തദ്ദേശതെരഞ്ഞെടുപ്പിൽ ഇടതുപക്ഷം നേടിയ വമ്പിച്ച വിജയം സംസ്ഥന സർക്കാരിനുള്ള അംഗീകാരമാണെന്ന്​ സി.പി.എം ജനറല്‍ സെക്രട്ടറി സീതാറാം യെച്ചൂരി. കേന്ദ്ര ഏജന്‍സികളെ ഉപയോഗിച്ച്‌​ സര്‍ക്കാറിനെ അട്ടിമറിക്കാനുള്ള നീക്കം ജനങ്ങള്‍ തള്ളിക്കളഞ്ഞുവെന്നും അദ്ദേഹം പറഞ്ഞു. സര്‍ക്കാറിനുള്ള അംഗീകാരമാണ്​ തെരഞ്ഞെടുപ്പ്​ ജയമെന്ന്​ സി.പി.എം പി.ബി അംഗം പ്രകാശ്​ കാരാട്ടും പ്രതികരിച്ചു.

സര്‍ക്കാറിന്റെ ജനക്ഷേമ പ്രവര്‍ത്തനങ്ങള്‍ ജനങ്ങള്‍ അംഗീകരിച്ചുവെന്നും യെച്ചൂരി കൂട്ടിച്ചേര്‍ത്തു. തദ്ദേശ സ്വയംഭരണ തെരഞ്ഞെടുപ്പില്‍ മികച്ച പ്രകടനമാണ്​ എല്‍.ഡി.എഫ്​ കാഴ്​ചവെച്ചത്​. ഗ്രാമ, ബ്ലോക്ക്, ജില്ല പഞ്ചായത്തുകളിലും കോര്‍പ്പറേഷനുകളിലും എല്‍.ഡി.എഫിനാണ്​ മേല്‍കൈ. നഗരസഭകളില്‍ മാത്രമാണ്​ യു.ഡി.എഫ്​ മുന്നേറ്റമുള്ളത്​.