ഒരുമയും സാഹോദര്യവും നിത്യ ജീവിതത്തിലും കൊറോണയ്‌ക്കെതിരെയുള്ള നമ്മുടെ പോരാട്ടത്തിലും ഉണ്ടാകണം. കേരളത്തിലുള്ളവർക്ക് വമ്പൻ ആശംസയുമായി ഗവർണർ ആരിഫ്മുഹമ്മദ് ഖാൻ. ലോകമെമ്പാടുള്ളവർക്ക് ബലിപെരുന്നാൾ ആശംസകൾ നേരുകയായിരുന്നു അദ്ദേഹം.

ത്യാഗത്തെയും സമർപ്പണ മനോഭാവത്തെയും വാഴ്ത്തുന്ന ഈദ് സ്‌നേഹവും അനുകമ്പയും പരസ്പര പിന്തുണയും കൊണ്ട് നമ്മെ കൂടുതൽ ഒരുമിപ്പിക്കട്ടെയെന്ന് ഗവർണർ പറഞ്ഞു.

ലോകമെമ്പാടുമുള്ള മലയാളികൾക്കും അദ്ദേഹം ആശംസ നേർന്നു. ഈ ഒരുമയും സാഹോദര്യവും നിത്യ ജീവിതത്തിലും കൊറോണയ്‌ക്കെതിരെയുള്ള നമ്മുടെ പോരാട്ടത്തിലും ഉണ്ടാകട്ടെയെന്നും അദ്ദേഹം ആശംസിച്ചു. മുഖ്യമന്ത്രി പിണറായി വിജയനും വിശ്വാസികൾക്ക് പെരുന്നാൾ ആശംസകൾ അറിയിച്ചു.

ഉത്തരവാദിത്വബോധത്തോടെ പെരുന്നാൾ ആഘോഷിക്കണമെന്നാണ് മുഖ്യമന്ത്രി പറഞ്ഞത്. ത്യാഗത്തിന്റെയും പരിശുദ്ധിയുടേയും മഹത്തായ സന്ദേശമാണ് ബലി പെരുന്നാൾ. പ്രതിസന്ധിയുടെ ഈ നാളുകളിൽ നമുക്ക് കരുത്തായി മാറുന്നത് മറ്റുള്ളവർക്കും നാടിനും വേണ്ടി ത്യാഗങ്ങൾ സഹിക്കാൻ തയ്യാറാകുന്ന സുമനസ്സുകളാണ്.

സാഹോദര്യവും സൗഹാർദ്ദവും ഉയർത്തിപ്പിടിച്ചുകൊണ്ട് ഒത്തൊരുമയോടെ മുന്നോട്ടു പോകാൻ നമുക്ക് സാധിക്കണം. അതിനുള്ള പ്രചോദനമാകട്ടെ ബലി പെരുന്നാൾ ആഘോഷം എന്ന് പിണറായി വിജയൻ ഫേസ്ബുക്കിൽ കുറിക്കുകയാണ്ടായി.