സഹായം ആവശ്യപ്പെട്ട് ഫോണില്‍ വിളിച്ച വിദ്യാര്‍ത്ഥിയോട് കയര്‍ത്ത് സംസാരിച്ച കൊല്ലം എംഎല്‍എ മുകേഷിനെ പിന്തുണച്ച്‌ സംവിധായകന്‍ അഖില്‍ മാരാര്‍ രംഗത്ത് എത്തിയിരിക്കുകയാണ്. മുഖമില്ലാത്ത ചിലര്‍ ആവശ്യത്തിനും അനാവശ്യത്തിനും പലരെയും ദ്രോഹിക്കുന്നുവെന്ന് സംവിധായകന്‍ ഫേസ്‌ബുക്കില്‍ കുറിച്ചു. നമ്ബര്‍ കൊടുത്തവന്റെ മാത്രം അല്ല വിളിച്ചവന്റെയും ഇവനൊക്കെ പിന്തുണ കൊടുക്കുന്ന ഊളകളുടെയും ചെവിക്കല്ലു പൊട്ടണം എന്നാണു അഖില്‍ കുറിച്ചിരിക്കുന്നത്.

അഖില്‍ മാരാര്‍ ഫേസ്‌ബുക്കില്‍ എഴുതിയത് ഇങ്ങനെ:

കുറെ തന്തയ്ക്ക് പിറക്കാത്ത സൈബര്‍ ഊച്ചാളികള്‍ (മുഖമില്ലാത്ത ചിലര്‍) ആവശ്യത്തിനും അനാവശ്യത്തിനും പലരെയും ദ്രോഹിക്കുന്നു.. കൊല്ലം MLA യും അഭിനേതാവും ആയ മുകേഷേട്ടനെ പണ്ട് പാതി രാത്രിയില്‍ വിളിച്ചു സംസാരിച്ച വിഷയം അതിന് മുകേഷേട്ടന്‍ കൊടുത്ത മറുപടി എല്ലാം നമ്മള്‍ കേട്ടതാണ്..അന്നും ഇന്നും ഞാന്‍ മുകേഷേട്ടന്റെ ഭാഗത്താണ്..എന്തിനും ഔചിത്യം സാമാന്യ ബോധം എന്നൊന്നുണ്ട്.. അന്നത്തെ ആരാധകന്‍ എന്ന തലയ്ക്ക് സുഖമില്ലാത്തവനും ഇന്ന് വിളിച്ച പയ്യനും അവനെ ഒക്കെ പിന്തുണയ്ക്കുന്നവന്മാര്‍ക്കും ഒന്നും ഇല്ലാതെ പോകുന്നതും ഈ മര്യാദ തന്നെയാണ്..മുകേഷേട്ടന്‍ രാത്രി 11 മണിക്ക് ഫോണ് എടുത്തത് പോലും എനിക്ക് അത്ഭുതമാണ്.

അത് പോലെ ഇപ്പോള്‍ ഈ പയ്യന്‍ വിളിച്ചപ്പോള്‍ പോലും പുള്ളി പറയുന്നു നിയിത് ആറാമത്തെ തവണയാണ് വിളിക്കുന്നത്.അതും പാലക്കാട് നിന്ന് കൊല്ലത്തെ MLA യെ വിളിക്കുന്നവന് ആംബുലന്‍സോ ഫയര്‍ ഫോര്‍സോ പോലത്തെ എമര്‍ജന്‍സി ഒന്നും അല്ല..അവന് നാട്ടില്‍ വാര്‍ഡ് മെമ്ബര്‍ മുതല്‍ പഞ്ചായത്ത് പ്രസിഡന്റ് വരെ ഉണ്ട്..സ്വന്തം MLA ഉണ്ട്..നിരവധി പാര്‍ട്ടി പ്രവര്‍ത്തകര്‍ ഉണ്ട്..അവരുടെ ഒന്നും നമ്ബറില്‍ വിളിക്കാതെ കൊല്ലത്തെ MLA യെ വിളിക്കുന്നതിന് പിന്നില്‍ ഒറ്റ ഉദ്ദേശമേ ഉള്ളു..ആള്‍ mLa എന്നതില്‍ ഉപരി ഒരു സെലിബ്രിറ്റി കൂടിയാണ്..അപ്പോള്‍ റെക്കോര്ഡ് ചെയ്തു പ്രചരിപ്പിച്ചാല്‍ കൂടുതല്‍ ശ്രദ്ധ കിട്ടും.

നമ്പര്‍ കൊടുത്തവന്റെ മാത്രം അല്ല വിളിച്ചവന്റെയും ഇവനൊക്കെ പിന്തുണ കൊടുക്കുന്ന ഊളകളുടെയും ചെവിക്കല്ലു പൊട്ടണം. എന്ത് കൊണ്ടെന്നാല്‍ നാളെയില്‍ ആവശ്യത്തിനു വേണ്ടി വിളിക്കുന്ന ആള്‍ക്കാരുടെ ഫോണ് പോലും ഇവര്‍ എടുക്കാതെ വരും.. അല്ലാതെ സോഷ്യല്‍ മീഡിയയിലെ പ്രതിഷേധം കണ്ട് നാളെ മുതല്‍ മുകേഷ് വിളിക്കുന്ന എല്ലാവരോടും 'പറയു സാര്‍ ഞാന്‍ എന്താണ് താങ്കള്‍ക്ക് വേണ്ടി ചെയ്യേണ്ടത്..ചെയ്ത ശേഷം ഞാന്‍ സാറിനെ തിരിച്ചു വിളിക്കാം..'മുകേഷേട്ടന്റെ തന്നെ ഭാഷ കടം എടുത്താല്‍ ഇത്തരം കക്ഷികള്‍ക്ക് മയിരു വില പോലും കൊടുക്കേണ്ട കാര്യമില്ല.