വാക്കുതര്‍ക്കത്തിനൊടുവില്‍ ഭാര്യയുടെ മൂക്ക് കടിച്ച് മുറിച്ച സംഭവത്തില്‍ ഭര്‍ത്താവ് അറസ്റ്റില്‍... മദ്യത്തിന് അടിമയായ ദിനേഷ് ശാരീരികമായി ഉപദ്രവിക്കുന്നത് പതിവായതോടെ പെണ്‍മക്കളേയും കൂട്ടി ഭാര്യ സ്വന്തം വീട്ടിലേക്ക് പോയി, ചെലവിനുളള പണം ഭര്‍ത്താവില്‍ നിന്നും കിട്ടുന്നതിനായി കോടതിയെ സമീപിച്ചു, പണം നല്‍കുന്നതുമായുളള കാര്യം സംസാരിക്കാനായി ഇയാള്‍ വീട്ടിലെത്തി, സംസാരത്തിനിടെ പ്രകോപിതനായ ദിനേഷ് ടീനയെ കടന്നാക്രമിച്ച് മൂക്ക് കടിച്ചു മുറിച്ചു.

മധ്യപ്രദേശിലെ അലോട്ട് പൊലീസ് സ്റ്റേഷന്‍ പരിധിയിലാണ് സംഭവം നടന്നത്. . ദിനേഷ് മാലി എന്നയാളാണ് അറസ്റ്റിലായത്. ഇയാളുടെ ഭാര്യയാണ് പരാതി നല്‍കിയത്. 2008 ലാണ് ദിനേഷ് മാലിയും ടീനയും തമ്മില്‍ വിവാഹിതരായത്. രണ്ട് പെണ്‍കുട്ടികളുമുണ്ട്. മദ്യത്തിന് അടിമയായ ദിനേഷ് വിവാഹം കഴിഞ്ഞ നാള്‍ മുതല്‍ ശാരീരികമായി ഉപദ്രവിച്ചിരുന്നതായി ഭാര്യയുടെ പരാതിയില്‍ പറയുന്നു.

തൊഴില്‍രഹിതനായ ഭര്‍ത്താവ് മദ്യപിച്ചെത്തി മര്‍ദിക്കുന്നത് പതിവായതോടെ മക്കളേയും കൂട്ടി ഭാര്യ സ്വന്തം വീട്ടിലേക്ക് പോയി.ഇവിടെ പാചക ജോലി ചെയ്തായിരുന്നു ദിനേഷിന്റെ ഭാര്യ ജീവിതമാര്‍ഗം കണ്ടെത്തിയിരുന്നത്.


2019 ല്‍ ഭര്‍ത്താവില്‍ നിന്നും ചിലവിനുള്ള പണം ആവശ്യപ്പെട്ട് ടീന കോടതിയെ സമീപിച്ചിരുന്നു. പണം നല്‍കുന്നതുമായി ബന്ധപ്പെട്ട കാര്യം സംസാരിക്കാനാണ് ദിനേഷ് ടീനയുടെ വീട്ടില്‍ എത്തി. ഈ സമയം രണ്ട് പെണ്‍കുട്ടികളും ടീനയ്‌ക്കൊപ്പമുണ്ടായിരുന്നു. സംസാരം തര്‍ക്കമാകുകയും ഇതിനിടയില്‍ പ്രകോപിതനായ ദിനേഷ് ടീനയെ കടന്നാക്രമിച്ച് മൂക്ക് കടിച്ചു മുറിക്കുകയുമായിരുന്നു. മക്കളുടെ മുന്നില്‍ വെച്ചായിരുന്നു ഇയാള്‍ ഭാര്യയെ ആക്രമിച്ചത്. പല്ല് കൊണ്ട് മുറിഞ്ഞ് ടീനയുടെ മൂക്കില്‍ ആഴത്തിലുള്ള മുറിവുമുണ്ടായി. മൂക്കില്‍ നിന്നും രക്തം വരുന്നത് കണ്ടതോടെ ഇയാള്‍ ഓടി രക്ഷപ്പെടുകയും ചെയ്തു.

ടീനയുടേയും മക്കളുടേയും നിലവിളി കേട്ട് ഓടിയെത്തിയ അയല്‍വാസികളാണ് ആശുപത്രിയില്‍ എത്തിച്ചത്.