മുഖ്യമന്ത്രിയുടെ ഓഫീസില്‍ വരുന്നവരെക്കുറിച്ച് അദ്ദേഹത്തിന് ഓര്‍മ്മയില്ല; അഴിമതി നടത്തിയതിന് പിടിക്കപ്പെടുമ്പോള്‍ പിണറായി മറവിരോഗക്കാരനാവുകയാണെന്ന് കെ. സുരേന്ദ്രന്‍
അഴിമതി നടത്തിയതിന് പിടിക്കപ്പെടുമ്‌ബോള്‍ മുഖ്യമന്ത്രി പിണറായി വിജയന്‍ മറവിരോഗക്കാരനാവുകയാണെന്ന് ബി.ജെ.പി സംസ്ഥാനഅധ്യക്ഷന്‍ കെ. സുരേന്ദ്രന്‍. എണ്‍പത് തികഞ്ഞ അച്യുതാനന്ദന് പോലും ഈ മറവിരോഗമില്ലെന്ന് അദ്ദേഹം മനസിലാക്കണം. മറവിരോഗം ബാധിച്ച ഈ വന്ദ്യവയോധികനെ വീണ്ടും മുഖ്യമന്ത്രിയാക്കേണ്ടതുണ്ടോയെന്ന് ജനങ്ങള്‍ തീരുമാനിക്കുമെന്നും കെ. സുരേന്ദ്രന്‍ പറഞ്ഞു.
മുഖ്യമന്ത്രിയുടെ ഓഫീസില്‍ വരുന്നവരെക്കുറിച്ച് അദ്ദേഹത്തിന് ഓര്‍മ്മയില്ല. കള്ളക്കടത്തുകാര്‍ ഓഫിസില്‍ കയറിയിറങ്ങിയതും സ്വപ്‌ന വന്നതും അദ്ദേഹം മറന്നു. പട്ടാമ്ബിയില്‍ വിജയയാത്രക്ക് നല്കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം.
അദ്ദേഹത്തിന്റെ പ്രിന്‍സിപ്പല്‍ സെക്രട്ടറി തന്നെ കള്ളക്കടത്തിന് കൂട്ടുനിന്നതും അറിഞ്ഞില്ല. ഏറ്റവും ഒടുവില്‍ ആഴക്കടല്‍ മത്സ്യബന്ധനത്തിന് വന്ന തട്ടിക്കൂട്ട് കമ്ബനിക്കാര്‍ മുഖ്യമന്ത്രിയുടെ ഓഫീസില്‍ കയറിയിറങ്ങിയതും അദ്ദേഹത്തെ കണ്ടതും മറന്നു. ആഴക്കടല്‍ മത്സ്യബന്ധനത്തിന് തട്ടിപ്പ് കമ്ബനിക്ക് അനുമതി നല്കിയതിന് പിന്നില്‍ വലിയ അഴിമതിയാണ്. ഇത് പിടിക്കപ്പെടുമ്‌ബോഴാണ് മുഖ്യമന്ത്രിക്ക് ഒന്നും ഓര്‍മ്മയില്ലാതായത്. മുഖ്യമന്ത്രിയായി സത്യപ്രതിജ്ഞ ചെയ്യാന്‍ തിയ്യതി കുറിക്കാന്‍ പോയതുപോലും ശിവശങ്കരനേയും കൂട്ടിയാണ്. അത്ര അടുപ്പമായിരുന്നു. ഇപ്പോള്‍ ശിവശങ്കരനെത്തന്നെ ഓര്‍മ്മയില്ല. അഞ്ചുകൊല്ലം നടത്തിയ അഴിമതികളൊന്നും ഓര്‍മ്മയേയില്ല. അഞ്ചുകൊല്ലം ഉമ്മന്‍ചാണ്ടി അഴിമതി നടത്തി മുടിച്ചപ്പോഴാണ് പിണറായി കയറിയത്. കൂടുതല്‍ വലിയ അഴിമതിക്കാനാരായിരിക്കുമെന്ന മത്സരത്തിലാണവര്‍.
പിണറായി സര്‍ക്കാരിന്റെ അഴിമതിയില്‍ മടുത്താണ് ജേക്കബ് തോമസിനെ പോലുള്ള ഉദ്യോഗസ്ഥര്‍ അവര്‍ക്കെതിരായത്. ബ്രിട്ടീഷുകാരും രാജാക്കന്മാരും പണിത നൂറും ഇരുനൂറും കൊല്ലം പഴക്കമുള്ള പാലങ്ങള്‍ ഒരുകുഴപ്പവുമില്ലാതെ നിന്നപ്പോഴാണ് ഉമ്മന്‍ചാണ്ടി പണിത ഒന്നരക്കൊല്ലം പഴക്കമുള്ള പാലം പൊളിഞ്ഞത്. ആപാലം പുതുക്കി പണിയാനുള്ള കാലാവധി 18 മാസമായിരുന്നു. അഞ്ചരമാസം കൊണ്ട് പണി തീര്‍ത്ത് മെട്രോമാന്‍ ഇ. ശ്രീധരന്‍ ബി.ജെ.പിയില്‍ ചേര്‍ന്നു. ഇവരുടേയെല്ലാം അഴിമതി മടുത്താണ് അദ്ദേഹം നരേന്ദ്രമോദിയുടെ പാര്‍ട്ടിയില്‍ എത്തിയതെന്ന് സുരേന്ദ്രന്‍ പറഞ്ഞു.
ലക്ഷക്കണക്കിന് യുവാക്കള്‍ തൊഴിലിനുവേണ്ടി സമരം ചെയ്യുമ്‌ബോള്‍ പി.എസ്.സി റാങ്ക് പട്ടികയെല്ലാം റദ്ദാക്കി നേതാക്കന്മാരുടെ ഭാര്യമാര്‍ക്ക് പിന്‍വാതിലിലൂടെ ജോലി നല്കുന്ന പ്രസ്ഥാനമായി സി.പി.എം. സാംസ്‌കാരികനായകനായി മേനി നടിച്ചു നടക്കുന്ന സുനില്‍ പി. ഇളയിടം ജോലിനേടിയതും തട്ടിപ്പ് നടത്തിയാണ്. സി.പി.എം നേതാക്കളുടെ ഭാര്യമാര്‍ക്കും ബന്ധുക്കള്‍ വഴിവിട്ട് ജോലി നല്കാനുള്ള സ്ഥാപനമായി കാലടി സംസ്‌കൃത സര്‍വ്വകലാശാല മാറി.
കാലഹരണപ്പെട്ട പ്രസ്ഥാനമാണ് സി.പി.എം. ലോകത്ത് നിന്നും തുടച്ച് നീക്കപ്പെട്ട കമ്മ്യൂണിസ്റ്റാശയങ്ങള്‍ എന്താണെന്ന് അറിയാത്തവരാണിന്ന് സി.പി.എമ്മുകാര്‍. ആശയമല്ല, ആമാശയമാണവര്‍ക്കുള്ളത്. സി.പി.എം പിരിച്ചുവിട്ട് നേതാക്കള്‍ കാശിക്കുപോകണമെന്നും സുരേന്ദ്രന്‍ പറഞ്ഞു. അവിടെ പോയാല്‍ കുറഞ്ഞപക്ഷം മോദി ഗംഗാനദിയില്‍ മാത്രം ചെയ്ത കാര്യങ്ങളെന്താണെന്ന് മനസിലാക്കാനും അതില്‍ പ്രദേശവാസികള്‍ക്കുള്ള മതിപ്പു തിരിച്ചറിയാനും സാധിക്കുമെന്നും സുരേന്ദ്രന്‍ പറഞ്ഞു.
https://www.facebook.com/Malayalivartha
