കേരളത്തില് പെരുന്നാളിന് ഇളവുകള് നല്കിയത് അനാവശ്യവും അനുചിതവും; ഉത്തര്പ്രദേശും ജമ്മു കാശ്മീരും ഉത്തരാഞ്ചലും കേന്ദ്ര ഭരണ പ്രദേശങ്ങളും മതപരമായ ആഘോഷങ്ങള്ക്ക് വിലക്ക് ഏര്പ്പെടുത്തിയപ്പോള് കേരളത്തില് മൂന്ന് ദിവസം ഇളവ്! സംസ്ഥാനത്ത് മൂന്ന് ദിവസം ഇളവ് നല്കിയത് ശരിയല്ല, ഉത്തരവ് പിന്വലിക്കണമെന്ന് സര്ക്കാരിനെ ഓര്മ്മിപ്പിച്ച് ഐഎംഎ
കേരളത്തില് പെരുന്നാളിന് കൊവിഡ് നിയന്ത്രണങ്ങളില് ഇളവ് നല്കിയത് അനാവശ്യവും അനുചിതവുമെന്ന് ഇന്ത്യന് മെഡിക്കല് അസോസിയേഷന്. കൊവിഡ് കണക്കിലെടുത്ത് ഉത്തര് പ്രദേശും ജമ്മു കാശ്മീരും ഉത്തരാഞ്ചലും പോലെ സംസ്ഥാനങ്ങളും കേന്ദ്ര ഭരണ പ്രദേശങ്ങളും മതപരമായ ആഘോഷങ്ങള്ക്ക് വിലക്ക് ഏര്പ്പെടുത്തിയപ്പോള് കേരളത്തില് മൂന്ന് ദിവസം ഇളവ് നല്കിയത് ശരിയല്ലെന്നും ഉത്തരവ് പിന്വലിക്കണമെന്നും ഐഎംഎ ആവശ്യപ്പെടുന്നു.
'രാജ്യതാല്പര്യത്തിനും മാനവികതയുടെ ക്ഷേമത്തിനും കൊവിഡില് നിന്നും മുക്തി നേടുന്നതിനും ഉത്തരവ് ഉടന് പിന്വലിക്കണം. കൊവിഡിനെതിരെ നിലകൊളളാനുളള നിയമപരമായ കടമയില് നിന്നും കേരളസര്ക്കാര് വ്യതിചലിക്കരുതെന്നും ഐഎംഎ അഭ്യര്ത്ഥിക്കുന്നു.' ഐഎംഎ പുറത്തിറക്കിയ പത്രക്കുറിപ്പില് ആവശ്യപ്പെടുന്നു.
കൊവിഡ് നിയന്ത്രണങ്ങള് തെറ്റിച്ചാല് സംസ്ഥാനത്തിനെതിരെ സുപ്രീംകോടതിയെ സമീപിക്കാനും മടിക്കില്ലെന്നാണ് ഐഎംഎ നല്കുന്ന മുന്നറിയിപ്പ്. സംസ്ഥാനത്ത് പ്രതിപക്ഷ പാര്ട്ടികള് പെരുന്നാളിന് ഇളവ് നല്കാനുളള സംസ്ഥാന സര്ക്കാരിന്റെ തീരുമാനത്തിനെതിരെ പ്രതികരിച്ചിരുന്നു.
മുതിര്ന്ന കോണ്ഗ്രസ് നേതാവ് മനു അഭിഷേക് സിംഗ്വിയും കന്വാര് യാത്ര പോലെയുളള ആഘോഷങ്ങള് നിരോധിച്ചപ്പോള് ഏറ്റവുമധികം പ്രതിദിന രോഗവ്യാപനമുളള കേരളം ബക്രീദ് കണക്കിലെടുത്ത് ഇളവ് നല്കിയത് തെറ്റാണെന്ന് ട്വീറ്റ് ചെയ്തിരുന്നു. പ്രതിദിന കണക്കനുസരിച്ച് കേരളത്തില് ശനിയാഴ്ച 16,148 പുതിയ കൊവിഡ് കേസുകളാണ് റിപ്പോര്ട്ട് ചെയ്തത്. 114 മരണങ്ങളും 24 മണിക്കൂറിനിടെ സ്ഥിരീകരിച്ചിരുന്നു.
https://www.facebook.com/Malayalivartha
