കരിപ്പൂര് സ്വര്ണക്കടത്തുകേസില് അറസ്റ്റിലായ അര്ജ്ജുന് ആയങ്കിയുമായി ബന്ധമുള്ള ഒരു വാഹനം കൂടി കസ്റ്റംസ് പിടികൂടി
05 JULY 2021 12:23 PM IST
മലയാളി വാര്ത്ത
കരിപ്പൂര് സ്വര്ണക്കടത്തുകേസില് അറസ്റ്റിലായ അര്ജ്ജുന് ആയങ്കിയുമായി ബന്ധമുള്ള ഒരു വാഹനം കൂടി കസ്റ്റംസ് പിടികൂടി. ഉദിനൂര് സ്വദേശി വികാസിന്റെ ഉടമസ്ഥതയില് ഉള്ള കാറാണ് പിടികൂടിയത്.
സംഭവദിവസം സ്വര്ണക്കടത്തിന് അകമ്ബടി പോയ ഈ കാര് ഓടിച്ചത് അര്ജ്ജുന്റെ സുഹൃത്ത് തിമിരി സ്വദേശി പ്രണവാണ്. ഇരുവരെയും കസ്റ്റംസ് ചോദ്യം ചെയ്തു.സ്വര്ണക്കടത്തിന് അകമ്ബടി പോകാന് ഈ കാര് ഉപയോഗിച്ചിട്ടുണ്ടെന്ന് അര്ജ്ജുന് ആയങ്കി മൊഴി നല്കിയിരുന്നു.
ഇതിന്റെ അടിസ്ഥാനത്തില് നടത്തിയ അന്വേഷണത്തില് കസ്റ്റംസിന്റെ കാസര്കോട് സംഘമാണ് കാര് കസ്റ്റഡിയിലെടുത്തത്.
ഉടമയായ വികാസില് നിന്ന് കാര് വാടകയ്ക്ക് എടുത്ത പ്രണവ് സ്വര്ണക്കടത്തിന് എക്സ്കോര്ട്ട് പോകാന് വേണ്ടി ഉപയോഗിക്കുകയായിരുന്നു എന്നാണ് കസ്റ്റംസിന്റെ കണ്ടെത്തല്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
