ശിക്ഷാവിധിയ്ക്കായി കാത്തു നിന്ന പ്രതി മുങ്ങി..... ഭാര്യയെ കൊലപ്പെടുത്തിയ കേസില്‍ ശിക്ഷാവിധി കാത്തു നില്‍ക്കുന്നതിനിടെ പ്രതി മുങ്ങി.... പോലീസിന്റെ പരക്കെ പാച്ചിലിനൊടുവില്‍ കണ്ടെത്തി, ഒടുവില്‍ സംഭവിച്ചത്....
ശിക്ഷാവിധിയ്ക്കായി കാത്തു നിന്ന പ്രതി മുങ്ങി..... ഭാര്യയെ കൊലപ്പെടുത്തിയ കേസില്‍ ശിക്ഷാവിധി കാത്തു നില്‍ക്കുന്നതിനിടെ പ്രതി മുങ്ങി.... തെരച്ചിലിനൊടുവില്‍ കണ്ടെത്തി, ഒടുവില്‍ സംഭവിച്ചത്....
പോലീസ് നെട്ടോട്ടത്തിനിടയില്‍ പ്രതിയെ കണ്ടെത്തിയപ്പോഴേക്കും കോടതിയുടെ പ്രവര്‍ത്തനസമയം കഴിഞ്ഞുപോയിരുന്നു. തുടര്‍ന്ന് ശിക്ഷ ഇന്ന് കോടതി വിധിക്കും.
ഊട്ടി ജില്ലാ സെഷന്‍സ് കോടതിയില്‍ ഇന്നലെ ഉച്ചയ്ക്കായിരുന്നു പോലീസിനെ വലച്ച സംഭവം നടന്നത്. 2017-ല്‍, മകളുടെ വീട്ടിലേക്ക് പിണങ്ങിപ്പോയ ഭാര്യ അന്തോണിയമ്മാളിനെ (53) കുത്തിക്കൊന്ന കേസിലാണ് എടപ്പള്ളി സ്വദേശി ബെന്നി(58) ജയിലിലായത്. പിന്നീട് ജാമ്യം ലഭിച്ച ബെന്നി ശിക്ഷാവിധി കേള്‍ക്കാനാണ് കോടതിയിലെത്തിയത്.
വിചാരണയെല്ലാം കഴിഞ്ഞ് വിധി പ്രസ്താവം കേള്‍ക്കാനായി ഇന്നലെ രാവിലെതന്നെ ബെന്നി എത്തിച്ചേര്‍ന്നു. പത്തരയോടെ ബെന്നി കുറ്റവാളിയാണെന്ന് കോടതി വിധിച്ചു. വിധിപ്രസ്താവം ഉച്ചയ്ക്കു മൂന്നിന് നടത്തുമെന്നും അറിയിച്ചു.
രണ്ടുമണി വരെ കോടതി പടിക്കല്‍ നിന്ന ബെന്നി, പോലീസിന്റെ ശ്രദ്ധ തെറ്റിയതോടെ പതിയെ കോടതിപ്പടി ഇറങ്ങി മുങ്ങി. കോടതി വീണ്ടും ചേര്‍ന്നപ്പോള്‍ പോലീസ് ബെന്നിയെ തേടിയെങ്കിലും കണ്ടെത്താന്‍ കഴിഞ്ഞില്ല. ഇതോടെ പൊലീസ് നഗരം മുഴുവന്‍ പരക്കം പാഞ്ഞു.
ഇതിനിടെ, കോടതിയില്‍ നിന്നിറങ്ങിയ ബെന്നി മദ്യപിച്ച ശേഷം നഗരത്തില്‍ നിന്ന് കടക്കുകയും നീലഗിരിയുടെ പ്രാന്തപ്രദേശമായ വണ്ടിചോലയിലെത്തുകയും ചെയ്തിരുന്നു. പല വഴികളിലൂടെ പലയിടങ്ങളിലായി അന്വേഷിച്ചുനടന്ന പോലീസ് ഒടുവില്‍ ഇയാളെ കണ്ടെത്തിയപ്പോഴേക്കും കോടതി പിരിഞ്ഞിരുന്നു.
https://www.facebook.com/Malayalivartha
