വെറുതേ കിട്ടിയ പ്രശസ്തി... തങ്ങളുടെ ജീവിതം സിനിമ ആക്കണമെന്ന ആഗ്രഹം പ്രകടിപ്പിച്ച ഇ ബുള്ജെറ്റ് സഹോദരന്മാര്ക്ക് നായികയെ കിട്ടിയെന്ന്; ഇനി നടനെകൂടെ കിട്ടിയാല് സിനിമ റെഡി; നിങ്ങള് തന്നെ പോരെ എന്ന് ട്രോളന്മാര്; ഇനിയും കാണാന് ഏറെയുണ്ട്
ഇ ബുള്ജെറ്റോ അതെന്ത് സാധനമാ എന്ന് ചോദിച്ചവര്ക്കൊക്കെ ഇന്ന് അവരെ പറ്റി അറിയാം. ഒരു അറസ്റ്റിലൂടെ എല്ലാവരും തിരിച്ചറിഞ്ഞ ഇ ബുള്ജെറ്റ് സഹോദരന്മാര് സിനിമ എടുക്കാനുള്ള തിരക്കിലാണ്. തങ്ങളുടെ ജീവിതം സിനിമ ആക്കണമെന്ന ആഗ്രഹം പ്രകടിപ്പിച്ച ഇ ബുള്ജെറ്റ് സഹോദരന്മാര് നായികയെ കിട്ടിയെന്ന പ്രഖ്യാപനവുമായി രംഗത്തെത്തി.
സംവിധായകരെ തേടിയുള്ള പോസ്റ്റ് സഹോദരന്മാരില് ഒരാളായ ലിബിനാണു പങ്കുവച്ചത്. ഇതോടെ ഇവര്ക്കെതിരേ വ്യാപകമായി ട്രോളുകളും സോഷ്യല് മീഡിയയില് നിറഞ്ഞിരുന്നു. എന്നാല് സിനിമയുമായി മുന്നോട്ടുതന്നെ എന്നാണ് ഇ ബുള്ജെറ്റ് സഹോദരന്മാര് പറയുന്നത്.
തങ്ങളുടെ സിനിമയിലെ നായികയെ പരിചയപ്പെടുത്തി കൊണ്ടുള്ള പോസ്റ്റ് ആണ് ഇപ്പോള് ഇവര് പങ്കുവച്ചിരിക്കുന്നത്. നടിയും മോഡലുമായ നീരജ ആണ് നായികയായി എത്തുന്നത്. നീരജയ്ക്കൊപ്പമുള്ള ചിത്രമാണ് പോസ്റ്റ് ചെയ്തിരിക്കുന്നത്. ഞങ്ങളുടെ സിനിമയുടെ നായികയെ കിട്ടി ഇനി നടനെ കൂടെ കിട്ടിയാല് മതി എന്ന ക്യാപ്ഷനോടെയാണു പോസ്റ്റ്. എന്നാല് നായകന്മാരായി നിങ്ങള്ക്ക് തന്നെ അഭിനയിച്ചാല് പോരെ എന്ന കമന്റുകളും ട്രോളുകളുമാണ് ഇപ്പോള് സോഷ്യല് മീഡിയയില് നിറയുന്നത്.
തങ്ങളുടെ ജീവിതം സിനിമയാക്കണമെന്ന ആഗ്രഹവുമായി യുട്യൂബ് വ്ളോഗര്മാരായ ഇ ബുള്ജെറ്റ് സഹോദരങ്ങള് കഴിഞ്ഞ ആഴ്ചയാണ് രംഗത്തെത്തിയത്. സഹോദരങ്ങളില് ഒരാളായ ലിബിനാണ് ഇന്സ്റ്റഗ്രാം പോസ്റ്റിലൂടെ ആഗ്രഹം പറഞ്ഞത്. താല്പര്യമുള്ളവര് ഇമെയിലൂടെ ബന്ധപ്പെടണമെന്ന് ആവശ്യപ്പെട്ടാണ് പോസ്റ്റ്.
വ്ളോഗര് സഹോദരന്മാരുടെ പോസ്റ്റിനു നിരവധി പേരാണ് കമന്റ് ചെയ്യുന്നത്. ട്രോളുകളിലും പോസ്റ്റ് ഇടം പിടിക്കുന്നുണ്ട്. അടുത്തിടെ ഇവരുടെ വാഹനം അനധികൃതമായി രൂപ മാറ്റം വരുത്തിയതിന് മോട്ടോര് വാഹനവകുപ്പ് കേസെടുത്തതും അതിനെ തുടര്ന്നുണ്ടായ സംഭവങ്ങളും വലിയ രീതിയില് ചര്ച്ചയായിരുന്നു.
ഇവരുടെ നെപ്പോളിയന് എന്ന ടെമ്പോ ട്രാവലര് വാഹനത്തിലാണ് അനധികൃതമായ രൂപമാറ്റം വരുത്തിയത്. വാഹനം മോട്ടോര് വാഹന വകുപ്പ് കസ്റ്റഡിയിലെടുക്കുകയും പിഴയിടുകയും ചെയ്തിരുന്നു. ഇതേത്തുടര്ന്ന് ഇവര് ആര്ടിഒ ഓഫീസില് ബഹളമുണ്ടാക്കി. തുടര്ന്ന് ഔദ്യോഗിക കൃത്യനിര്വഹണം തടസപ്പെടുത്തിയതിനും പൊതുമുതല് നശിപ്പിച്ചതിനും പൊലീസ് ഇരുവര്ക്കുമെതിരെ കേസ് എടുത്ത് അറസ്റ്റ് ചെയ്യുകയായിരുന്നു. ഇവരുടെ ആരാധകര് സമൂഹമാധ്യമങ്ങളില് പ്രതിഷേധവുമായി എത്തിയതോടെയാണ് സംഭവം വലിയ ചര്ച്ചയായത്.
തങ്ങളുടെ ജീവിതം സിനിമയാക്കാന് ആഗ്രഹം ഉള്ളവര് ബന്ധപ്പെടണം എന്ന ആവശ്യവുമായി ഇ ബുള്ജെറ്റ് സഹോദരന്മാരുടെ ആവശ്യം ട്രോള് പേജുകളിലും നിറഞ്ഞു. മുകേഷ്, സുരേഷ്ഗോപി അടക്കമുള്ളവരെ ഗസ്റ്റ് റോളില് നേരിട്ട് എത്തിക്കണമെന്നും കമന്റ് ബോക്സില് ആവശ്യം ഉയര്ന്നിരുന്നു. സിനിമ ആര് സംവിധാനം ചെയ്യണം എന്ന ചോദ്യത്തിന് ഒമര് ലുലുവിന്റെ പേരാണ് കൂടുതല് പേര് പറഞ്ഞത്. എന്നാല് സോറി ഗായ്സ് എനിക്ക് സമയമില്ല. അല്ലെങ്കില് തന്നെ തിരിക്കിലാണ് എന്ന നയമാണ് ഒമര് ലുലു സ്വീകരിച്ചിരിക്കുന്നത്.
'ഇ ബുള് ജെറ്റ് അവരുടെ ജീവിതം സിനിമയാക്കണം എന്ന ആഗ്രഹം പറഞ്ഞ പോസ്റ്റ് മുതല് ഒരുപാട് പേര് ആ വാര്ത്തയിലും അതിനെ പറ്റിയുള്ള ചര്ച്ചകളിലും എന്നെ ടാഗ് ചെയുന്നത് കണ്ടു. സന്തോഷം. പക്ഷേ ഓള്റെഡി രണ്ട് സിനിമയുടെ പണിപുരയില് ആയതിനാല് ഇപ്പോള് എന്തായാലും സമയമില്ല. ഇ ബുള്ജെറ്റ് ടീമിന് ആശംസകള്. നിങ്ങള് ഉദ്ദേശിക്കുന്ന രീതിയില് തന്നെ സിനിമ പുറത്ത് ഇറങ്ങട്ടെ. മല്ലു ട്രാവലിറിന്റെ ഗസ്റ്റ് അപ്പിയറന്സ് കാണാന് കാത്തിരിക്കുന്നു.' എന്നാണ് ഒമര് ഫെയ്സ്ബുക്കില് കുറിച്ചത്.
"
https://www.facebook.com/Malayalivartha
