പോസ്റ്റുമോര്‍ട്ടത്തില്‍ കുട്ടി മരിച്ചത് ശ്വാസം മുട്ടി.... നാലു മാസം പ്രായമുള്ള ആണ്‍കുഞ്ഞിനെ വീട്ടില്‍ മരിച്ച നിലയില്‍ കണ്ടെത്തിയ സംഭവത്തില്‍ മാതാപിതാക്കളെ ചോദ്യം ചെയ്യും. അസ്വാഭാവിക മരണത്തിനാണ് പൊലീസ് കേസ് രജിസ്റ്റര്‍ ചെയ്ത് അന്വേഷണം നടത്തുന്നത്.

കാഞ്ഞിരപ്പള്ളി കൂവപ്പള്ളി കളപ്പുരയ്ക്കല്‍ റിജോ - സൂസന്‍ ദമ്പതികളുടെ മകന്‍ ഇഹാനെയാണ് കഴിഞ്ഞ ദിവസം മരിച്ച നിലയില്‍ കണ്ടെത്തിയത്. കുഞ്ഞിന്റെ വായില്‍ നിന്ന് നുര പുറത്തു വന്ന നിലയില്‍ ആയിരുന്നു.

കുട്ടിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. തുടര്‍ന്ന് കോട്ടയം മെഡിക്കല്‍ കോളേജില്‍ നടത്തിയ പോസ്റ്റുമോര്‍ട്ടത്തില്‍ ആണ് കുട്ടി ശ്വാസം മുട്ടിയാണ് മരിച്ചതെന്ന് വ്യക്തമായത്.

ഈ സാഹചര്യത്തിലാണ് പൊലീസ് മാതാപിതാക്കളെ ചോദ്യം ചെയ്യാന്‍ തീരുമാനിച്ചത്. പോസ്റ്റ്‌മോര്‍ട്ടത്തിന്റെ പൂര്‍ണരൂപം റിപ്പോര്‍ട്ട് ലഭിച്ചാലുടന്‍ മാതാപിതാക്കളെ ചോദ്യം ചെയ്യും.



സംഭവം നടക്കുമ്പോള്‍ അമ്മ മാത്രമാണ് ആണ് കുട്ടിയോടൊപ്പം വീട്ടിലുണ്ടായിരുന്നത്. ഇവര്‍ തന്നെയാണ് ഓട്ടോ ഡ്രൈവറായ റിജോയെ ഫോണില്‍ വിളിച്ച് കുട്ടിക്ക് അനക്കമില്ലന്നറിയിച്ചത്. ഈ ഓട്ടോ ഡ്രൈവറുടെയും മൊഴി രേഖപ്പെടുത്തും. നേരത്തെ കുഞ്ഞിന്റെ അമ്മക്ക് മാനസികാസ്വാസ്ഥ്യം ഉണ്ടെന്നു ബന്ധുക്കള്‍ .