സ്ത്രീകള്ക്കെതിരേയുള്ള അതിക്രമം തടയുന്നതിനായി പോലീസിന്റെ നേതൃത്വത്തില് 'പിങ്ക് പ്രൊട്ടക്ഷന് പദ്ധതി'
സ്ത്രീകള്ക്കെതിരേയുള്ള അതിക്രമം തടയുന്നതിനായി പോലീസിന്റെ നേതൃത്വത്തില് 'പിങ്ക് പ്രൊട്ടക്ഷന് പദ്ധതി' വരുന്നു. നാളെ 'പിങ്ക് പ്രൊട്ടക്ഷന് പദ്ധതി' ആരംഭിക്കുമെന്നു മുഖ്യമന്ത്രി പിണറായി വിജയന്.
പീഡനങ്ങള് മുന്കൂട്ടി കണ്ട് തടയുന്നതിനാവശ്യമായ വിവരങ്ങള് ലഭ്യമാക്കാന് പിങ്ക് ജനമൈത്രി ബീറ്റ് എന്ന സംവിധാനം പദ്ധതിയില്പ്പെടും. വീടുകള് തോറും സഞ്ചരിച്ച് ഗാര്ഹികപീഡനങ്ങള് സംബന്ധിച്ച വിവരങ്ങള് ശേഖരിക്കുകയാണ് പിങ്ക് ജനമൈത്രി ബീറ്റ് സംവിധാനത്തിന്റെ ചുമതല.
പഞ്ചായത്ത് അംഗങ്ങള്, അയല്വാസികള്, മറ്റ് നാട്ടുകാര് എന്നിവരില്നിന്നു വിവരം ശേഖരിച്ച് ഇവര് മേല്നടപടികള്ക്കായി സ്റ്റേഷന് ഹൗസ് ഓഫീസര്മാര്ക്ക് കൈമാറും.
പരിശീലനം ലഭിച്ച വനിതാപോലീസ് ഉദ്യോഗസ്ഥര് അടങ്ങുന്ന പിങ്ക് ബീറ്റ് സംവിധാനം കെ.എസ്.ആര്.ടി.സി സ്വകാര്യ ബസുകളിലും സ്കൂള്, കോളജ്, മറ്റ് പൊതുസ്ഥലങ്ങള് എന്നിവയുടെ മുന്നിലും ഇനിമുതല് സാന്നിധ്യമുറപ്പിക്കും.
ജനത്തിരക്കേറിയ പ്രദേശങ്ങളില് സാമൂഹികവിരുദ്ധരുടെ സാന്നിധ്യം കണ്ടെത്താനും നടപടി സ്വീകരിക്കാനുമായി പിങ്ക് ഷാഡോ പട്രോള് ടീമിനെയും നിയോഗിക്കും. വനിതാ ഉദ്യോഗസ്ഥര് മാത്രം ഉള്പ്പെടുന്ന ബുള്ളറ്റ് പട്രോള് സംഘമായ പിങ്ക് റോമിയോയും നാളെ നിലവില് വരുമെന്നും മുഖ്യമന്ത്രി .
"
https://www.facebook.com/Malayalivartha
