ഒറ്റ ദിവസം നടുക്കുന്ന നീക്കം! വിചാരണ കോടതിയിൽ ജഡ്ജി ഹണിയെ ഞെട്ടിച്ച് നടി! ഹൈക്കോടതിയിൽ ദിലീപിനുള്ള കുരുക്ക് റെഡിയാക്കി ക്രൈംബ്രാഞ്ച്.. രാമൻപിള്ളയുടെ കൈവിട്ടുപോകുന്നു...
അതിജീവതയെ സംബന്ധിച്ചും നടിയെ ആക്രമിച്ച കേസിലെ എട്ടാം പ്രതി ദിലീപിനെ സംബന്ധിച്ചും ഇന്ന് നിർണായക ദിവസമാണ്. കേസിനെ സംബന്ധിച്ച് ഒരേ സമയം ഹൈക്കോടതിയിലും വിചാരണക്കോടതിയിലും കേസുണ്ട്. ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് സമര്പ്പിച്ച ഹര്ജി ഹൈക്കോടതി ഇന്ന് പരിഗണിക്കും. ക്രൈംബ്രാഞ്ചാണ് ഹര്ജി നല്കിയത്. ജാമ്യവ്യവസ്ഥകള് ദിലീപ് ലംഘിച്ചുവെന്ന് ചൂണ്ടിക്കാട്ടിയാണ് പ്രോസിക്യൂഷന് ഹൈക്കോടതിയെ സമീപിച്ചത്. ഹൈക്കോടതി നിരീക്ഷണം ഏറെ പ്രധാനമാണ്. ദിലീപിന്റെ ജാമ്യം റദ്ദാക്കണമെന്ന ആവശ്യം നേരത്തെ വിചാരണക്കോടതി തള്ളിയിരുന്നു. ഇതോടെയാണ് സമാന ആവശ്യം ചൂണ്ടിക്കാട്ടി ഹൈക്കോടതിയില് ഹര്ജി നല്കിയത്.കേസില് ദിലീപ് സാക്ഷികളെ സ്വാധീനിച്ച് തെളിവുകള് നശിപ്പിച്ചുവെന്നതടക്കമുള്ള കാര്യങ്ങള് ഗൗരവകരമായി വിചാരണക്കോടതി പരിഗണിച്ചില്ലെന്നാണ് പ്രോസിക്യൂഷന് വാദം. ജസ്റ്റിസ് കൗസര് എടപ്പഗത്താണ് ഹര്ജി പരിഗണിക്കുന്നത്. അതേസമയം കേസ് പരിഗണിക്കാന് എറണാകുളം ജില്ലാ പ്രിന്സിപ്പല് സെഷന്സ് കോടതിക്ക് അധികാരമില്ലെന്ന് ചൂണ്ടിക്കാട്ടിയുള്ള ഹര്ജിയും കോടതി ഇന്ന് പരിഗണിക്കും.
പ്രോസിക്യൂഷനും, അതി ജീവിതയുമായിരുന്നു കോടതി മാറ്റത്തിനെതിരെ ജഡ്ജി ഹണി എം വര്ഗീസിന് മുന്നില് പരാതി ഉന്നയിച്ചത്. വിചാരണ നടത്താന് സി ബി ഐ കോടതിക്കാണ് ഹൈക്കോടതി അനുമതി നല്കിയതെന്നും പ്രോസിക്യൂഷന് ചൂണ്ടിക്കാട്ടിയിരുന്നു. ക്രൈംബ്രാഞ്ച് അധിക കുറ്റപത്രത്തിന്റെ പകര്പ്പും ഇന്ന് പ്രതിഭാഗത്തിന് കൈമാറും. നടിയെ ആക്രമിച്ച കേസ് പരിഗണിക്കാന് എറണാകുളം പ്രിന്സിപ്പല് സെഷന്സ് കോടതിക്ക് കഴിയില്ലെന്നാണ് പ്രോസിക്യൂഷന് പറയുന്നത്. സമാന ആക്ഷേപവുമായി അതിജീവിതയും വിചാരണകോടതിയെ സമീപിച്ചിരിക്കുന്നത്. ഇരുകൂട്ടരും കേസില് വിചാരണ കേള്ക്കുന്ന ജഡ്ജി ഹണി എം. വര്ഗീസിന് മുന്നില് അപേക്ഷ സമര്പ്പിച്ചിട്ടുണ്ട്. സിബിഐ കോടതിക്കാണ് കേസ് നടത്താന് ഹൈക്കോടതി അനുമതി നല്കിയിരുന്നതെന്നാണ് ഇരുകൂട്ടരും വാദിക്കുന്നത്. ജോലിഭാരം കാരണം പ്രിന്സിപ്പല് സെഷന്സ് കോടതിക്ക് കേസ് കൈമാറാന് കഴിയില്ലെന്ന് ഹൈക്കോടതി നേരത്തെ നിലപാടെടുത്തതും പ്രോസിക്യൂഷന് ചൂണ്ടിക്കാട്ടി.
കേസ് ഫയല് ഏത് കോടതിയുടെ അധികാരപരിധിയിലെന്ന് തീരുമാനിക്കണമെന്ന് സ്പെഷ്യല് പ്രോസിക്യൂട്ടര് അജകുമാര് ഹര്ജിയില് പറയുന്നു. ഹണി എം. വര്ഗീസ് എറണാകുളം പ്രിന്സിപ്പല് സെഷന്സ് ജഡ്ജിയായപ്പോള് കേസ് രേഖകള് സെഷന്സ് കോടതിയിലേക്ക് മാറ്റിയിരുന്നു. ഇക്കാര്യത്തില് പ്രതികളുടെ ആക്ഷേപം സമര്പ്പിക്കാന് സമയം നല്കി. എറണാകുളം പ്രിന്സിപ്പല് സെഷന്സ് കോടതി ജഡ്ജിയായ ഹണി എം വര്ഗീസിനെ തന്നെ ആക്രമിച്ച കേസിന്റെ വിചാരണ ചുമതലയില് നിന്ന് നീക്കണമെന്നാവശ്യപ്പെട്ട് അതിജീവിത തന്നെ മുന്നോട്ടു വന്നിരുന്നു. ഇതിന് പിന്നാലെ ഹൈക്കോടതി രജിസ്ട്രാറുടെ ഓഫീസ് ഈ ആവശ്യം തള്ളി ഉത്തരവിറക്കിയിരുന്നു. ഇതിന്റെ അടിസ്ഥാനത്തില് വിചാരണ നടത്തിയിരുന്ന സി ബി ഐ പ്രത്യേക കോടതിയില് നിന്ന് കേസ് രേഖകളെല്ലാം സെഷന്സ് കോടതിയിലേക്ക് മാറ്റിയതായി പ്രോസിക്യൂഷനേയും പ്രതിഭാഗത്തേയും രേഖാമൂലം അറിയിച്ചു. എറണാകുളം സി ബി ഐ കോടതി മൂന്നില് നിന്ന് കേസ് നടത്തിപ്പ് പ്രിന്സിപ്പല് സെഷന്സ് കോടതിയിലേക്ക് മാറ്റുകയും ചെയ്തു. എറണാകുളം സി ബി ഐ കോടതി ജഡ്ജിയായി ഹണി എം വര്ഗീസ് പ്രവര്ത്തിക്കുന്നതിനിടെയാണ് വനിതാ ജ!ഡ്ജി വേണമെന്ന അതിജീവിതയുടെ ആവശ്യത്തില് ഹണി എം വര്ഗീസിനെ വിചാരണച്ചുമതല ഏല്പിച്ചത്. പിന്നീട് എറണാകുളം പ്രിന്സിപ്പല് സെഷന്സ് ജഡ്ജിയായി സ്ഥാനക്കയറ്റം കിട്ടിയെങ്കിലും സി ബി ഐ കോടതിയില് നടന്നുവന്ന വിചാരണ തുടരുകയായിരുന്നു. സിബിഐ കോടതി മൂന്നിന് പുതിയ ജഡ്ജിയേയും നിയമിച്ചിരുന്നില്ല. എന്നാല് കഴിഞ്ഞ ദിവസം സിബിഐ കോടതി മൂന്നിന് പുതിയ ജഡ്ജിയെ നിശ്ചയിച്ച് ഹൈക്കോടതി ഉത്തരവിറക്കി. ഇതോടെയാണ് കേസ് നടത്തിപ്പ് ഹണി എം വര്ഗീസിന്റെ ചുമതലയിലുളള എറണാകുളം പ്രിന്സിപ്പല് സെഷന്സ് കോടതിയിലേക്ക് മാറ്റാന് തീരുമാനിച്ചത്. എന്നാല് പ്രോസിക്യൂഷന് കേന്ദ്രങ്ങളില് നിന്നടക്കം ഇക്കാര്യത്തില് ആശയക്കുഴപ്പം ഉയര്ന്നതോടെയാണ് നടിയെ ആക്രമച്ച കേസിന്റെ വിചാരണ ഹണി എം വര്ഗീസ് തന്നെ തുടരുമെന്ന് ഹൈക്കോടതി ഉത്തരവിറക്കിയത്.
https://www.facebook.com/Malayalivartha
