മരംമുറി വിവാദത്തിൽ വിവരാവകാശ രേഖകൾ നൽകിയ ഉദ്യോഗസ്ഥയ്ക്കെതിരായ പ്രതികാര നടപടി തുടർന്ന് സർക്കാർ; റവന്യൂ അണ്ടര് സെക്രട്ടറി ഒ ജി ശാലിനിയെ റവന്യൂ വകുപ്പില് നിന്ന് ഹയര്സെക്കന്ഡറി വകുപ്പിലേക്ക് മാറ്റി; സർക്കാർ നടപടി ഉദ്യോഗസ്ഥയുടെ ഗുഡ് സര്വീസ് എന്ട്രി റദ്ധാക്കിയതിന് പിന്നാലെ
20 JULY 2021 05:29 PM IST
മലയാളി വാര്ത്ത
മരംമുറി സംബന്ധിച്ചുള്ള ഫയല് വിവരാവകാശ പ്രകാരം നല്കിയ ഉദ്യോഗസ്ഥയ്ക്കെതിരെ വീണ്ടും നടപടി. റവന്യൂ അണ്ടര് സെക്രട്ടറി ഒ ജി ശാലിനിയ്ക്കെതിരെയാണ് നടപടി. ശാലിനിയെ റവന്യൂ വകുപ്പില് നിന്ന് ഹയര്സെക്കന്ഡറി വകുപ്പിലേക്കാണ് മാറ്റിയത്.
രണ്ട് മാസത്തെ നിര്ബന്ധിത അവധിയ്ക്ക് പോകാന് നേരത്തെ അധികൃതര് നിര്ദേശിച്ചിരുന്നു. ഇതിനുപിന്നാലെ ഗുഡ് സര്വീസ് എന്ട്രിയും റവന്യൂ പ്രിന്സിപ്പല് സെക്രട്ടറി റദ്ദാക്കിയത് വിവാദമായിരുന്നു.
മുട്ടില് മരം മുറിയുമായി ബന്ധപ്പെട്ട രേഖകള് കെ.പി.സി.സി സെക്രട്ടറി സി.ആര്.പ്രാണകുമാറിന് വിവരാവകാശ നിയമപ്രകാരം കൈമാറിയതിന് പിന്നാലെയാണ് ഉദ്യോഗസ്ഥയ്ക്കെതിരായ നീക്കങ്ങളെന്നാണ് സെക്രട്ടേറിയറ്റിലെ പ്രതിപക്ഷ സംഘടനകളുടെ ആക്ഷേപം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
