ചെന്നും ബിന്ദു പറഞ്ഞിരുന്നു. വെളുത്തകുഞ്ഞ്, അമ്മിണി എന്നിവരുടെ അഞ്ചുമക്കളിൽ ഒരാളായ ബിന്ദുവിന്റെ ജന്മദേശം പത്തനംതിട്ടയാണ്. സി.പി.ഐ.(എം.എൽ) പ്രവർത്തകനായിരുന്ന ഭർത്താവ് ഹരിഹരൻ കോഴിക്കോട് ജില്ലയിലെ കൊയിലാണ്ടിയിൽ വസ്ത്രവ്യാപാരസ്ഥാപനം നടത്തുന്നു. ബിന്ദു - ഹരിഹരൻ ദമ്പതികൾക്ക് ഒരു പുത്രിയുണ്ട്. കൊയിലാണ്ടിയിൽ താമസിക്കുന്നു.

അമ്പതു വയസിനു താഴെ പ്രായമുള്ള ഈ യുവതികൾ ശബരിമലയിൽ ദർശനം നടത്തിയത് 2019 ജനുവരി രണ്ടാം തീയതി പുലർച്ചെയാണ്. പതിനെട്ടാംപടി കയറാതെ വിഐപി വഴിയിലൂടെ ക്ഷേത്രത്തിൽ പ്രവേശിച്ച് അയ്യപ്പദർശനം നടത്തുകയായിരുന്നു ഇരുവരും. തുടർന്ന് ബിജെപിയുടെയും ശബരിമല കർമ്മസമിതിയുടെയും നേതൃത്വത്തിൽ കേരളത്തിൽ ജനുവരി 3-ന് ഹർത്താലും അങ്ങോളമിങ്ങോളം പ്രതിഷേധങ്ങളും അക്രമങ്ങളും നടന്നു. ബി.ബി.സി., അൽ ജസീറ ഉൾപ്പെടെയുള്ള ലോക മാധ്യമങ്ങളും ഇന്ത്യയിലെ മുഴുവൻ പത്ര മാധ്യമങ്ങളും ടെലിവിഷൻ ചാനലുകളും ഈ വാർത്ത റിപ്പോർട്ട് ചെയ്തിരുന്നു.