കുടുംബ വഴക്കിന് പിന്നാലെ ആ​ല​പ്പാ​ട് പ​ണ്ടാ​ര​തു​രു​ത്തി​ല്‍ ഭാ​ര്യ​യെ ഭ​ര്‍​ത്താ​വ് കു​ത്തി​ക്കൊ​ല​പ്പെ​ടു​ത്തി. ​പണ്ടാ​ര​തു​രു​ത്ത് മൂ​ക്കും​പു​ഴ ക്ഷേ​ത്ര​ത്തി​ന് സ​മീ​പം തെ​ക്കേ തു​പ്പാ​ശ്ശേ​രി​ല്‍ വീ​ട്ടി​ല്‍ മ​ണി​ക​ണ്ഠ​നാ​ണ് ഭാ​ര്യ ബി​ന്‍​സി​യെ (38) കു​ത്തി​ക്കൊ​ല​പ്പെ​ടു​ത്തി​യ​ത്. തി​ങ്ക​ളാ​ഴ്ച വൈ​കീ​ട്ട്​ ഏഴുമണിയോടെ കൃത്യം ന​ട​ത്തി​യ ​ശേ​ഷം സ്ഥലത്ത് ​ നി​ന്ന് ര​ക്ഷ​പ്പെ​ടാ​നു​ള്ള ശ്ര​മ​ത്തി​നി​ടെ മ​ണി​ക​ണ്ഠ​നെ ക​രു​നാ​ഗ​പ്പ​ള്ളി പൊ​ലീ​സ് പ​ണി​ക്ക​ര്‍​ക​ട​വ് കൊ​ച്ചോ​ച്ചി​റ ഭാ​ഗ​ത്തു​നി​ന്ന് ക​സ്​​റ്റ​ഡി​യി​ലെ​ടു​ത്തു. ഇ​രു​വ​രും ത​മ്മി​ല്‍ എ​ന്നും കു​ടും​ബ​വ​ഴ​ക്ക്​ ന​ട​ക്കാ​റു​ണ്ടെ​ന്ന് പൊ​ലീ​സ് പ​റ​ഞ്ഞു.

ക​ഴി​ഞ്ഞ ദി​വ​സം മ​ണി​ക​ണ്ഠ​ന്‍ വ​ന്‍ തു​ക വാ​യ്പ​യെ​ടു​ത്ത​തു​മാ​യി ബ​ന്ധ​പ്പെ​ട്ട്​ വ​ഴ​ക്ക്​ ന​ട​ന്നി​രു​ന്നു. വി​ഷ​യ​മ​റി​ഞ്ഞ് ബി​ന്‍​സി​യു​ടെ മാ​താ​പി​താ​ക്ക​ള്‍ തി​ങ്ക​ളാ​ഴ്ച വ​ന്ന് പ​രി​ഹാ​ര​ശ്ര​മം ന​ട​ത്തി​പ്പോ​യി. പി​ന്നാ​ലെ ഇ​രു​വ​രും ത​മ്മി​ല്‍ വാ​ക്കേ​റ്റം ന​ട​ന്നെ​ന്നും മ​ണി​ക​ണ്ഠ​ന്‍ ഭാ​ര്യ​യെ ക​ത്തി​കൊ​ണ്ട് ഇ​ട​ത് നെ​ഞ്ചി​ന് താ​ഴെ കു​ത്തു​ക​യാ​യി​രു​ന്നെ​ന്നും പൊ​ലീ​സ് പ​റ​ഞ്ഞു. ആ​ഴ​ത്തി​ലു​ള്ള മു​റി​വേ​റ്റ ബി​ന്‍​സി​യെ ക​രു​നാ​ഗ​പ്പ​ള്ളി​യി​ലെ സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. ഐ.​ആ​ര്‍.​ഇ വെ​ള്ള​നാ​തു​രു​ത്ത് മൈ​നി​ങ് വി​ഭാ​ഗം തൊ​ഴി​ലാ​ളി​യാ​യി​രു​ന്നു മ​ണി​ക​ണ്ഠ​ന്‍.

മറ്റൊരു സംഭവത്തിൽ കാസർഗോഡ് ബേഡകം കുറിത്തിക്കുണ്ടിൽ ഭർത്താവ് ഭാര്യയെ തലയ്ക്കടിച്ച് കൊലപ്പെടുത്തി. കുറത്തിക്കുണ്ട് കോളനി സ്വദേശിനി സുമിതയാണ് മരിച്ചത്. സുമിതയെ ഭർത്താവ് അനിൽകുമാർ വിറക് തടി കൊണ്ട് തലയ്ക്ക് അടിക്കുകയായിരുന്നു എന്നാണ് പൊലീസ് പറയുന്നത്. ഒരു രാത്രി മുഴുവന്‍ യുവാവ് ഭാര്യയെ ഇടിച്ചും തൊഴിച്ചും ക്രൂരമായി പീഡിപ്പിക്കുകയായിരുന്നുവെന്നാണ് വിവരം. യുവതിയുടെ ദേഹമാസകലം പരിക്കുണ്ട്.

മദ്യപിച്ചെത്തിയ അരുണ്‍കുമാര്‍ തിങ്കളാഴ്ച വൈകുന്നേരം മുതല്‍ ഭാര്യയുമായി വഴക്കിട്ടിരിന്നുവെന്നാണ് ബന്ധുക്കള്‍ പറയുന്നത്. നാലുവര്‍ഷം മുമ്പ് പ്രണയിച്ചാണ് യുവതിയും യുവാവും വിവാഹിതരായത്. കൂലിപ്പണിക്കാരനാണ് അരുണ്‍കുമാര്‍. കൊല നടക്കുമ്പോൾ സുമിതയുടെ മാതാവ് ജാനകിയും അരുണ്‍കുമാറിന്റെ അനുജനും വല്യമ്മയും വീട്ടില്‍ ഉണ്ടായിരുന്നു. സുമിതയ്ക്ക് മറ്റൊരു യുവാവുമായി പ്രണയ ബന്ധം ഉണ്ടെന്ന സംശയം ഇയാളെ പ്രകോപിതനാക്കി. ഇരുവരും പട്ടിക വിഭാഗക്കാരാണ്. പിടിയിലായ അരുണ്‍കുമാറിനെ ചോദ്യം ചെയ്തതില്‍ നിന്നുമാണ് കൊലയ്ക്കുള്ള കാരണം വ്യക്തമായത്. കാസര്‍കോട് ആര്‍ ഡി ഒയുടെ സാന്നിധ്യത്തില്‍ മൃതദേഹം ഇന്‍ക്വസ്റ്റ് നടത്തും.

അതേ സമയം കൊല്ലം വിളക്കുടിയിൽ വീട്ടമ്മയെ കുളിമുറിയിൽ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് കുടുംബം. സ്ത്രീധനത്തിന്റെ പേരിൽ ഭർത്താവ് യുവതിയെ കൊലപ്പെടുത്തിയതാണെന്ന് ആരോപിച്ച് കുടുംബം എസ്പിക്ക് പരാതി നൽകി. ഇളമ്പൽ കോ​ട്ട​വ​ട്ടം വ​ള​വു​കാ​ട് താന്നിക്കല്‍​ വീ​ട്ടി​ല്‍ ജോ​മോ​ന്‍ മാ​ത്യു​വിന്റെ ഭാ​ര്യ ജ​യ​മോ​ള്‍ (34) ആ​ണ് മ​രി​ച്ച​ത്. സംഭവത്തിൽ പിതാവിന്റെ പരാതിയെത്തുടർന്ന് ഭർത്താവ് ജോ​മോ​ന്‍ മാ​ത്യു​വിനെ പോലീസ് കസ്റ്റഡിയിലെടുത്തു. വീ​ട്ടി​ലെ ശു​ചി​മു​റി​യി​ല്‍ ക​ഴു​ത്തി​ല്‍ ഷാ​ള്‍ കു​രു​ങ്ങി അ​വ​ശ​നി​ല​യി​ൽ തിങ്കളാഴ്ച ഉച്ചയോടെ ജ​യ​മോളെ കണ്ടെത്തുകയായിരുന്നു. പാത്രം കഴുകുന്നതിനെച്ചൊല്ലി അമ്മായിഅമ്മയും മരുമകളും തമ്മിലുണ്ടായ തര്‍ക്കമാണ് കൊലപാതകത്തില്‍ കലാശിച്ചത്. അമ്മായി അമ്മയുമായുള്ള തര്‍ക്കത്തിനിടയില്‍ ബാത്ത്‌റൂമിലേക്ക് ഓടിക്കയറിയ മരുമകളെ റെയില്‍വേയില്‍ ട്രാക്ക് മെയ്‌ന്റെയ്‌നര്‍ ആയ ഭര്‍ത്താവ് കഴുത്തിന് ഞെരിച്ച്‌ കൊന്നതാണെന്നാണ് ഇപ്പോള്‍ പുറത്ത് വരുന്ന റിപ്പോര്‍ട്ട്.

ജോമോന്‍ ഉച്ചയ്ക്കു ഭക്ഷണം കഴിക്കാന്‍ വീട്ടിലെത്തിയപ്പോള്‍ ജയമോളും ജോമോന്റെ മാതാവ് കുഞ്ഞുമോള്‍ മത്തായിയും തമ്മില്‍ പാത്രം കഴുകി വയ്ക്കുന്നതിനെച്ചൊല്ലി വാക്കു തര്‍ക്കം നടന്നതായി പൊലീസ് പറഞ്ഞു. പിന്നീട് ജയമോള്‍ ശുചിമുറിയില്‍ കയറി. ഏറെ വൈകിയിട്ടും പുറത്തിറങ്ങാത്തതിനെ തുടര്‍ന്നു ജയമോളുടെ മകള്‍ ശുചിമുറിയുടെ കതക് തള്ളിത്തുറന്നു നോക്കുമ്പോൾ ജയമോള്‍ അവശ നിലയില്‍ നിലത്ത് കിടക്കുന്നതാണു കണ്ടത്. ഉടന്‍ പുനലൂരിലെ ആശുപത്രിയില്‍ എത്തിച്ചെങ്കിലും മരിച്ചു.