കോട്ടയം നഗരമധ്യത്തിൽ പുതിയ ഭീമ ജുവലറിയുടെ മുന്നിൽ മാല മോഷണം. സ്കൂട്ടർ യാത്രക്കാരിയായ മറിയപ്പള്ളി സ്വദേശിനിയുടെ രണ്ടര പവൻ്റെ താലിമാലയാണ് സംഘം കവർന്നത്. രാവിലെ 9.45 ഓടെ നടുറോഡിൽ സംഭവം നടന്നത് .

തിരുനക്കരയിലേ അക്കൗണ്ടിംങ് സ്ഥാപനത്തിലെ ഉദ്യോഗസ്ഥയാണ് ശ്രീകുട്ടി. സ്കൂട്ടർ ഓടിക്കുന്നതിനിടെ ഗതാഗതക്കുരുക്കുമൂലം വേഗത കുറച്ചപ്പോൾ പിന്നാലെ ബൈക്കിലെത്തിയ രണ്ട് അംഗ സംഘം ശ്രീക്കുട്ടിയുടെ കഴുത്തിൽ നിന്നും മാല തട്ടി പറിക്കുകയായിരുന്നു.

കോട്ടയം വെസ്റ്റ് പോലീസ് ഉടൻ സ്ഥലത്തെത്തി. സി.സി ടി.വി ദൃശ്യങ്ങൾ ശേഖരിച്ചു. അഭയം ചാരിറ്റബിൾ സൊസൈറ്റി ജീവനക്കാരൻ കൈലേഷിൻ്റെ ഭാര്യയാണ് ശ്രീകുട്ടി . നാല് മാസം മുമ്പായിരുന്നു ഇവരുടെ വിവാഹം. കവർച്ച സംഘത്തെ ക്കുറിച്ച് വിവരം ലഭിക്കുന്നവർ എത്രയും പെട്ടന്ന് വിവരം അറിയിക്കണമെന്ന് പോലിസ് നിർദ്ദേശിച്ചു.

പ്രതികൾ എന്ന് കരുതുന്നവർ 9.15 ന് നാഗമ്പടം ഭാഗത്ത് കൂടി കടന്ന് പോയതായി സിസിടിവി ദൃശ്യങ്ങളിൽ വ്യക്തമായിട്ടുണ്ട്. എറണാകുളം ഭാഗത്തേയ്ക്കാണ് ഇവർ പോയതെന്നാണ് സൂചന. 9.15 ന് ഇവർ മറ്റൊരു സ്ത്രീയുടെ മാല മോഷ്ടിക്കാൻ ശ്രമിച്ചതായും സൂചന ലഭിച്ചിട്ടുണ്ട്.