മലയാള സിനിമയിൽ എല്ലാം എല്ലാം ആയി, ജനപ്രിയ നായകനായി തിളങ്ങി നിന്ന ദിലീപിന് എന്താണ് ന്പറ്റിയത് ആരാണ് ചതിച്ചത് എന്നുമുള്ള ചോദ്യങ്ങൾ സമൂഹത്തിൽ ഉയരുകയാണ്. നടിയെ ആക്രമിച്ച കേസ് സംബന്ധിച്ച് മുൻ ജയിൽ ഡിജിപി ആർ ശ്രീലേഖയുടെ വെളിപ്പെടുത്തൽ എത്തിയതോടെയാണ്  മലയാളികൾ ആശയക്കുഴപ്പത്തിലാകുന്നത്.

അതേസമയം ഇത്രനാളും പൊലീസും മാധ്യമങ്ങളും പൊതുസമൂഹവും വേട്ടയാടിയ നടനാണ് ദിലീപ്. എന്നാൽ അദ്ദേഹം നിരപരാധിയെന്ന് ഒരു മുൻ ഉന്നത പൊലീസ് ഓഫീസർ തന്നെ പറയുമ്പോൾ ജനപ്രിയ താരത്തെ മനപൂർവം കുടുക്കാൻ ചരടുവലിച്ചത് ആരെന്ന ചോദ്യമാണ് ഉയരുന്നത്.

പൾസർ സുനിക്കൊപ്പം ദിലീപ് നിൽക്കുന്ന ചിത്രം വ്യാജമാണെന്നാണ് ശ്രീലേഖ പറയുന്നത്. ജയിലിൽ നിന്ന് പൾസർ സുനി ദിലീപിന് അയച്ചെന്ന് പറയുന്ന കത്ത് എഴുതിയത് സഹതടവുകാരൻ വിപിൻലാലാണെന്നും അവർ പറയുന്നു. മാത്രമല്ല ഇയാൾ ജയിലിൽ നിന്ന് കടത്തിയ കടലാസ് ഉപയോഗിച്ചാണ് കത്തെഴുതിയതെന്നും, പൊലീസുകാർ പറഞ്ഞിട്ടാണ് കത്തെഴുതിയതെന്ന് വിപിൻ വെളിപ്പെടുത്തിയിട്ടുണ്ടെന്നും ശ്രീലേഖ പറയുന്നു. അതുപോലെ ദിലീപിനെതിരെ പുതിയ കേസെടുത്തത് തെളിവില്ലാത്തതിനാലാണെന്നും ആർ ശ്രീലേഖ വെളിപ്പെടുത്തുന്നു.